Таленты ад роднай зямлi

Пошук персаналiй		Геаграфiчны пошук


Імя на беларускай мове:		Дзмітрыеў Адам Мартынавіч
Гады жыцця, месца нараджэння:		(06.11.1902, в. Ніканавічы, Быхаўскі раён, Магілёўская вобласць — 15.01.1936, Ялта)
Творчая накіраванасць, тэматычны жанр:		Празаік.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Дмитриев Адам Мартынович
Псеўданімы:
Творчасць:		У 1912 г. сям’я А. М. Дзмітрыева пераехала на жыхарства ў Сібір. Пасля ўстанаўлення Савецкай улады працаваў у валасным выканкаме. У пачатку 1920-х гадоў скончыў камвуз, працаваў у павятовым рэўкоме, у губкоме партыі, упаўнаважаным па збору харчовага падатку. У канцы 1922 г. ён – чырвонафлоцец, потым палітработнік на Далёкаўсходнім флоце, удзельнічаў у дэсанце ў Ахоцкім моры пры ліквідацыі рэшткаў бандаў генерала Пепяляева. З 1925 г. на Балтыйскім флоце: памочнік камісара крэйсера "Прафінтэрн", сакратар партыйнага камітэта брыгады эсмінцаў і інстуктар палітупраўлення марскіх сіл Балтыйскага мора. Тут пачалася літаратурная дзейнасць А. М. Дзмітрыева. У 1926 г. у часопісе "Красный Флот" было надрукавана першае апавяданне пісьменніка "За драпежнікамі" (пра барацьбу Далёкаўсходняй флатыліі супраць японскіх інтэрвентаў). У пачатку 1930-х гадоў было створана літаратурнае аб’яднанне Чырвонай Арміі і Флоту, адным з арганізатараў і кіраўнікоў якога стаў ваенны пісьменнік-марыніст А. М. Дзмітрыеў. У 1931 г. выйшла першая яго кніга-аповесць "Ёсць – весці карабель", у 1934 г. – раман "Адмірал Макараў", прысвечаны грамадзянскай вайне на Далёкім Усходзе.
Спіс асобна выдадзеных кніг і зборнікаў:		"Есть – вести корабль" (Ленинград, 1932) "Адмирал Макаров" (Ленинград, 1935)
Звесткі пра публікацыі ў зборніках, перыядычных выданнях:
Крыніцы інфармацыі:		Памяць : гісторыка-дакументальная хроніка Быхаўскага раёна. – Мінск : БелСЭ, 1990. – С. 150. Белакузаў, В. Адам Дзмітрыеў – пісьменнік з Ніканавіч / В. Белакузаў // Маяк Прыдняпроўя. – 1987. – 22 студзеня. – С. 2. Краткая Литературная Энциклопедия : в 9 т. – Москва : Советская Энциклопедия, 1964. – Т. 2. – С. 705.