Таленты ад роднай зямлi

Пошук персаналiй		Геаграфiчны пошук


Імя на беларускай мове:		Пысін Аляксей Васільевіч
Гады жыцця, месца нараджэння:		(22.03.1920, в. Высокі Борак, Краснапольскі раён, Магілёўская вобласць – 27.08.1981, пахаваны ў Магілёве, на Польскіх могілках).
Творчая накіраванасць, тэматычны жанр:		Беларускі паэт, журналіст, перакладчык.
Звесткі аб званнях, узнагародах:		Член Саюза пісьменнікаў Беларусі (1950). Заслужаны дзеяч культуры Беларусі (1980), лаўрэат Дзяржаўнай прэміі Беларусі імя Я. Купалы за кнігу вершаў "Твае далоні" (1968).

Дадатковая інфармацыя (націсніце для паказу/скрывання)

Імя на рускай мове:		Пысин Алексей Васильевич
Псеўданімы:
Творчасць:		Дзіцячыя і школьныя гады А. Пысіна прайшлі ў роднай вёсцы Высокі Борак Краснапольскага раёна. Пасля заканчэння Палужскай сярэдняй школы юнака райком камсамола накіраваў на вучобу ў Мінскі камуністычны інстытут журналістыкі. У верасні 1939 г. студэнта другога курса накіравалі на працу ў Бельскую павятовую, пасля раённую газету, дзе ён быў літсупрацоўнікам да пачатку Вялікай Айчыннай вайны. Вайну прайшоў сувязістам, быў двойчы паранены. Дэмабілізаваўся Аляксей Пысін напачатку 1946 г. Прызнаны майстар прыгожага беларускага пісьменства пакінуў свой след не толькі ў паэзіі. Быў таленавітым журналістам – з 1946 г. працаваў у раённым друку, з 1958 г. – у абласной газеце "Магілёўская праўда". У 1956–1958 гг. вучыўся на Вышэйшых літаратурных курсах у Маскве. З 1974 г. да апошніх дзён узначальваў Магілёўскае абласное аддзяленне Саюза пісьменнікаў БССР. Пяру А. Пысіна – пачынальніка і заканадаўцы многіх тэматычных кірункаў у паэзіі – належыць больш за дваццаць кніжак паэзіі, за зборнік вершаў і паэм "Твае далоні" прысуджана Дзяржаўная прэмія БССР імя Янкі Купалы (1968). Яшчэ пры жыцці паэт стаў славутасцю, пра яго і зараз не без падстаў гавораць: "Як Быкаў у прозе". Творы А. Пысіна, адзінага з магілёўскіх паэтаў, увайшлі ў 200-томнае савецкае выданне "Бібліятэка сусветнай літаратуры", перакладзены на рускую, украінскую і іншыя мовы. Пісаў вершы для дзяцей. На беларускую мову пераклаў "Маабіцкі сшытак" М. Джаліля (1975), зборнік вершаў М. Ханінава "Жураўлі над стэпам" (1977). Узнагароджаны медалём "За працоўную доблесць", ордэнам Дружбы народаў, двойчы – медалём "За адвагу". Імя Аляксея Пысіна нададзена Палужскай сярэдняй школе Краснапольскага раёна, у якой ён вучыўся і дзе працуе прысвечаны яму літаратурны музей, вуліцам у Магілёве і Краснаполлі. У літаратурным музеі МДУ імя А. А. Куляшова створаны куток памяці А. Пысіна, у абласной бібліятэцы штогод праходзяць Пысінскія чытанні. На доме № 35-а па праспекце Міру ў Магілёве, у якім жыў паэт, устаноўлена мемарыяльная дошка.
