Таленты ад роднай зямлi

Пошук персаналiй		Геаграфiчны пошук


Імя на беларускай мове:		Клімуць Яраслаў Іванавіч
Гады жыцця, месца нараджэння:		(10.01.1940, в. Вострава Мастоўскага раёна Гродзенскай вобласці – 18.06.2022, г. Магілёў)
Творчая накіраванасць, тэматычны жанр:		Літаратуразнаўца.
Звесткі аб званнях, узнагародах:		Узнагароджаны Ганаровымі граматамі Міністэрства адукацыі Рэспублікі Беларусь (1982, 1998), Дзяржаўнага літаратурна-мемарыяльнага музея Якуба Коласа (2004), граматамі рэктарата Магілёўскага дзяржаўнага ўніверсітэта імя А. Куляшова.

Дадатковая інфармацыя (націсніце для паказу/скрывання)

Імя на рускай мове:		Климуть Ярослав Иванович
Псеўданімы:
Творчасць:		Яраслаў Іванавіч Клімуць нарадзіўся 10 студзеня 1940 года ў в. Вострава Мастоўскага раёна Гродзенскай вобласці ў сялянскай сям’і. Вучыўся ў Востраўскай пачатковай школе, затым – Гудзевіцкай сярэдняй школе Мастоўскага раёна. Пасля заканчэння ў 1958 годзе сярэдняй школы давялося папрацаваць у калгасе, сельскай краме. У 1959 – 1962 гадах служыў у Савецкай Арміі. 3 1962 да 1967 года ён – студэнт філалагічнага факультэта БДУ. Пасля заканчэння ўніверсітэта, у 1967 / 1968 гадах настаўнічаў у Дубаўской васьмігадовай школе Ваўкавыскага раёна, каля года супрацоўнічаў у рэдакцыі ўздзенскай раённай газеты «Чырвоная зорка». У 1969 – 1975 гадах выкладаў беларускую мову і літаратуру ў Ліцвянскай сярэдняй школе імя П.Ф. Глебкі Уздзенскага раёна Мінскай вобласці. Адначасова вучыўся завочна ў аспірантуры пры Інстытуце літаратуры імя Я. Купалы АН БССР (1972 – 1976), якую паспяхова закончыў і абараніў кандыдацкую дысертацыю па тэме «Якуб Колас і руская савецкая паэзія» (навуковы кіраўнік – доктар фiлалагiчных навук Ю.С. Пшыркоў). З 1975 года Яраслаў Іванавіч працаваў старшым выкладчыкам (1975 – 1980), дацэнтам (1980 – 1985, 2001 – 2006) кафедры беларускай літаратуры Магілёўскага педагагічнага інстытута, дацэнтам кафедры англійскага, агульнага і славянскага мовазнаўства (2006 – 2016). На працягу 14 гадоў, з 1986 па 2000 гады, Яраслаў Іванівіч Клімуць быў дэканам філалагічнага факультэта. Навуковец, літаратуразнаўца, літаратурны крытык, аўтар манаграфій і падручнікаў, адзін з аўтараў “Гісторыі беларускай літаратуры ХХ стагоддзя”, падрыхтаванай да выдання Інстытутам літаратуры імя Я.Купалы НАН Беларусі, Яраслаў Іванавіч Клімуць шмат зрабіў для даследавання, асэнсавання і захавання беларускай літаратурнай спадчыны, выступіў ініцыятарам і актыўным удзельнікам стварэння ўніверсітэцкага літаратурнага кабінета-музея «Літаратурная Магілёўшчына». Плённая навуковая, педагагічная грамадская дзейнасць Я.І. Клімуця адзначана Ганаровымі граматамі Міністэрства адукацыі Рэспублікі Беларусь (1982, 1998), Дзяржаўнага літаратурна-мемарыяльнага музея Якуба Коласа (2004), граматамі рэктарата ўніверсітэта.
Спіс асобна выдадзеных кніг і зборнікаў:
Звесткі пра публікацыі ў зборніках, перыядычных выданнях:		Клімуць, Я. І. Падумаем аб галоўным..." : [паэзія Пімена Панчанкі] / Я. І. Клімуць // Клімуць, Я. І. Шляхі пазнання : нарысы гісторыі беларускай літаратуры другой паловы ХХ ст. / Я. І. Клімуць. - Магiлёў, 2016. — С. 29—43. Клімуць, Я. І. Патрыярх дзіцячай паэзіі : [творчасць Уладзіміра Дубоўкі] / Я. І. Клімуць // Клімуць, Я. І. Шляхі пазнання : нарысы гісторыі беларускай літаратуры другой паловы ХХ ст. / Я. І. Клімуць. - Магiлёў, 2016. — С. 175—195. Клімуць, Я. І. Рамантызацыя гераічнага подзвігу : [раман І. Шамякіна "Глыбокая плынь"] / Я. І. Клімуць // Клімуць, Я. І. Шляхі пазнання : нарысы гісторыі беларускай літаратуры другой паловы ХХ ст. / Я. І. Клімуць. - Магiлёў, 2016. — С. 62—85. Клімуць, Я. І. Рэха шчаслівых дзіцячых гадоў : [паэзія Алега Лойкі] / Я. І. Клімуць // Клімуць, Я. І. Шляхі пазнання : нарысы гісторыі беларускай літаратуры другой паловы ХХ ст. / Я. І. Клімуць. - Магiлёў, 2016. — С. 213—230. Клімуць, Я. І. Алесь Макарэвіч як літаратурны крытык / Яраслаў Клімуць // Прыдняпроўе : Магілёўшчына літаратурная / Магілёўскае аддзяленне грамадскага аб’яднання "Саюз пісьменнікаў Беларусі" ; рэдактар-укладальнік Алесь Казека. - С. 167—173. - Магілёў, 2019. Клімуць, Я. І. Эпісталярная спадчына Якуба Коласа як сведчанне імкліва-зменлівага часу / Я. І. Клімуць // Каласавіны : матэрыялы навуковай канферэнцыі "Спадчына Якуба Коласа — мастака, вучонага, дзеяча культуры і яе сучаснае асэнсаванне". - Мінск, 2000. — С. 150—157. Клімуць, Я. І. Памкненні ў будучыню : Алесь Адамовіч (1926—1994) / Яраслаў Клімуць // Брама : літаратурна-мастацкі альманах Магілёўскага абласнога аддзялення грамадскага аб’яднання "Саюз беларускіх пісьменнікаў" / рэд. рада. : Я. Клімуць і інш.. - Мінск, 2015. — С. 190—198.
Крыніцы інфармацыі: