Таленты ад роднай зямлi

Пошук персаналiй		Геаграфiчны пошук


Імя на беларускай мове:		Дзятлаў Аляксандр Мікалаевіч
Гады жыцця, месца нараджэння:		(03.06.1936, в. Туркі, Бабруйскі раён, Магілёўская вобласць).
Творчая накіраванасць, тэматычны жанр:		Пісьменнік, журналіст.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Дятлов Александр Николаевич
Псеўданімы:		Алесь Дзятлаў
Творчасць:		Аўтар зборнікаў, аповесцей і апавяданняў, нарысаў, фэльетонаў, твораў для дзяцей. Друкуецца з 1956 г. У 1970 г. у газеце "Літаратура і мастацтва" было надрукавана першае апавяданне. Аналізуючы творчасць А. Дзятлава, Міхась Вышынскі зазначыў: "Некаторыя рэцэнзенты, у тым ліку і аўтар гэтых радкоў, разглядаючы калісьці першую кніжку Алеся Дзятлава "Росы на поплаве", дружна згаджаліся, што ўжо ў ёй пісьменнік выразна і ўпэўнена склаўся як творчая асоба з непаўторным голасам (лірычна-спавядальным) і аналітычным мысленнем. Са сваімі нейкімі "па-дзятлаўску" прывабнымі, неардынарнымі героямі-асобамі, сваім ацэначным поглядам на іх, а галоўнае – са сваім абсягам ідэйных пошукаў і даследаванняў. Сам Алесь Дзятлаў пра вытокі сваёй творчасці напісаў: "Лічу сваёй малой радзімай, родным кутам Плёсы. Ніколі не парываў сувязі з роднымі мясцінамі. Многія героі маіх твораў, як кажуць, узяты жыўцом з вяскоўцаў-суседзяў. Нагадаю апавяданні "Росы на поплаве", "Першы снег", "Арцёмава хата", "Світанак над возерам", "Ванечка", "Князь з Высокай Гары", "Чужы", аповесці "Белы месяц сакавік", "Брод" і многія іншыя. Незабыўныя школьныя гады, вучоба ў Цялушскай школе далі штуршок для напісання аповесці "Сляды". Адзін з яе герояў – Бгатка – "падгледжаны" ў Плёсах. Другі вясковец, мой родны дзед па маці Якаў Міхайлавіч Сіліч (у творы Жыліч), "дзейнічае" ў аповесці "Век жыві – век вучыся". У некаторых маіх творах узнаўляюцца падзеі вайны. Штуршком да іх напісання з’явіліся ўражанні маленства ў Пятровічах. Мая малая радзіма, мой родны кут даў мне столькі як чалавеку, пісьменніку, што нельга выказаць словамі. І я ўдзячны людзям, якія ўсё жыццё са мной, у маіх кнігах".
Спіс асобна выдадзеных кніг і зборнікаў:		"Росы на поплаве" (Мінск, 1974) "Белы месяц сакавік" (Мінск, 1977) "Сляды" (Мінск, 1981) "Начное неба ў ліпені" (Мінск, 1981) "Вяртанне" (Мінск, 1987) "У вераснёвы вечар" (Мінск, 1987) "Парог" (Мінск, 1993) "Трое на прахадной" (Мінск, 1993) "Над безданню"(Мінск, 2007) "Чорная эмка" (Мінск, 2008) "Памылка старога глушца" (2014)
Звесткі пра публікацыі ў зборніках, перыядычных выданнях:		Аўтар літаратурных артыкулаў Часопісы "Маладосць", "Полымя", "Родная прырода"
Крыніцы інфармацыі:		Беларуская энцыклапедыя: У 18 т. Т. 6. – Мінск, 1998. – С. 165. Алейчанка, Ю. Звіняць струны сэрца... : [рэцэнзія на кнігу Алеся Дзятлава "Памылка старога глушча", ураджэнца в. Туркі Бабруйскага раёна] / Юлія Алейчанка // Полымя. - 2015. — № 11. — С. 184—185. Карлюкевіч, А. Вяртанне ў вайну // Народная газета. – 2008. – 21 лютага. Памяць. Бабруйскі раён. – Мінск, 1998. – С. 529. Лапіцкая, А. Хто прачытае "Памылку..."? // Літаратура і мастацтва. - 2015. — 24 ліпеня. — С. 7. Макарэвіч, В. Далёкае і блізкае : аб рамане "Над безданню" Алеся Дзятлава, урадж. в. Туркі Бабр. р-на / Васіль Макарэвіч // ЛіМ. - 2008. - 9 мая. - С. 6. Макарэвіч, В. Помныя старонкі : пра аповесць "Чорная эмка" Алеся Дзятлава, урадж. в. Туркі Бабр. р-на / Васіль Макарэвіч // ЛіМ. - 2009. - 8 мая. - С. 7. Макарэвіч, В. С. Балючая памяць : [пра Алеся Дзятлава, беларускага пісьменніка, ураджэнца Бабруйскага раёна] / В. С. Макарэвіч // Макарэвіч, В. С. Святло імёнаў дарагіх : творчыя партрэты беларускіх пісьменнікаў / В. С. Макарэвіч. - Мінск, 2016. — С. 273—281. Стала слова прызваннем: Алесю Дзятлаву – 70 год // Звязда. – 2006. – 3 чэрвеня.