Спіс асобна выдадзеных кніг і зборнікаў:		"Наш дзень" (Мінск, 1951) "Сіні ранак" (Мінск, 1959) "Эхо" (Мінск, 1960) "Матылёчкі-матылі" (Мінск,1962) "Сонечная паводка" (Мінск, 1962) "Вясёлка над плёсам" (Мінск, 1964) "Мае мерыдыяны" (Мінск, 1965) "Миллион адресов" (Мінск, 1965) "Твае далоні" (Мінск, 1967) "Меридианы" (1968) "Пойма" (Мінск, 1968) "Корабельные сосны" (Мінск, 1969) "Дзяўчынка Марыям" (Мінск, 1970) "Да людзей ідучы" (Мінск, 1972) "Кавылёк" (Мінск, 1973) "Вярбовы мост" (Мінск, 1974) "Ёсць на свеце мой алень" (Мінск, 1978) "Колькі сонцаў!" (Мінск, 1979) "Выбраныя творы" (Мінск, 1980) "Палёт" (Мінск, 1982) "Есть на свете мой олень" (Мінск, 1983) "Сколько в небе солнышек?" (1983) "Аляксей, Дзяніс, Алёнка" (Мінск, 1984) "Сердцем добрым" (Мінск, 1985) "Збор твораў" (Мінск, 1989) "Выбранае" (Магілёў, 2020) "Творы/ Аркадзь Куляшоў, Аляксей Пысін" (Мінск, Мастацкая літаратура, 2022) "Матылёчкі-матылькі" (Мінск, Мастацкая літаратура, 2023)
Звесткі пра публікацыі ў зборніках, перыядычных выданнях:		Аўтар літаратурных артыкулаў
Крыніцы інфармацыі:		Арцем’еў, В. Аб лірыцы паэта Пысіна / В. Арцем’еў // Веснік Магілёва. – 2009. – 25 верасня. – С. 4. Арцем’еў, В. Аляксей Пысін: асоба і характар / В. Арцем’еў // Веснік Магілёва. – 2006. – 13 кастрычніка. – С. 7. Арцем’еў, В. Аляксей Пысін і Магілёў / В. Арцем’еў // Веснік Магілёва. – 2005. – 23 сакавіка. Арцем’еў, В. Дапамагайце талентам/ В. Арцем’еў // Літаратура і мастацтва. – 2008. – 22 жніўня. – С. 13. Арцем’еў, В. Народны пісьменнік Беларусі Янка Брыль пра нашага паэта-земляка Аляксея Пысіна / В. Арцем’еў // Веснік Магілёва. – 2005. – 22 ліпеня. – С. 6. Арцем’еў, В. Пысіны : ад прадзеда да праўнукаў / В. Арцем’еў ; рэдактар І. У. Заікіна. – Магілёў : АмеліяПрінт, 2011. – 44 с. : іл. Арцем’еў, В. Урокі Пысіна / В. Арцем’еў // Магілёўскія ведамасці. – 2005. – 24 лютага. – С. 6. Аляксей Пысін (1920-1981) // Беларуская дзіцячая літаратура / пад рэдакцыяй А. Макарэвіча. – Мінск, 2008. – С. 418–434. Аляксей Пысін// Полымя. – 2007. – № 5. – С. 98-111. Бадак, А. З вайной, як з асколкам, у сэрцы / А. Бадак // Маладосць. – 2004. – № 2. – С. 105–108. Бераснеў, П. "Навокал быў дрот калючы, навокал была ахова, навокал былі сабакі…" / П. Бераснеў // Звязда. – 2010. – 23 сакавіка. – С. 7. Вянок Аляксею Пысіну / укладальнік Віктар Арцем’еў. – Магілёў, 2006. – 112 с. Іваноў, В. Сучаснае і вечнае слова Пысіна / В. Іваноў // Веснік Магілёва. – 2013. – 24 июля. – С. 6. Камейша, К. Сваёй эпохі сувязны / К. Камейша // Літаратура і мастацтва. – 2010. – 2 красавіка. – С. 1. Ножников, Н. "Рецензия" от Алексея Пысина / Н. Ножников // Веснік Магілёва. – 2012. – 19 октября. – С. 5. Паэт, франтавік, грамадзянін : да 90-годдзя з дня нараджэння А. Пысіна // Магілёўскія ведамасці. – 2010. – 20 сакавіка. – С. 12. Сасноўкін, У. Памятаюць паэта-франтавіка / У. Сасноўкін // Могилевские ведомости. – 2011. – 3 сентября. – С. 7. Хомич, Т. "Постигаю тайную отгадку..."/ Т. Хомич // Неман. – 2005. – № 3. – С. 187–193. Хоміч, Т. Сувязь часоў і пакаленняў у лірыцы Аляксея Пысіна / Т. Хоміч // АіВ: Беларуская мова і літаратура. – 2006. – № 1. – С. 61–64. Чыгрын, С. Даль вечнасці / С. Чыгрын // Літаратура і мастацтва. – 2014. – 14 сакавіка. – С. 15.