Таленты ад роднай зямлi

Пошук персаналiй		Геаграфiчны пошук


Імя на беларускай мове:		Фіш Зянон – Леанард
Гады жыцця, месца нараджэння:		(10.07.1820, в. Ключыкі, Бялыніцкі раён, Магілёўская вобласць - ??.??.1870, пахаваны на Чаркашчыне, на могілках былога маёнтка Прусы).
Творчая накіраванасць, тэматычны жанр:		Пісьменнік, паэт, навеліст, публіцыст, журналіст.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Фиш Зенон – Леонард
Псеўданімы:		Тадэвуш Падаліца
Творчасць:		Зянон-Леанард Фіш – першы літаратар Бялыніччыны. Увайшоў у гісторыю нацыянальнай літаратуры як польскамоўны пісьменнік, бо ягоныя творы – вершы, балады, празаічныя падарожныя эцюды – напісаныя па-польску. Актыўны ўдзельнік літаратурна-грамадскага руху (1850-60-х гг.). Нарадзіўся на Магілёўшчыне. Пачатковую адукацыю атрымаў у школах Забілочы і Камянца. Затым пэўны час жыў у сям’і сваяка, маршалка Чаркаскага павета Мацевіча, дзе самастойна ўдасканальваў сваю адукацыю. У дваццаціпяцігадовым узросце Зянон Фіш выехаў ў Санкт-Пецярбург для вырашэння геральдычных пытанняў чаркаскай шляхты. Тут ён далучыўся да літаратурна-грамадскага руху і разам з Антоніем Марцыноўскім, Якубам Юркевічам засноўвае часопіс "Звязда". Літаратурны дэбют адбыўся ў 1841 г., калі ён друкуе на старонках часопіса "Ateneum", які заснаваў Юзэф Крашэўскі, некалькі вершаў. Тут жа змяшчае і першае сваё гістарычнае апавяданне "Noc Tarasowa", а ў часопісе "Pzegłąd naukowy" – гістарычную трагедыю "Konasewicz w Białogrodzie". Выдаў (1846) у Пецярбургу першы том уласнага часопіса "Gwiazda". З’яўляецца аўтарам кніг "Opowiadania і krajobrazy" (Вільна, 1856) і "Listy z podrozy" (Вільна, 1859). Супрацоўнічаў з рэдакцыямі "Тыднёвіка Пецярбургскага", "Газеты Варшаўскай", "Кур’ера Віленскага".
Спіс асобна выдадзеных кніг і зборнікаў:		"Noc Tarasowa" (Вільна,1841) "Konasewicz w Białogrodzie" (Вільна,1841) "Gwiazda" (Вільна, 1846) "Opowiadania і krajobrazy" (Вільна, 1856) "Listy z podrozy" (Вільна, 1859).
Звесткі пра публікацыі ў зборніках, перыядычных выданнях:
Крыніцы інфармацыі:		Бялыніччына : краязнаўчы энцыклапедычны даведнік / уклад. М. Карпечанка. – Мінск : Выдавец Віктар Хурсік, 2011. – С. 127. Карпечанка, М. Калыска дум – бацькоўскі кут : [Творчы лёс З. Фіша] / Міхась Карпечанка // Зара над Друццю. – 1992. – 9 лютага. Карпечанка, М., Снытко А. Першы пісьменнік Бялыніччыны : [Біяграфія і творчы лёс Зянона Фіша] / Міхась Карпечанка, А. Снытко // Зара над Друццю. – 2004. –19 мая. – С. 4. Снытко, А. Першы пісьменнік і журналіст Бялыніччыны : [Польскамоўны літаратар Зянон Фіш] / А. Снытко // Зара над Друццю. – 2007. – 29 жніўня. – С. 6.