Таленты ад роднай зямлi

Пошук персаналiй		Геаграфiчны пошук


Імя на беларускай мове:		Ярашэвіч Эдуард Сігізмундавіч
Гады жыцця, месца нараджэння:		(28.08.1937, Бабруйск, Магілёўская вобласць – 06.11.1986, г.п. Смілавічы, Мінская вобласць).
Творчая накіраванасць, тэматычны жанр:		Пісьменнік.
Звесткі аб званнях, узнагародах:		Член Саюза пісьменнікаў СССР (1970).

Дадатковая інфармацыя (націсніце для паказу/скрывання)

Імя на рускай мове:		Ярошевич Эдуард Сигизмундович
Псеўданімы:
Творчасць:		Ярашэвіч Эдуард Сігізмундавіч нарадзіўся ў г. Бабруйску ў сям’і служачых. Неўзабаве яны перабраліся на жыхарства ў Смілавічы (Мінская вобласць). Там юнак закончыў сярэднюю школу (1954), але цяжка захварэў, і думкі аб далейшай вучобе давялося адкласці ў бок. Ярашэвіч настойліва займаецца самаадукацыяй, спрабуе пісаць уласныя мастацкія творы. Пасля заканчэння школы ў перыядычным рэспубліканскім друку былі змешчаны яго першыя апавяданні: у газеце "Чырвоная змена", часопісах "Беларусь", "Вожык". У 1967 г. у часопісе "Маладосць" выйшла яго аповесць "Сцены свайго дома" пра маладых сучаснікаў. У 1969 г. выходзіць першы празаічны зборнік пісьменніка пад назвай "Прызнанне" (аповесці і апавяданні). Хлопцы і дзяўчаты, студэнты і спецыялісты, рабочыя і калгаснікі – героі яго наступных твораў: "День далёкий и близкий", "Димка остаётся в Рябиновке", "Летняя практика в Вербичах", "Высокое небо", "Свет имени твоего". У гэтых творах аўтар адлюстроўвае праблемы маральна-этычных зносін паміж людзьмі, паказвае іх шляхі да грамадзянскай сталасці.
Спіс асобна выдадзеных кніг і зборнікаў:		"Вішанькі Восіпа Міхеевіча" (Мінск, 1969) "Прызнанне" (Мінск, 1969) "Дзень далёкі і блізкі" (Мінск, 1973) "Практыка ў Вербічах" (Мінск, 1975) "Белыя Лугі" (Мінск, 1978) "Свет имени твоего" (Москва, 1978) "Пражыць дзень" (Мінск, 1983)
Звесткі пра публікацыі ў зборніках, перыядычных выданнях:
Крыніцы інфармацыі:		Беларуская энцыклапедыя : у 18 т. Т. 18. – Мінск, 2004. – С. 298. Беларускія пісьменнікі (1917-1990) : даведнік. – Мінск, 1994. – С. 638. Пісьменнікі Магілёўшчыны : бібліяграфічны паказальнік. – Магілёў, 1993. – С. 254. Энцыклапедыя літаратуры і мастацтва Беларусі : у 5 т. Т. 5. – Мінск, 1987. – С. 693.