Таленты ад роднай зямлi

Пошук персаналiй		Геаграфiчны пошук


Імя на беларускай мове:		Падабед Мікалай Іванавіч
Гады жыцця, месца нараджэння:		(24.05.1937, в. Пожар Клімавіцкага раёна Магілёўскай вобласці).
Творчая накіраванасць, тэматычны жанр:		Пісьменнік-гумарыст, журналіст.
Звесткі аб званнях, узнагародах:		Член Саюза пісьменнікаў Беларусі. Заслужаны работнік культуры Беларусі, заслужаны журналіст Беларускага Саюза журналістаў, лаўрэат рэспубліканскага творчага конкурсу гумарыстаў. Узнагароджаны дыпломам Саюза пісьменнікаў Беларусі.

Дадатковая інфармацыя (націсніце для паказу/скрывання)

Імя на рускай мове:		Подобед Николай Иванович
Псеўданімы:
Творчасць:		Падабед Мікалай Іванавіч –заслужаны работнік культуры Беларусі, заслужаны журналіст Беларускага саюза журналістаў, лаўрэат рэспубліканскага творчага конкурсу ў намінацыі "Сатыра і гумар", член Саюза пісьменнікаў Беларусі. Скончыў Магілёўскі дзяржаўны педінстытут імя А. Куляшова, Мінскую Вышэйшую партыйную школу. Працаваў рабочым Клімавіцкага раённага прамысловага камбіната, загадчыкам Лазовіцкага сельскага клуба, старшынёй Лазовіцкага сельскага Савета, загадчыкам аддзела пісьмаў Клімавіцкай раённай газеты "Новае жыццё", з 1973 г. па 2006 г. галоўным рэдактарам Бялыніцкай раённай газеты "Зара над Друццю". Мікола Падабед свой шлях у пісьменнікі пачынаў з журналістыкі, паколькі больш трох дзясяткаў гадоў адшчыраваў рэдактарам раённай газеты ў Бялынічах. Вядома, прафесія журналіста не магла не накласці адбітак на стылістыку твораў Міколы Падабеда як пісьменніка. У сваіх аповесцях ён імкнецца паказаць свайго героя не праз зацягнутыя аўтарскія разважанні і апісальныя характарыстыкі, а праз учынкі. Тое ж самае і ў гумарэсках, якія маюць дынамічны сюжэт, насычаны вобразнымі выказваннямі, пачутымі аўтарам у асяродку мясцовых жыхароў. Аўтар кніг сатыры і гумару "Мазалі мядовага месяца", "Мільён за ўсмешку", "Жонка напракат", "Іду на сустрэчу з навальніцай" .Творы друкаваліся ў часопісах "Вожык", "Алеся", "Беларусь", штотыднёвіку "Літаратура і мастацтва", у рэспубліканскіх і абласных газетах. Друкаваўся ў калектыўных зборніках "Праменьчык сонца ў душы маёй", "Прыдняпроўе".
Спіс асобна выдадзеных кніг і зборнікаў:		"Мазалі мядовага месяца" (Магілёў, 2001) "Мільён за ўсмешку" (Магілёў, 2008) "Жонка напракат"( Магілёў, 2011) "Іду на сустрэчу з навальніцай" (Магілёў, 2013) "Сонца сярод ночы" (2018).
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў.
Крыніцы інфармацыі:		Бялыніччына : краязнаўчы энцыклапедычны даведнік / уклад. М. Карпечанка. – Мінск : Выдавец Віктар Хурсік, 2011. – С. 96–97. Вядомы гумарыст адзначае юбілей : [Міколу Падабеду – 80 год] // Зара над Друццю. — 2017. — 24 мая. — С. 3. Казека, А. Жыццёвая мудрасць ветэрана / Алесь Казека // Магілёўскія ведамасці. — 2022. — 24 мая. — С. 12. Леўчанка, М. На крутых паваротах жыцця : [Пра творчасць Міколы Падабеда, пісьменніка з Бялыніч] / Мікола Леўчанка // Магілёўскія ведамасці. – 2011. – 24 жніўня. – С. 16. Леўчанка, М. Рубцы на сэрцы Міколы Падабеда : [Пра беларускага пісьменніка, журналіста з Бялыніч] / Мікола Леўчанка // Белорусская нива. – 2012. – 24 мая. – С. 12. Леўчанка, М. У гумары адметны след пакінуў аўтар Падабед / Мікола Леўчанка // Літаратура і мастацтва. — 2022. — 30 мая. — С. 15. Сасноўкін, У. Мільён усмешак : [Літаратурная вечарына з нагоды 75-годдзя Міколы Падабеда ў Бялыніцкім раённым цэнтры культуры] / Уладзімір Сасноўкін // Літаратура і мастацтва. – 2012 . – 8 чэрвеня. – С. 24. Сцежка да сэрца : [У Магілёўскай абласной узбуйненай друкарні імя Спірыдона Собаля пабачыла свет новая кніга пісьменніка Міколы Падабеда "Іду на сустрэчу з навальніцай"] // Могилёвские ведомости. – 2013. – 23 июля. – С. 12. Супіталёў, А. Вернасць мастацкаму слову : [аб творчай вечарыне, прысвечанай 80-гадоваму юбілею вядомага пісьменніка і гумарыста Міколы Падабеда] / Андрэй Супіталёў // Зара над Друццю. — 2017. — 27 мая.— С. 1,4 : фота. Супіталёў, А. Вернасць мастацкаму слову : [вядомаму пісьменніку, гумарысту Міколу Падабеду — 80 год] / Андрэй Супіталёў // Магілёўскія ведамасці. — 2017. — 30 мая. — С. 10. Халамов, М. Николай Подобед: "У каждого времени свои герои" : [О заслуженном работнике культуры Республики Беларусь, лауреате республиканского литературного конкурса в номинации "Сатира и юмор, журналисте Н. И. Подобеде"] / Михаил Халамов // Могилёвские ведомости. – 2013. – 3 сентября. – С. 4. Церахаў, А. "Жонка напракат" : [Выйшла новая кніга М. Падабеда] / Аляксандр Церахаў // Магілёўскія ведамасці. – 2011. – 21 июня. – С. 12.