Таленты ад роднай зямлi

Пошук персаналiй		Геаграфiчны пошук


Імя на беларускай мове:		Аўрамчык Мікалай Якаўлевіч
Гады жыцця, месца нараджэння:		(14.01.1920, в. Плёсы, Бабруйскі раён, Магілёўская вобласць – 08.05.2017).
Творчая накіраванасць, тэматычны жанр:		Паэт, пісьменнік, перакладчык.
Звесткі аб званнях, узнагародах:		Член Саюза пісьменнікаў СССР (1947). Лаўрэат Літаратурнай прэміі БССР імя Янкі Купалы (1964). Заслужаны работнік культуры БССР (1980). Ганаровы грамадзянін Бабруйскага раёна (1998). Узнагароджаны ордэнамі "Знак Пашаны", Айчыннай вайны II ступені і медалямі.

Дадатковая інфармацыя (націсніце для паказу/скрывання)

Імя на рускай мове:		Аврамчик Николай Яковлевич
Псеўданімы:		Мікола Аўрамчык
Творчасць:		Паэт, празаік і перакладчык нарадзіўся на Магілёўшчыне. Вучыўся ў школах в. Плёсы і Цялуша. Першыя вершы апублікаваў у 1937 г. у бабруйскай газеце "Камуніст". У 1938 г. паступіў на філалагічны факультэт Мінскага педінстытута імя М. Горкага, адначасова працаваў у рэдакцыі газеты "Піянер Беларусі". Сапраўдным настаўнікам і дарадцам у той час для маладога аўтара стаў Аркадзь Куляшоў. У час Вялікай Айчыннай вайны ўдзельнічаў у баях на Паўночна-Заходнім і Волхаўскім франтах. Пры акружэнні ў чэрвені 1942 г. трапіў у палон і вывезены фашыстамі ў Рур на каменнавугальныя шахты. Пасля вайны працаваў на аднаўленні Данбаса. Скончыў філалагічны факультэт БДУ (1949 г.). Працаваў у рэдакцыях газет "Чырвоная змена", "Літаратура і мастацтва", у часопісе "Полымя", працягваў пісаць вершы. На першую пасляваенную пяцігодку прыпадае і выхад першых кніжак паэта. Бясспрэчна, яны не маглі не ўтрымліваць таго, што перажыў франтавік і вязень фашысцкай няволі. Таму першы зборнік так і называўся – "Пярэдні край", у якім знайшлі адлюстраванне і асабісты лёс паэта, і драматычна-гераічныя падзеі ва ўсёй вялікай краіне. Убачанага, вынесенага на асабістай скуры з ліхвой хапіла літаратару, каб пазнаёміць чытачоў з праўдай жыцця ў такіх кнігах вершаў, як "Дружба", "Шляхамі дружбы", "Паўналецце", "Дарогі майго краю", "Ключы жураўліныя", "Сустрэча былых канагонаў", "Універсітэцкі гарадок", "Радовішча", Агледзіны". Пераклаў на беларускую мову творы Дж. Байрана, А. Міцкевіча, Л. Украінкі, М. Джаліля, Г. Эміна, паэму М. Нагнібеды "Васілёк" (1961) і інш. Паэзія Міколы Аўрамчыка – пра драматычны ваенны лёс, уражанні ад студэнцкіх гадоў, паездак па краіне. Мікола Аўрамчык усёю душою любіць літаратуру і асабліва паэзію. На творчым рахунку Міколы Аўрамчыка каля двух дзесяткаў кніг паэзіі, выдадзеных за амаль паўстагоддзя актыўнага жыцця ў літаратуры. У 50-я гады мінулага стагоддзя, працуючы ў часопісе "Маладосць", ён стаў настаўнікам вялікай кагорты вядомых потым беларускіх паэтаў і празаікаў. У 1964 г. за зборнік вершаў "Сустрэча былых канагонаў" ён быў ушанаваны літаратурнай прэміяй імя Янкі Купалы. Пасля амаль 30-гадовай працы ў "Маладосці" і стварэння некалькіх зборнікаў паэзіі, раманаў і аповесцей быў удастоены звання заслужанага работніка культуры Беларусі. Пасля ўбачыўшых свет рамана "У падзямеллі" (1986), аповесці "Палон" (1989), некалькіх кніг эсэ, ён заняты ўспамінамі пра сяброў-паплечнікаў, выбітных людзей эпохі. Пабачыла свет кніга ўспамінаў "Знаёмыя постаці" (2004). На сённяшні час Мікола Аўрамчык стварае мемуары, прымае ўдзел у святах пушкінскай паэзіі ў Цялушы, сустракаецца з чытачамі ў бабруйскіх школах і бібліятэках. Аб паэзіі кажа нечакана: – Вершы – для маладых. Для сталых, як я, – проза.
