Таленты ад роднай зямлi

Пошук персаналiй		Геаграфiчны пошук


Імя на беларускай мове:		Найдзін Васіль Іванавіч
Гады жыцця, месца нараджэння:		(19.01.1944, в. Бярозаўка, Бялыніцкі раён, Магілёўская вобласць).
Творчая накіраванасць, тэматычны жанр:		Празаік, сатырык, гумарыст, журналіст. Член Саюза пісьменнікаў РБ (1994).
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Найдин Василий Иванович
Псеўданімы:		Васіль Чаромхін
Творчасць:		Найдзін Васіль Іванавіч – празаік, сатырык, гумарыст, журналіст. Нарадзіўся на Магілёўшчыне. Працаваў кінамеханікам сельскай кінаперасоўкі, фотакарэспандэнтам, літработнікам, загадчыкам аддзела пісьмаў, намеснікам рэдактара ў Бялыніцкай раённай газеце "Зара камунізма", рэдактарам аддзела пісьмаў, рэдактарам аддзела фельетонаў у часопісе "Вожык", намеснікам рэдактара газеты "Мінская праўда", намеснікам загадчыка, а потым загадчыкам рэдакцыйна-выдавецкага аддзела Сакратарыята Вярхоўнага Савета Рэспублікі Беларусь, начальнікам рэдакцыйнага ўпраўлення Сакратарыята Палаты прадстаўнікоў Нацыянальнага сходу Рэспублікі Беларусь. Літаратурную працу пачаў у 1965 г. Першае гумарыстычнае апавяданне з’явілася на старонках флоцкай газеты "На страже Балтики". Апавяданні і гумарэскі В. Найдзіна былі змешчаны ў калектыўных зборніках – "Сакрэт фірмы" (1979), "Кубік Рубіка" (1987), "Размова па шчырасці" і "Ад гарэлкі розум мелкі" (абодва 1990). Рэгулярна друкуецца ў рэспубліканскай перыёдыцы. Багаты жыццёвы вопыт, усебаковае веданне сацыяльных праблем спрыяюць не толькі шырокаму дыяпазону, але і псіхалагічнай выверанасці характараў герояў Васіля Найдзіна. Адметнасць яго твораў ва ўменні бачыць камічнае ў самых ардынарных з’явах і ўчынках. І дзе б ні быў Васіль Найдзін, гэты багаты на гумар чалавек, ён заўсёды носіць з сабою даволі ёмісты мяшэчак з дасціпным народным словам, якое пад пяром літаратара ператвараецца ў вясёлыя гумарэскі і апавяданні ці вострыя, як брытва, фельетоны. Васіль Найдзін – адзін з тых, каму Бог даў і талент, і сур’ёзнасць. Васілёвы творы ідуць нарасхват і ў артыстаў эстрады.
Спіс асобна выдадзеных кніг і зборнікаў:		"Мужчынскія сакрэты" (Мінск, 1981) "Аддаю вам..." (Мінск, 1984) "Сустрэнемся ў Барселоне" (Мінск, 1991) "Кветка кактуса" (Мінск, 1992)
Звесткі пра публікацыі ў зборніках, перыядычных выданнях:
Крыніцы інфармацыі:		Беларускія пісьменнікі : біябібліяграфічны слоўнік : у 6 т. – Мінск, 1995. – Т. 6. – С. 646–648. Бялыніччына : краязнаўчы энцыклапедычны даведнік / уклад. М. Карпечанка. – Мінск : Выдавец Віктар Хурсік, 2011. – С. 93. Грыбайлава, А. Мужчынскія сакрэты Васіля Найдзіна : [пра пісьменніка, ураджэнца Бялыніцкага раёна] / Алена Грыбайлава // Зара над Друццю (Бялынічы). - 2016. — 22 кастрычніка. — С. 3. Канановіч, І. Далёкае – зблізку : [пра творчасць Васіля Найдзіна, пісьменніка, ураджэнца Бялыніцкага раёна] / Іван Канановіч // Найдзін, В. Анюціны вочкі : апавяданні / Васіль Найдзін. - Мінск, 2017. — С. 3—6. Карпечанка, М. Літаратура Прыдруцкага краю / В. Найдзін // Зара над Друццю. – 1992. – 9 лютага. – С. 3. Карпечанка, М. Сімфонія вясёлага жыцця : [пабачыла свет новая кніга В. Найдзіна "Анюціны вочкі"] / Міхась Карпечанка // Зара над Друццю. — 2017. — 12 красавіка. — С. 2. Клімуць, Я. Каштоўныя рысы таленту / В. Найдзін // Зямля і людзі. – 2001. – 4 лютага. – С. 8. Край бурных рэк, лясоў вячыстых багаты і на гумарыстаў... : дзень беларускага пісьменства ў Бялынічах // Вожык. - 2020. — № 8. — С. 12—13. Магілёўчык, С. Такі знаёмы і незнаёмы / Святлана Магілёўчык // Зара над Друццю (Бялынічы). - 2018. — 28 лістапада. — С. 8. Новая кніга нашага земляка / В. Найдзін "Кветкі кактуса" // Зара над Друццю. – 1993. – 23 студзеня. Пісьменнікі Магілёўшчыны : бібліяграфічны слоўнік. – Магілёў, 1994. – С. 168. Падабед, М. Васіль Найдзін – член Саюза пісьменнікаў РБ // Зара над Друццю. – 1994. – 9 красавіка. Прыняты ў Саюз пісьменнікаў / Найдзін В.І. (Васіль Чаромхін) // ЛіМ. – 1994. – № 15. – С. 4. Сідарэнка, І. Маналог перад сучаснікамі : [Пра зборнік "Кветка кактуса"] // Зямля і людзі. – 1993. – 12 лютага. – С. 6. Сідарэнка, І. Скрозь прызму гумарыста // Зара над Друццю. – 1992. – 11 красавіка. Смірнова, Д. "Простыя словы, простыя рэчы", і чаму з іх трэба смяяцца? / Дар’я Смірнова // Літаратура і мастацтва. - 2018. — 21 верасня. — С. 6.