Таленты ад роднай зямлi

Пошук персаналiй		Геаграфiчны пошук


Імя на беларускай мове:		Забалоцкая Людміла Васільеўна
Гады жыцця, месца нараджэння:		(27.12.1949, г. Крычаў, Магілёўская вобласць)
Творчая накіраванасць, тэматычны жанр:		Пісьменніца, паэтэса.
Звесткі аб званнях, узнагародах:		Член Саюза пісьменнікаў Беларусі

Дадатковая інфармацыя (націсніце для паказу/скрывання)

Імя на рускай мове:		Заболоцкая Людмила Васильевна
Псеўданімы:
Творчасць:		Забалоцкая Людміла Васільеўна нарадзілася ў г. Крычаве, у сям’і служачых. Сапраўднае прозвішча – Саламаха. Вучылася ў Крычаўскай сярэдняй школе. У 1968 г. скончыла Крычаўскае медыцынскае вучылішча. Працавала карэспандэнтам чавускай раённай газеты "Іскра". У 1974 г. скончыла філалагічны факультэт Беларускага дзяржаўнага ўніверсітэта імя У.І. Леніна. У 1974–1984 гг. – навуковы рэдактар у Беларускай Савецкай Энцыклапедыі імя П. Броўкі. Член СП з 1990 г. Працавала на Беларускім тэлебачанні, намеснікам галоўнага рэдактара часопіса "Пралеска" (1991-1995), у выдавецтве "Полымя", з 1996 г. у часопісе "Адукацыя і выхаванне". Друкуецца з 1967 г. Аўтар зборнікаў вершаў "Сакавік" (1974), "Радаводны васілёк" (1981), "Святло палыну" (1989), "Струны памяці" (1991). Асноўная тэма творчасці – жаночая доля, каханне і пошукі жыццёвай гармоніі. Паэтэса чулая да мастацкага слова, настойлівая ў пошуку сродкаў узбагачэння паэтычнай тэматыкі. Пераклала на беларускую мову раман В. Скота "Айвенга" (1997). Жыве ў Мінску.
Спіс асобна выдадзеных кніг і зборнікаў:		"Сакавік" (Мінск, 1974) "Радаводны васілёк" (Мінск, 1981) "Святло палыну" (Мінск, 1989) "Струны памяці" (Мінск, 1991) "У суладдзі стагоддзяў і дзён" (Мінск, 2004)
Звесткі пра публікацыі ў зборніках, перыядычных выданнях:		Сааўтар калектыўных зборнікаў: "Чарніца малілася ў келлі" // Бацькаўшчына : зборнік гістарычнай літаратуры (Мінск, 2000) Аўтар літаратурных артыкулаў у перыядычным друку. Аўтар вершаў у перыядычным друку: "Вопыту нам часам не стае" і інш. вершы // Маладосць. – 1973. – № 8. – С. 4—5. "Вершы" // Полымя. – 1986. – № 9. – С. 118—119. "Вершы" // Маладосць. – 1990. – № 12. – С. 19—20. "…Церам–церамок" // Роднае слова. – 2001. – № 1. – С. 69. "С новым учебным годом!" // Праблемы выхавання. – 2010. – № 4. "Женщинам" // Праблемы выхавання. – 2010. – № 1. "З Новым годам" // Праблемы выхавання. – 2010. – № 6. "З Днём 8 сакавіка!" // Праблемы выхавання. – 2011. – № 1. "За здоровый образ жизни!" // Здаровы лад жыцця. – 2011. – № 8.
Крыніцы інфармацыі:		Бельскі, А. Метафары жаночага лёсу : лірыка Людмілы Забалоцкай : [пра ўраджэнку г. Крычава] / Алесь Бельскі // Роднае слова. – 2014. – № 12. – С. 21–23. З душой паэтычнаю // ЛiМ. – 2000. – 7 студзеня. – С. 12. Забалоцкая Людміла // Беларускія пісьменікі : біябібліяграфічны слоўнік : у 6 т. Т. 6 / Дадатак Ін-т літ. імя Я. Купалы АН Беларусі ; Беларуская Энцыклапедыя ; Нацыянальны навукова-асветны цэнтр імя Ф. Скарыны ; пад рэдакцыяй А. В. Мальдзіса ; рэдкалегія: І. Э Багдановіч [і інш.]. – Мінск : БелЭн. – 1995. – С. 589–590. Забалоцкая Л. В. // Беларускія пісьменнікі (1917–1990) : даведнік / складальнік А. К. Гардзіцкі ; навуковы рэдактар А. Л. Верабей. – Мінск : Мастацкая літаратура, 1994. – С. 213. Забалоцкая Л. В. // Беларуская Энцыклапедыя : у 18 т. Т. 6.– Мінск, 1998. – С. 485. Забалоцкая Людміла [пісьменніца-зямлячка] // Маладосць. – 2009. – № 7. – С. 138. Курганіч, В. Рамонка, васілёк і гронка палыну : [пра вершы Л. Забалоцкай] / В. Курганіч // Літаратура і мастацтва. – 1993. – 5–11 чэрвеня. – С. 6—7. Лайкоў, Я. Метрыка літаратурная / Янка Лайкоў // Полымя. – 2009. – № 12. –С. 200–202. "Добрае матчына слова" [аб паэтэсе Л. Забалоцкай, яе кнізе "Сакавік"] // Ленінскі кліч. – 1974. – 11 ліпеня.