Таленты ад роднай зямлi

Пошук персаналiй		Геаграфiчны пошук


Імя на беларускай мове:		Хаўратовіч Віктар Кандратавіч
Гады жыцця, месца нараджэння:		(21.06.1934, в. Стары Сінін, Магілёўскі раён, Магілёўская вобласць – 17.10.1991, пахаваны ў г. Бялынічы).
Творчая накіраванасць, тэматычны жанр:		Паэт, будаўнік, грамадскі дзеяч.
Звесткі аб званнях, узнагародах:		Член Саюза пісьменнікаў Беларусі (1986). Лаўрэат прэміі Ленінскага камсамола Магілёўшчыны (1980).

Дадатковая інфармацыя (націсніце для паказу/скрывання)

Імя на рускай мове:		Ховратович Виктор Кондратьевич
Псеўданімы:
Творчасць:		Хаўратовіч Віктар Кандратавіч – беларускі паэт. Скончыў Магілёўскі будаўнічы тэхнікум, вучыўся ў Магілёўскім педінстытуце. Працаваў начальнікам участка Бялыніцкай ПМК-105. Працаваў на розных будоўлях краіны, прарабам Бялыніцкай МБА. 3 1979 г. узначальваў у Бялынічах літаратурнае аб’яднанне "Натхненне", быў выбраны першым старшынёй раённай арганізацыі рэспубліканскага ТБМ імя Ф. Скарыны. У 1961 г. быў надрукаваны першы верш "Вышыня" ў Касцюковіцкай раённай газеце "Ленінскі шлях". 3 1976 г. рэгулярна выступаў у рэспубліканскім друку. Паэзія В. Хаўратовіча неадлучна знітавана з яго працоўным, жыццёвым вопытам, а лірычны герой многіх вершаў з’яўляецца будаўніком-рамантыкам, які любіць сваю зямлю, жыццё, імкнецца ўласнай працай змяніць іх да лепшага. Характэрнымі для творчасці паэта з’яўляюцца таксама матывы сялянскага жыцця, у якіх гучыць павага да людзей вёскі, тэма Вялікай Айчыннай вайны і патрыятызму, любоў да матчынай мовы і роднай Беларусі. У бібліятэцы ўніверсітэта славянскіх культур у Харватыі ёсць шмат беларускіх часопісаў, кніг беларускіх пісьменнікаў, сярод якіх і два паэтычныя зборнікі Віктара Хаўратовіча. У Бялынічах, на фасадзе дома №14 па вуліцы Мічурына, дзе жыў паэт, усталявана мемарыяльная дошка (2008). У адміністрацыйным будынку ПМК №241 створаны мемарыяльны куток.
Спіс асобна выдадзеных кніг і зборнікаў:		"Сонца на кельме" (Мінск, 1983) "Зямныя колеры і гукі" (Мінск, 1990)
Звесткі пра публікацыі ў зборніках, перыядычных выданнях:
Крыніцы інфармацыі:		Аношкін, І. У гоні кінуты зярняты : [Памяці паэта В. Хаўратовіча] // Магілёўская праўда. – 1991. – 30 кастрычніка. Беларускія пісьменнікі : біябібліяграфічны слоўнік : у 6 т. – Мінск, 1995. – Т. 6. – С. 179–180. Беларускія пісьменнікі (1917–1990) : Даведнік / Склад. А. К. Гардзіцкі. – Мінск, 1994. – С. 561. Бялыніччына : краязнаўчы энцыклапедычны даведнік / уклад. М. Карпечанка. – Мінск : Выдавец Віктар Хурсік, 2011. – С. 128. Васільеў, А. Паэт і будаўнік // Магілёўская праўда. – 1980. – 8 сакавіка. Дуктаў, У. Ён сябраваў з натхненнем : [Да 70-годдзя з дня нараджэння В. Хаўратовіча] // Магілёўскія ведамасці. – 2004. – 1 ліпеня. – С. 4. Карпечанка, М. Грэў словы ля самога сэрца : [Рэпартаж з нагоды 60-годдзя паэта В. Хаўратовіча] // Зара над Друццю. – 1994. – 6 ліпеня. Карпечанка, М. Паэту – з павагай ад землякоў : [Адкрыццё мемарыяльнай дошкі паэта В. Хаўратовіча] // Зара над Друццю. – 2008. – 30 красавіка. – С. 8. Паэт і будаўнік : [Вечарына, прысвечаная памяці паэта В. Хаўратовіча] // Зара над Друццю. – 2005. – 8 кастрычніка. – С. 1. Упаў, нібы зорка, у цішыню... : [Памяці В. Хаўратовіча прысвячаецца] // Зара над Друццю. – 1991. – 26 кастрычніка. Цыркуноў, В. Светлы свет будзе вечна жывым : [Успаміны пра паэта В. Хаўратовіча] // Зара над Друццю. – 1994. – 2 лютага. Энцыклапедыя літаратуры і мастацтва Беларусі : у 5 т. – Мінск, 1987. – Т. 5. – С. 443.