Таленты ад роднай зямлi

Пошук персаналiй		Геаграфiчны пошук


Імя на беларускай мове:		Макарцоў Мікалай Фёдаравіч
Гады жыцця, месца нараджэння:		(02.01.1949, в. Уюн, Быхаўскі раён, Магілёўская вобласць — 24.01.2012, Гомель, пахаваны ў Гомелі на "Стукачоўскіх" могілках).
Творчая накіраванасць, тэматычны жанр:		Паэт, публіцыст, фалькларыст, рэжысёр.
Звесткі аб званнях, узнагародах:		Член Саюза пісьменнікаў Беларусі, Саюза тэатральных дзеячаў, Саюза музычных дзеячаў, Саюза журналістаў.

Дадатковая інфармацыя (націсніце для паказу/скрывання)

Імя на рускай мове:		Макарцов Николай Федорович
Псеўданімы:
Творчасць:		Пасля заканчэння Магілёўскага культурна-асветніцкага вучылішча Мікалай Фёдаравіч працаваў на Аршаншчыне. Потым служыў у арміі, вучыўся ў Беларускім універсітэце культуры (на той час Мінскі інстытут культуры). Скончыўшы яго і атрымаўшы прафесію рэжысёра, Макарцоў адразу ж займеў сваіх прыхільных гледачоў. У Гомелі ён арганізаваў музычна-драматычны калектыў "Жалейка", які спачатку быў самадзейным, а потым стаў і прафесійным. Са сваім калектывам Мікола Макарцоў скалясіў усё Палессе, асабліва Гомельскі рэгіён. "Жалейка" выступала і ў Мінску, і ў іншых гарадах Беларусі, гастралявала па Украіне, удзельнічала ў прэстыжных сусветных фестывалях, аглядах у Расіі, Індыі, Польшчы. Мікола Макарцоў даў тэатральнае жыццё творам Янкі Купалы, Якуба Коласа, Уладзіслава Галубка, Леапольда Родзевіча, ставіў уласныя сцэнізацыі. Мікалай Фёдаравіч працаваў рэжысёрам-пастаноўшчыкам рэспубліканскай дырэкцыі нацыянальных мастацкіх праграм. Макарцоў набыў вялікую вядомасць як пастаноўшчык масавых свят і народных абрадаў, грандыёзных па маштабах і надзвычай яркіх, маляўнічых па відовішчнасці. У гэтым плане ў Рэспубліцы Беларусь, бадай, не было яму роўных. Тут можна прыгадаць тэатралізаваныя дзеі "Тураўская легенда" і "Купалле" ў Тураве, "Купалле" ў Баркалабава, "Гуканне вясны" ў Жыткавічах, "Багрымаўскія святы" ў Крашыне, Свята старажытнага Друцка ў гэтым жа гарадку, відовішчы на вуліцах і плошчах Гомеля і інш. Апроч рэжысёрскага таленту, надзвычайных арганізатарскіх здольнасцей, Мікола Макарцоў валодаў яшчэ адным неацэнным дарам. Ён быў заўзяты, апантаны збіральнік тэатральнага фальклору, даследчык народнай тэатральнай культуры.
Спіс асобна выдадзеных кніг і зборнікаў:		"Па святочных шляхах Беларусі" (Мінск, 1991) "Тураўская легенда" (Гомель, 1993) "Каб не перасыхала крыніца…" (Гомель, 1994) "Беларусь святкуе" (Мінск, 2000) "Песні вандроўніка" (Мінск, 2004)
Звесткі пра публікацыі ў зборніках, перыядычных выданнях:		Аўтар літаратурных артыкулаў у перыядычным друку
Крыніцы інфармацыі:		Барысенка, С. Мастак на пенсію не выходзіць! : [пра Мікалая Макарцова] / Святлана Барысенка // Звязда. – 2009. – 20 студзеня. – С. 5. Карлюкевіч, А. Мікола Макарцоў : "Мой тэатр – уся Беларусь…" / Алесь Карлюкевіч // Маяк Прыдняпроўя. – 2000 – 1 лістапада. – С. 2. Леўчанка, М. Творца асобага гарту : [пра Мікалая Макарцова] / М. Леўчанка // Маяк Прыдняпроўя. – 2007. – 29 жніўня. – С. 2. Леўчанка, М. Творчы партрэт Міколы Макарцова : рэжысёра, артыста, фалькларыста і публіцыста (да 50-годдзя з дня яго нараджэння і 25-годдзя творчай дзейнасці) / Мікола Леўчанка // Маяк Прыдняпроўя – 1998. – 16 снежня. – С. 3. Макарцов, Н. Экспедиция в люди : [интервью с Николаем Макарцовым] / Н. Макарцов; беседовала Ирина Завадская // Советская Белоруссия. – 2009. – 30 января. – Приложение. Макарцоў, М. Ф. Вандроўнік : [гутарка з М. Макарцовым] / М. Макарцоў; гутарыла Тамара Крэчэнка // Гомельская праўда. – 2009. – 5 лютага. – С. 8. Макарцоў, М. "Зноў гэты дзяцька прыехаў!.." : [гутарка з Мікалаем Макарцовым] / М. Макарцоў; запісала Таццяна Команава // Культура. – 2009. – 21-27 лютага. – С. 12. Марціновіч, А. Каб не перасыхала крыніца : [пра творчасць Мікалая Макарцова] / Алесь Марціновіч // Літаратура і мастацтва. – 2010. – № 3. – С. 5. Сабалеўскі, А. Самы вялікі энтузіяст / Анатоль Сабалеўскі // Літаратура і мастацтва. – 2012. – 2 сакавіка. – С. 20. Сёмкіна, С. Мікола Макарцоў : "Шляхі-дарогі – дом мой і прытулак…" / С. Сёмкіна // Беларуская ніва. – 2003. – 18 снежня. – С. 4. Шчыпкароў, А. Дзеі нашага адраджэння / А. Шчыпкароў // Літаратура і мастацтва. – 1998. – 18 снежня. – С. 4.