Таленты ад роднай зямлi

Пошук персаналiй		Геаграфiчны пошук


Імя на беларускай мове:		Басуматрава Святлана Міхайлаўна
Гады жыцця, месца нараджэння:		(22.11.1946, г. Мазыр, Гомельская вобласць – 29.05.2016, г. Бабруйск).
Творчая накіраванасць, тэматычны жанр:		Паэтэса.
Звесткі аб званнях, узнагародах:		Член Саюза пісьменнікаў СССР (1982).

Дадатковая інфармацыя (націсніце для паказу/скрывання)

Імя на рускай мове:		Басуматрова Светлана Михайловна
Псеўданімы:
Творчасць:		Басуматрава Святлана Міхайлаўна нарадзілася ў Мазыры Гомельскай вобласці. Бацька, Міхаіл Аўрамавіч, быў удзельнікам Вялікай Айчыннай вайны, працаваў аграномам; маці, Валянціна Аляксандраўна, настаўніца. Дзяцінства прайшло на Магілёўшчыне. У 1958 г. сям’я выехала на цалінныя землі ў пасёлак Паспеліха Алтайскага краю, дзе жыла да 1962 г., затым пераехала ў Баранавіцкі раён. У 1965 г. Святлана Басуматрава паступіла на філалагічны факультэт Беларускага дзяржаўнага ўніверсітэта. Правучыўшыся год, перавялася ў Літаратурны інстытут імя А. М. Горкага (1966-1969). На трэцім курсе, у сувязі са смерцю бацькі, пакінула вучобу, вярнулася да маці. У 1969-1971 гг. працавала ў саўгасе "Савіцкі" Баранавіцкага раёна, выкладала беларускую і нямецкую мову ў Крывошынскай і Федзюкоўскай сярэдніх школах Ляхавіцкага раёна Брэсцкай вобласці. З 1972 г. працавала ў Бабруйску на швейнай фабрыцы, камбінаце будаўнічых матэрыялаў, карэспандэнтам-арганізатарам шматтыражнай газеты "Рабочы". У 1982 г. стала членам Саюза пісьменнікаў БССР. У 1986 г. скончыла Маскоўскі літаратурны інстытут. Свой першы верш "Любімай настаўніцы" апублікавала ў 1960 г. у паспеліхінскай раённай газеце "За урожай" Алтайскага краю. Жыла ў Бабруйску. У 2014 годзе стала лаўрэатам прэміі імя Алеся Пісьмянкова за дасягненні ў галіне літаратуры. Памёрла 29 мая 2016 года.
Спіс асобна выдадзеных кніг і зборнікаў:		"Белая Бярэзіна" (Мінск, 1981) "Кветкі палявыя" (Мінск, 1985) "Званы чалавечнасці" (Мінск, 1988) "Далеч-далячынь" (Мінск,1991) "Пад знакам скарпіёна" (Мінск, 1994) "Вясна" (Мінск, 1999) "Прыдняпроўе – край талентаў" (Мінск, 2014)
Звесткі пра публікацыі ў зборніках, перыядычных выданнях:		Публікацыі ў зборніках: "Дзень добры, мама! : словы адданасці і любові" (Мінск, 1977) "Адданасць" (Мінск, 1978) "Дзень паэзіі – 80" (Мінск, 1980) "Дзень паэзіі – 82" (Мінск, 1982) "Дзень паэзіі – 83" (Мінск, 1983) "Дзень паэзіі – 84" (Мінск, 1984) "За цябе, Радзіма!" (Мінск, 1984) "Воляй азорыцца свет" (Мінск, 1985) "Партызаны, партызаны..." (Мінск, 1985) "Дзень паэзіі – 86" (Мінск, 1986) "Дзень паэзіі. 1965–1984" (Мінск, 1986) "Гары, агонь Кастрычніка" (Мінск, 1987) "Слова міру і праўды" (Мінск, 1987) "Дзень паэзіі – 88" (Мінск, 1988) "Мы – беларусы" (Мінск, 1988) "О любви : стихи и рассказы" (Минск, 1988) "Дзень паэзіі – 89" (Мінск, 1989) "Дзень паэзіі – 90" (Мінск, 1990) "Каласы роднай мовы" (Мінск, 1990) "Галасы Прыдняпроўя : Магілеўшчына літаратурная" (Магілёў, 1991) "Матчына слова" (Мінск, 1991) "Анталогія беларускай паэзіі. Т.3" (Мінск, 1993) "Зорка Палын : творы беларускіх паэтаў пра чарнобыльскую трагедыю" (Мінск, 1993) "Памяць : гісторыка-дакументальныя хронікі гарадоў і раёнаў Беларусі : Мазыр. Мазырскі раён" (Мінск, 1997) "Агледзіны" (Мінск, 1998) "Анталогія беларускага санета"(Мінск, 2002) "Вместе 90 лет: от "Известий…." До "Бабруйскага жыцця" (Бобруйск, 2008) "Па праву жывога : кніга-прызнанне сучасных беларускіх паэтаў да 70-годдзя вызвалення Беларусі ад нямецка-фашысцкіх захопнікаў" (Мінск, 2014) Аўтар паэтычных твораў у перыядычным друку. Вершы друкаваліся ў часопісах: "Адукацыя і выхаванне", "Алеся", "Беларусь", "Маладосць", "Нёман", "Полымя", "Работніца і сялянка", "Родная прырода", "Роднае слова", газетах: "Літаратура і мастацтва", "Чырвоная змена", "Магілёўская праўда", "Магілёўскія ведамасці", "Камуніст" (пазней "Бабруйскае жыццё"), "Вечерний Бобруйск", "Бобруйский курьер", "Трыбуна працы" і інш.
Крыніцы інфармацыі:		Беларуская энцыклапедыя : у 18 т. Т. 2. — Мінск, 1996. — С. 343. Беларускія пісьменнікі : бібліяграфічны слоўнік у 6 т. Т. 1. — Мінск, 1992. — С. 262—264. Куляшоў, М. "Мой лістапад — пара смугі і страт" : Святлана Басуматрава / Міхась Куляшоў // Бабруйскае жыццё. — 2015. — 22 ліпеня (№ 29). — С. 28. На арбіце часу. — Мінск, 1974. — С. 231—232. Нікіціна, В. "Ні жыць, ні пісаць не магу абыякава..." : мерапрыемства, прысвечанае творчасці С. Басуматравай прайшло ў ЦГБ імя М. Горкага / Валянціна Нікіціна // Вечерний Бобруйск. — 2016. — 23 ноября (№ 47). — С. 5. Регионы Беларуси : энциклопедия : в 7 т. — Минск, 2020. — Т. 6 : Могилевская область : в 2 кн. Кн. 1 А–К. — С. 34. Республика Беларусь : энциклопедия в 6 т. Т. 2. — Минск, 2006. — С. 214. Святлана Басуматрава: да 70-годдзя з дня нараджэння : старонкі біяграфіі // Магілёўскія ведамасці. — 2016. — 29 лістапада — С. 15. Яскевич, Б. Дама королей : стихотворение, посвященное памяти С. Басуматровой / Бронислава Яскевич // Бабруйскае жыццё. — 2016. — 29 чэрв.(№ 26). — С. 28. Энцыклапедыя літаратуры і мастацтва Беларусі : у 5 т. Т. 1. — Мінск, 1984. — С. 313.