Таленты ад роднай зямлi

Пошук персаналiй		Геаграфiчны пошук


Імя на беларускай мове:		Кандрусевіч Аркадзь Лявонцьевіч
Гады жыцця, месца нараджэння:		(10.09.1929, в. Ламачы Хойніцкага раёна – 10.09.1995)
Творчая накіраванасць, тэматычны жанр:		Пісьменнік.
Звесткі аб званнях, узнагародах:		Член Саюза пісьменнікаў Беларусі (1970). Узнагароджаны Ганаровай граматай Вярхоўнага Савета БССР. Прэміі Саюза журналістаў Беларусі 1965 і 1985 гг.

Дадатковая інфармацыя (націсніце для паказу/скрывання)

Імя на рускай мове:		Кондрусевич Аркадий Леонтьевич
Псеўданімы:
Творчасць:		Аркадзь Лявонцьевіч Кандрусевіч – беларускі пісьменнік, мастак. Член Саюза пісьменнікаў Беларусі (1970). Скончыў Мазырскае педагагічнае вучылішча (1947), Ленінградскае мастацка-графічнае педагагічнае вучылішча (1951), Магілёўскі педагагічны інстытут імя А.А. Куляшова (1978). У 1951–1958 гг. працаваў выкладчыкам малявання і чарчэння ў школах Мазыра, Калінкавіч, Пскова. З 1954 г. перайшоў на журналісцкую работу. Працаваў літсупрацоўнікам нараўлянскай, хойніцкай раённых газет; мастаком-рэтушорам рэдакцыі абласной газеты "Магілёўская праўда" (1960–1967), намеснікам адказнага сакратара (1969–1978), загадчыкам аддзела інфармацыі (1979–1983), загадчыкам аддзела савецкай работы і народнага кантролю (1983–1986), з 1989 г. – літкансультантам; загадчыкам аддзела ілюстрацыі рэспубліканскай газеты "Звязда"; кіраваў абласным літаратурным аб’яднаннем "Прыдняпроўе" (1972–1984). Першы верш "Вясна" А. Кандрусевіч змясціў у "Гомельскай праўдзе" (1956), у рэспубліканскім друку – у 1960 г. у часопісе "Вожык". Пісаў лірычныя замалёўкі, навэлы, апавяданні, аповесці. Выдаў зборнікі празаічных твоpaў: "Чарпак Вялікай Мядзведзіцы" (1969), "Кругі на Белай паляне" (1977), "Юныя героі Магілёўшчыны" (1994). Укладальнік кнігі ўспамінаў партызан і падпольшчыкаў Магілёўшчыны "Вяла нас партыя". За нарысы "Зялёны сон" і "Зазвінела песня над пасёлкам" былі прысуджаны прэміі Саюза журналістаў Беларусі 1965 і 1985 гг. Асобныя творы перакладзены на чувашскую і балгарскую мовы. Удзельнік абласных і рэспубліканскіх мастацкіх і фотавыстаў, выстаў экслібрысаў ў Вільні (1972) і Браціславе (1974). Жыў у Магілёве.
Спіс асобна выдадзеных кніг і зборнікаў:		"Чарпак Вялікай Мядзведзіцы" (1969) "Кругі на Белай паляне" (1977) "Вяла нас партыя" (1984) "Юныя героі Магілёўшчыны"(1994)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Аношкін, І. Жыве яго слова / І. Аношкін // Літаратура і мастацтва. — 2010. — 7 мая. — С. 6. Аркадзь Кандрусевіч // Беларускія пісьменнікі (1917—1990) : даведнік / складальнік А. К. Гардзіцкі. — Мiнск, 1994. — С. 256 : фота. Атрашкевіч, А. На кругах жыцця : [аб кнізе "Кругі на белай паляне"] / А. Атрашкевіч // Звязда. – 1977. – 23 верасня. Гальмакоў, Д. Крок першы : [аб кнізе "Чарпак Вялікай Мядзведзіцы"] / Д. Гальмакоў // Маладосць. – 1970. – № 7. – С. 142–143. Гоман, С. Побач людзі шчырыя і добрыя : [аб кнізе "Кругі на белай паляне"] / С. Гоман // Чырвоны Кастрычнік. – 1977. – 13 жніўня. Даніленка, М. Аб людзях шчодрых : [аб кнізе "Кругі на белай паляне"] / М. Даніленка // Гомельская праўда. – 1977. – 8 красавіка. Кандрусевіч Аркадзь : [некралог] // Літаратура і мастацтва. – 1995. – 15 верасня. Капыловіч, І. На адзін круг вышэй : [аб кнізе "Кругі на белай паляне"] / І. Капыловіч // Полымя. – 1977. – № 12. – С. 234–236. Лапуста, М. Проста, задушэўна : [аб кнізе "Чарпак Вялікай Мядзведзіцы"] / М. Лапуста // Гомельская праўда. – 1969. – 27 снежня. Марціновіч, А. Добры свет добрых людзей : [аб кнізе "Кругі на белай паляне"] / А. Марціновіч // Літаратура і мастацтва. – 1977. – 25 сакавіка. Ткачоў, В. Магілёўскі паляшук з Ламачоў / В. Ткачоў // Гомельская праўда. – 1999. – 11 верасня. Тычына, М. Свет прыроды і свет чалавека : [аб кнізе "Чарпак Вялікай Мядзведзіцы"] / М. Тычына // Літаратура і мастацтва. – 1970. – 6 сакавіка.