Таленты ад роднай зямлi

Пошук персаналiй		Геаграфiчны пошук


Імя на беларускай мове:		Цмугунова Святлана Алегаўна
Гады жыцця, месца нараджэння:		(28.11.1984, в. Прудок, Гарадокскі раён, Віцебская вобласць, Беларусь).
Творчая накіраванасць, тэматычны жанр:		Паэтэса.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Цмугунова Светлана Олеговна
Псеўданімы:
Творчасць:		Цмугунова Святлана Алегаўна скончыла УА "Беларуская дзяржаўная сельскагаспадарчая акадэмія". Вершы пачала пісаць у школьныя гады. Друкуецца ў раёнай газеце "Савецкая вёска". Піша вершы на беларускай і рускай мовах на розную тэматыку - вершы аб роднай прыродзе, каханні. Кожны радок яе вершаў прасякнуты любоўю да роднай зямлі, прыроды, павагай да навакольнага асяроддзя, гонарам за сваю Радзіму. У маі 2014 года адзначана Дыпломам II ступені і заахвочвальнай прэміяй за ўдзел у конкурсе паэзіі ў рамках III абласнога свята паэзіі і аўтарскай песні "Пісьмянкоў луг" (Касцюковіцкі раён). У лістападзе 2014 года адзначана падзячным лістом і заахвочвальным падарункам за актыўны ўдзел у Міжнародным літаратурным конкурсе, прысвечаным памяці К. Сіманава і 70-годдзю вызвалення Беларусі ад нямецка-фашысцкіх захопнікаў. З 2014 года з’яўляецца членам клуба творчых сустрэч "Вянок Дрыбіншчыны", які існуе пры Дрыбінскай цэнтральнай раённай бібліятэкі. Узнагароджана Дыпломам II ступені ў конкурсе на лепшы літаратурны твор на тэму жыцця і творчасці Францыска Скарыны "Скарынавай душой узлашчанае слова" (арганізатарамі конкурса выступалі Магілёўская абласная бібліятэка імя У. І. Ленін і Магілёўскае аддзяленне "Союз писателей Беларуси"). З’яўляецца пастаянным удзельнікам, лаўрэатам, і дыпламантам штогадовага конкурсу творчых работ "Славім Дрыбінскі наш край" у рамках рэгіянальнага фестывалю народнай творчасці, народных промыслаў і рамёстваў "Дрыбінскія таржкі". Святлана Цмугунова - яркі прадстаўнік таленавітай моладзі Дрыбіншчыны. Прафесіянал сваёй справы, які шукае новыя формы і нестандартныя рашэнні ў літаратуры, заслужана прызнаны ў асяроддзі сапраўдных знатакоў паэзіі. Імя Святланы Цмугуновай ўнесена ў энцыклапедыю "Хто ёсць Хто ў Рэспубліцы Беларусь. Жанчыны Беларусі" (Мінск, 2018).
Спіс асобна выдадзеных кніг і зборнікаў:		"Быть может то моя дорога..." (Дрыбін, 2015) "Жыві, Радзімы родны кут" (Дрыбін, 2018)
Звесткі пра публікацыі ў зборніках, перыядычных выданнях:		Слаўся, наш дрыбінскі край дарагі… : зборнік вершаў і песень / склад. М. С. Сіліна; М. А.Сакалова. — Дрыбін, 2017.— 163 с. "На "Пісьмянковым лузе" талентаў парад" : зборнік вершаў удзельнікаў конкурса паэзіі "Душа паэзіяй поўная" /Дзяржаўная ўстанова культуры "Касцюковіцкая цэнтральная раённая бібліятэка імя І.Чыгрынава", Аддзел бібліятэчнага маркетынгу; [складальнік Т. М. Коршунава; адказны за выпуск А. Я. Мартыненка]. – Касцюковічы. – 2016. – 52с.
Крыніцы інфармацыі:		Кто есть Кто в Республике Беларусь. Женщины Беларуси. Том 2 / ред И.В.Чекалова. — Минск. — 2018. — 125 с. Кожевникова, Г. "Территория поэтического слова" // Савецкая вёска. – 2015. – 2 верасня. – С. 6.