Спіс асобна выдадзеных кніг і зборнікаў:		"Пярэднi край" (Мiнск, 1949) "Дружба" (Мiнск, 1950) "Шляхамі дружбы" (Мiнск, 1952) "Ключы жураўліныя" (Мiнск, 1960) "Сустрэча былых канагонаў" (Мiнск, 1963) "Універсітэцкі гарадок" (Мiнск, 1967) "Агледзіны" (Мiнск, 1969) "Як на далонi…." (Мiнск, 1970) "Дрэва дружбы" (Мiнск, 1973) "Выбранае" (Мінск, 1976) "Радовiшча" (Мiнск, 1976) "Выбраныя творы" (Мінск,1980) "У падзямеллі" (Мінск, 1986) "Анкета" (Мінск,1990) "Палон" (Мінск, 1991) "Запрашэнне да роздуму" (Мінск, 1994) "Знаёмыя постаці" (Мінск, 2004)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў у газетах "Чырвоная змена", "Літаратура і мастацтва", "Бабруйскае жыццё", часопісах "Полымя", "Маладосць", "Роднае слова", "Нёман"
Крыніцы інфармацыі:		10 фактаў пра паэта Міколу Аўрамчыка, які хадзіў у паліто Машэрава і саромеўся "Сказа пра Лысую гару" // Вечерний Бобруйск. — 2020. — 22 января (№ 4). — С. 6. 14 студзеня – 100 гадоў з дня нараджэння М. Я. Аўрамчыка (1920–2017), паэта, празаіка, перакладчыка // Новыя кнігі: па старонках беларускага друку. — 2019. — № 10. — С. 15—17 (дадатак: Даты беларускага календара). Аврамчик Николай Яковлевич // Кто есть кто в Республике Беларусь. Выпуск посвящен 70-летию Победы в Великой Отечественной войне. председатель редакционного совета И. В. Чекалов : справочное издание. — Мінск, 2015. — С. 5 : фота. Арочка, М. Галоўная служба паэзіі : літаратурная крытыка. — Мінск, 1974. — С. 113—118. Арцем’еў, В. Майстар беларускай паэзіі і настаўнік маладых творцаў : [да 90-годдзя з дня нараджэння паэта Міколы Аўрамчыка, урадж. в. Плёсы Бабр. р-на] / Віктар Арцемьеў // Зямля і людзі. — 2010. — 10 лют. — С. 13. Багарадава, Т. Р. Тэма ваеннага палону ў аповесцях К. Вараб’ёва "Гэта мы, госпадзі!" (1943, 1986) і М. Аўрамчыка "Палон" (1991) : вершы / Т. Р. Багарадава // Веснік Магілёўскага дзяржаўнага ўніверсітэта імя А. А. Куляшова. Серыя А. — 2020. — № 1 (55). — С. 129—134. Барадулін, Р. Аратай, які пасвіць аблокі : сяброўскае слова, эсэ і некананізаваныя ўспаміны. — Мінск, 1995. — С. 74—81. Басуматрава, С. Помняць дрэвы старыя : верш, прысвечаны Міколу Аўрамчыку / Святлана Басуматрава // Бабруйскае жыццё. — 2010. — 13 студзеня. Беларуская энцыклапедыя : у 18 т. Т. 2. — Мінск, 1996. — С. 87. Беларускія пісьменнікі : бібліяграфічны слоўнік : у 6 т. Т. 1. — Мінск, 1992. — С. 134–142. Бугаёў, Д. Талент і праца : літаратурная крытыка. — Мінск, 1979. — С. 286—306. Бусел, Т. Гонар зямлі беларускай / Таццяна Бусел // Трыбуна працы (Бабруйск). — 2013. — 21 жніўня. — С. 3. Бывай, настаўнік... // Звязда. — 2017. — 10 мая. — С. 15 : фота. Войцік, М. Камандзір паэтычнай роты / Марыя Войцік // Літаратура і мастацтва. — 2015. — 30 студзеня. — С. 14. Грышчук, Н. Паэт смяецца апошнім / Наста Грышчук // Літаратура і мастацтва. — 2015. — 17 ліпеня. — С. 8. Давідовіч, М. У. Я выбіраю