Таленты ад роднай зямлi

Пошук персаналiй		Геаграфiчны пошук


Імя на беларускай мове:		Шарахоўскі Іван Захаравіч
Гады жыцця, месца нараджэння:		(04.03.1908, п.г.т. Бялынічы, Магілёўская вобласць – 06.04.1973, Мінск, пахаваны на Чыжоўскіх могілках).
Творчая накіраванасць, тэматычны жанр:		Пісьменнік і літаратуразнаўца, перакладчык.
Звесткі аб званнях, узнагародах:		Узнагароджаны двума ордэнамі "Знак Пашаны" і медалямі.

Дадатковая інфармацыя (націсніце для паказу/скрывання)

Імя на рускай мове:		Шараховский Иван Захарович
Псеўданімы:		Янка Шарахоўскі
Творчасць:		Беларускі савецкі пісьменнік і літаратуразнаўца, перакладчык. Нарадзіўся ў п.г.т. Бялынічы. Вучыўся ў Магілёўскім педтэхнікуме (1925-1927). У 1931 г. скончыў Ленінградскі гісторыка-лінгвістычны інстытут, аспірантуру пры Мінскім педінстытуце імя М. Горкага (1938-1941). Працаваў у рэдакцыях рэспубліканскіх газет і часопісаў, галоўным рэдактарам Дзяржаўнага выдавецтва БССР (1948-1957), намеснікам міністра культуры Беларусі (1957-1959), дырэктарам літаратурнага музея Янкі Купалы (1961-1968). Літаратурна-крытычную дзейнасць пачаў у 1931 г. Даследваў жыццёвы і творчы шлях В. Дуніна-Марцінкевіча, Ф. Багушэвіча, Я. Купалы, В. Таўлая, П. Пестрака і інш. Аўтар зборнікаў апавяданняў "Срэбраная раніца" (1951), "Сердалікавая бухта" (1955), "Сплочаны доўг" (1978), манаграфіі пра жыццё і творчасць Янкі Купалы "Пясняр народных дум", якая з’явілася першай навуковай біяграфіяй Купалы на аснове дакументаў, малавядомых крыніц. Перакладаў з рускай мовы раманы І. Тургенева "Рудзін" і "Напярэдадні", "Казкі" М. Салтыкова-Шчадрына, аповесць У. Караленкі "Сляпы музыка", Ф. Гладкова "Аповесць пра дзяцінства" і інш.
Спіс асобна выдадзеных кніг і зборнікаў:		"Срэбраная раніца" (Мінск, 1951) "Сердалікавая бухта" (Мінск, 1955) "Янка Купала" (Мінск, 1962) "Пясняр народных дум" (Мінск, 1976) "Сплочаны доўг" (Мінск, 1978)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Беларускія пісьменнікі (1917 – 1990) : біябібліяграфічны даведнік. – Мінск, 1994. – С. 597. Беларускія пісьменнікі : біябібліяграфічны слоўнік: у 6 т. – Мінск, 1995. – Т. 6. – С. 339. Беларуская энцыклапедыя : у 18 т. – Мінск, 2003. – Т. 17. – С. 378. Бялыніччына : краязнаўчы энцыклапедычны даведнік / уклад. М. Карпечанка. – Мінск : Выдавец Віктар Хурсік, 2011. – С. 135. Вятроў, А. З кагорты першых : [Аб пісьмовай дзейнасці Янкі Шарахоўскага] / А. Вятроў // Зара камунізму. – 1988. – 2 сакавіка. – С. 4. Клімуць, Я. Янка Шарахоўскі // Магілёўская праўда. – 1992. – 14 сакавіка. Клімуць, Я. Янка Шарахоўскі: нашы славутыя землякі // Зара над Друццю. – 1992. – 25 лістапада. Пісьменнікі Магілёўшчыны : бібліяграфічны паказальнік. – Магілёў, 1993. – С. 232–233. Энцыклапедыя літаратуры і мастацтва Беларусі : у 5 т. – Мінск, 1986. – Т. 5. – С. 554.