Таленты ад роднай зямлi

Пошук персаналiй		Геаграфiчны пошук


Імя на беларускай мове:		Герчык Міхаіл Навумавіч
Гады жыцця, месца нараджэння:		(07.06.1932, г. Бабруйск, Магілёўская вобласць – 03.06.2008, г. Мінск).
Творчая накіраванасць, тэматычны жанр:		Пісьменнік.
Звесткі аб званнях, узнагародах:		Член Саюза пісьменнікаў СССР (1964).

Дадатковая інфармацыя (націсніце для паказу/скрывання)

Імя на рускай мове:		Герчик Михаил Наумович
Псеўданімы:		Михаил Герчик, Моисей Герчик, Майсей Герчык
Творчасць:		Герчык Міхаіл Навумавіч (Майсей Беньямінавіч) нарадзіўся ў г. Бабруйску ў сям’і рабочага. У час Вялікай Айчыннай вайны разам з маці і малодшым братам быў у эвакуацыі ў калгасе імя Мічурына Нова-Пакроўскага раёна Арэнбургскай (тады Чкалаўскай) вобласці, працаваў у сельскай гаспадарцы. Восенню 1944 г. сям’я вярнулася дадому. Скончыў Мінскае педагагічнае вучылішча (1953), аддзяленне журналістыкі філалагічнага факультэта Беларускага дзяржаўнага ўніверсітэта (1958). Працаваў у піянерскай газеце "Зорька", быў рэдактарам на Беларускім радыё. З 1964 г. – рэдактар выдавецтва "Беларусь", з 1972 г. – старшы рэдактар выдавецтва "Мастацкая літаратура". У друку выступае з 1949 г. (верш у газеце "Зорька"). Пісаў на рускай і беларускай мовах. За раман "Отдаешь навсегда" адзначаны прэміяй на Усесаюзным літаратурным конкурсе імя М. Астроўскага. Аўтар сцэнарыя мастацкага фільма "Научись танцевать" (1985).
Спіс асобна выдадзеных кніг і зборнікаў:		"Лети, Икар!" (Минск, 1959) "Ветер рвёт паутину" (Минск, 1963) "Портрет Фиделя" (Минск, 1964) "Земное притяжение" (Минск, 1965) "Повесть о золотой рыбке" (Минск, 1968) "Солнечный круг" (Минск, 1970) "…Отдаешь навсегда" (Москва, 1970) "Обретение надежды" (Минск, 1976) "Ветка зелёного дерева" (Минск, 1977) "Самое синее небо" (Минск,1982) "Час гаспадароў" (Мінск, 1983) "Время хозяев" (Москва, 1986) "Вяртанне да сябе" (Мінск, 1989) "Избранные произведения: в 2 т. " (Минск, 1992)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Беларуская энцыклапедыя : у 18 т. Т. 5. — Мінск, 1997. — С. 202. Беларускія пісьменнікі (1917-1920) : даведнік. — Мінск, 1994. — С. 137—138. Беларускія пісьменнікі : бібліяграфічны слоўнік у 6 т. Т. 3. — Мінск, 1992. — С. 180—182. Пісьменнікі Савецкай Беларусі : кароткі бібліяграфічны даведнік. — Мінск, 1970. — С. 98. Энцыклапедыя літаратуры і мастацтва Беларусі : у 5 т. Т. 2. — Мінск, 1985. — С.77.