Таленты ад роднай зямлi

Пошук персаналiй		Геаграфiчны пошук


Імя на беларускай мове:		Вараб’ёва (Фясько) Валянціна Уладзіміраўна
Гады жыцця, месца нараджэння:		(07.02.1952, в. Ягаднае, Асіповіцкі раён, Магілёўская вобласць).
Творчая накіраванасць, тэматычны жанр:		Паэтэса, журналіст.
Звесткі аб званнях, узнагародах:		Член Саюза журналістаў Рэспублікі Беларусь. Член Беларускага экалагічнага саюза "Чарнобыль" (1990), Беларускай партыі зялёных (1991). Член Беларускага літаратурнага саюза "Полоцкая ветвь" (1997). Абіралася дэпутатам Магілёўскага гарсавета (1991-1997), кіраўніком Магілёўскай рэгіянальнай арганізацыі Беларускай партыі зялёных (1991).

Дадатковая інфармацыя (націсніце для паказу/скрывання)

Імя на рускай мове:		Воробьева (Фесько) Валентина Владимировна
Псеўданімы:
Творчасць:		Валянціна Уладзіміраўна Вараб’ёва (Фясько) нарадзілася на Магілёўшчыне. Дзяцінства (1953-1958) прайшло ў Сібіры, у Томскай вобласці. У 1959 г. сям’я вярнулася ў Беларусь. У 1969 г. скончыла з залатым медалём сярэднюю школу ў в. Дараганава Асіповіцкага раёна. Скончыла факультэт журналістыкі (1974) Беларускага ўніверсітэта і юрыдычны факультэт (1996), Беларускі інстытут тэхнічнай творчасці і патэнтазнаўства (1990). З 1974 па 1991 гг. працавала загадчыкам аддзела сельскай гаспадаркі Горацкай раённай газеты, вядучым карэспандэнтам, затым намеснікам рэдактара шматтыражнай газеты Магілёўскага вытворчага аб’яднання "Хімвалакно". Член Саюза журналістаў РБ. У 1990 г. атрымала дыплом з адзнакай Беларускага інстытута тэхнічнай творчасці і патэнтазнаўства. Працавала дырэктарам ТАА "ОпТех" ("Аптычныя тэхналогіі") ў г. Магілёве, уласным карэспандэнтам рэспубліканскіх газет, з 2000 па 2005 гг. – намеснікам дырэктара Беларускага навукова-даследчага цэнтра электроннай дакументацыі ў г. Мінску. Удзельнік Усесаюзнага паэтычнага семінара пры Літаратурным інстытуце імя. А. М. Горкага пад старшынствам лаўрэата Дзяржаўнай прэміі Расіі, паэта Уладзіміра Фірсава (г. Масква, 1988). Вершы публікаваліся ў перыядычным друку, у часопісе "Няміга літаратурная", чатырох калектыўных зборніках. У 1997 г. пабачыў свет аўтарскі зборнік "Я это, Господи!". У 2011 г. – другі зборнік – "Возьми крест свой!". У цяперашні час – на пенсіі па інваліднасці. Месца пастаяннага пражывання – вёска Дараганава Асіповіцкага раёна.
Спіс асобна выдадзеных кніг і зборнікаў:		"Я это, Господи!" (Могилев, 1997) "Возьми крест свой!" (Могилев, 2011)
Звесткі пра публікацыі ў зборніках, перыядычных выданнях:		Аўтар паэтычных твораў у перыядычным друку
Крыніцы інфармацыі:		Люди, прославившие Осиповичский район : вып. 2 / Осиповичская библиотечная система ; Центральная районная библиотека ; сост. В. Л. Логвин ; отв. за выпуск А. Г. Хлус. – Осиповичи, 2013.