Бабруйск! : публіцыстыка, мастацкія творы. — Бабруйск, 2009. — С. 71—73. Далідовіч, Г. Неаднойчы ўваскрэслы / Генрых Далідовіч // Аўрамчык, М. Я. Выбраныя творы / Мікола Аўрамчык ; прадм. Генрыха Далідовіча. — Мінск, 2015. — С. 5—12. Дорощенок, П. Творческий полет в будущее : такими они были – первые выпускники отделения журналистики – 1949 / Петр Дорощенок // Журналист. — 2019. — № 3. — С. 14—17. Дорская, C. Сведка эпохі Купалы і Коласа / Саша Дорская // ЛіМ. — 2010. — 9 крас. — С. 13. Драздова, З. "Я да людзей хацеў бы ісці з адкрытаю душой..." / Зінаіда Драздова // Свет близких звезд / сост. Л. П. Саенкова. — Мінск, 2014. — С. 6—16. Жыбуль, В. "Ад Маскоўскай шашы да Суражскага базара..." : мінскія рэаліі ў творчасці Міколы Аўрамчыка / Віктар Жыбуль // Роднае слова. — 2020. — № 1. — С. 4—9. Ішла вайна народная… : беларускія пісьменнікі ў Вялікай Айчыннай. — Мінск, 1991. — С. 48—49. Казак, А. Паэтычная геаграфія Міколы Аўрамчыка : да 100-годдзя з дня нараджэння нашага знакамітага земляка / Аляксандр Казак // Бабруйскае жыццё. — 2020. — 15 студзеня (№ 3). — С. 4. Карпенка, А. М. Я. Аўрамчык: "Для мяне Радзіма — гэта ўсё" / Алена Карпенка // Трыбуна працы (Бабруйск). — 2015. — 14 января. — С. 3 : фота. Купрэвіч, Н. Радовішчы Міколы Аўрамчыка / Наталі Купрэвіч // Краязнаўчая газета. — 2020. — № 3 (студзень). — С. 3. Літвіновіч, Я. Споведзь пакутнай душы / Язэп Літвіновіч // Полымя. — 2015. — № 9. — С. 175—178. Марціновіч, А. Брат сасны и праўды сын : [да 100-годдзя з дня нараджэння Міколы Аўрамчыка] / Алесь Марціновіч // Літаратура і мастацтва. — 2020. — 17 студзеня. — С. 5. Навуменка, В. Вялікі талент, гумар, дабрыня: слова пра Міколу Аўрамчыка / Валерыя Навуменка // Полымя. — 2020. — № 1. — С. 114—119. Памёр Ганаровы грамадзянін Бабруйшчыны паэт Мікола Аўрамчык : кароткая біяграфія і фрагмент інтэрвью паэта // Вечерний Бобруйск. — 2017. — 11 мая (№ 19). — С.4. Панчанка, П. На паэтычным небасхіле. — Мінск, 1977. — С. 45—48. Пісьменнікі Савецкай Беларусі : кароткі даведнік. — Мінск, 1981. — С. 22. Республика Беларусь : энциклопедия : в 6 т. Т. 2. — Минск, 2006. — С. 17. Рублеўская, Л. Таямніцы хлапца з Плёсаў / Людміла Рублеўская // Советская Белоруссия. — 2020. — 14 января. — С. 9. Светлая памяць Міколе Аўрамчыку // Трыбуна працы (Бабруйскі р-н). — 2017. — 13 мая. — С. 6 : фота. Смолякова, О. Микола Аврамчик: "Крестник" Купалы и Коласа : Бобруйск – культурная столица / Ольга Смолякова // Магілеўскія ведамасці. — 2017. — 19 верасня (№ 71). — С. 6. Сустрэчы з днём сённяшнім. — Мінск, 1968. — С. 70—78. Цвірка, К. Човен майго часу / Кастусь Цвірка // Дзеяслоў. — 2016. — № 6. — С. 252—256. Шалахоўскі, А. Памяці Міколы Аўрамчыка / Аляксей Шалахоўскі // Наша слова. — 2017. — 11 кастрычніка. — С. 4 : фота. Энцыклапедыя літаратуры і мастацтва Беларусі : у 5 т. Т. 1. — Мінск, 1984. — С. 222.