Таленты ад роднай зямлi

Пошук персаналiй		Геаграфiчны пошук


Імя на беларускай мове:		Арцем’еў Віктар Іванавіч
Гады жыцця, месца нараджэння:		(21.03.1927, в. Радзішана, Шклоўскі раён, Магілёўская вобласць).
Творчая накіраванасць, тэматычны жанр:		Пісьменнік, журналіст, краязнаўца. Трэцяе месца ў намінацыі "Проза" рэспубліканскага літаратурнага конкурсу «Іван Шамякін «Сэрца на далоні».
Звесткі аб званнях, узнагародах:		Член Саюза пісьменнікаў Беларусі.

Дадатковая інфармацыя (націсніце для паказу/скрывання)

Імя на рускай мове:		Артемьев Виктор Иванович
Псеўданімы:		Виктор Иванов; Віктар Іваноў
Творчасць:		Нарадзіўся 21 сакавіка 1927 г. у беларускай сям’і сялян-сераднякоў ў Шклоўскім раёне на хутары Чарэйцаў Круг. Бацька Іван Лукіч і маці Маўра Мітрафанаўна займаліся земляробствам, з 1929 г. працавалі ў калгасе. Пасля вайны больш года працаваў у мясцовым калгасе, з 1948 г., набыўшы спецыяльнасць, працаваў загадчыкам раённай бібліятэкі і раённага аддзела культуры, літсупрацоўнікам раённай газеты, інспектарам упраўлення культуры аблвыканкама, загадчыкам метадычнага аддзела Магілёўскай абласной бібліятэкі, выкладчыкам бібліятэчага тэхнікума. У 1955 г. у Чэрыкаве пачалося сяброўства з паэтам Аляксеем Пысіным, якое доўжылася чвэрць века. З канца сямідзясятых амаль дзесяць гадоў працаваў карэспандэнтам-арганізатарам Бюро прапаганды мастацкай літаратуры Саюза пісьменнікаў БССР, ладзіў літаратурныя сустрэчы з пісьменнікамі. Калі быў ужо на пенсіі, напоўніцу аддаўся творчай працы: у газетах і часопісах надрукаваў больш за сотню артыкулаў і малых нататак пра жыццё і творчасць паэта А. Пысіна, выдаў Пысініяну з шасці зборнікаў, сярод якіх найбольш значная кніга «Народны душою...». Пазней зрабіў «Вянок...» паэту-аднавяскоўцу А. Сербантовічу і паэту І. Пехцераву, галоўную кнігу жыцця «Пісьменнікі і кнігі». У Вялікую Айчынную вайну жыў у вёсцы Радзішына на часова акупаванай ворагам тэрыторыі, зведаў жахі нямецка-фашысцкай акупацыі. Тыя крывавыя падзеі адлюстраваны ў аповесці «Выгнаннікі», у зборніках апавяданняў «Радзішынскі летапіс вайны», «Вайна на свае вочы», «Франтавыя дарогі палкоўніка Асмалоўскага», «Вайна ў кожнага была свая», нарысах пра воінаў-франтавікоў. У 2008 г. прыняты ў ГА «Саюз пісьменнікаў Беларусі»: празаік, публіцыст, крытык, краязнаўца, біёграф паэта А.В. Пысіна. Лаўрэат прэміі імя Якуба Усікава Магілёўскага абласнога аддзялення ГА «Саюз пісьменнікаў Беларусі». З 2009 па 2018 гг. у Магілёўскім гарадскім літаб’яднанні «Ветэран» быў намеснікам старшыні і галоўным рэдактарам. Мае нагрудныя знакі «Ганаровы ветэран Беларускага грамадскага аб’яднння ветэранаў» і «За высокі ўклад у літаратуру» – ад Саюза пісьменнікаў Беларусі, дзясяткі Ганаровых грамат. Жыве ў Магілёве.
Спіс асобна выдадзеных кніг і зборнікаў:		"Вянок Аляксею Пысіну" (2006) "Радзішанскі летапіс вайны" (Магілёў, 2007) "Паэт вузел завязаў" (Магілёў, 2008) "Радзішына" (Магілёў, 2008) "Чарэйцаў круг" (Магілёў, 2008) "Палкоўнік Пётр Асмалоўскі" (Магілёў, 2009) "Слоўцы-адмыслоўцы" (Магілёў, 2010) "Франтавыя дарогі палкоўніка Асмалоўскага" (Магілёў, 2010) "Вянок Анатолю Сербантовічу" (2011) "Бібліятэка паэта Аляксея Пысіна" (Магілёў, 2011) "Пысіны: ад прадзеда да праўнукаў" (Магілёў, 2011) "Выгнаннікі" (Магілёў, 2012) "Урокі Аляксея Пысіна" (2013) "Цячэ рэчка Бася" (2013) "Пушкиниана. Могилев и Бобруйск" (2013) "Мова родная – беларуская" (2014) "Вайна на свае вочы" (2014) "Пісьменнікі і кнігі" (2015) "Шчодрасць душы" (2015) "Героический Могилев. Лето 1941" (2016) "Песняр земли могилевской" (2016) "Мая Пысініяна" (2017) "На мяжы самазнішчэння" (2018) "Магіляўчане" (2018) "Вайна ў кожнага была свая" (2018) "Наўзбоч дарог майго жыцця: апавяданні, успаміны, публіцыстычныя нататкі" (Магілёў, 2019) "Мужны воін, глыбінны сейбіт, светлы чалавек" (брашура) (Магілёў, 2020) "Народны душою" (2020) "Артыстка Зінаіда Феакцістава-Каладзяжная – наша зямлячка" (Магілёў, 2020) "Прыступкі на Парнас" (Магілёў, 2021) "Як промні вечнасці радкі" (Магілёў, 2022) "Жизнь ничего не стоила" (Могилев, 2022) "Я – доўгажыхар" (Магілёў, 2023)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Віктар Арцем’еў : [эсэ "Салдацкая правата"] // Прыдняпроўе маё натхненне. Магілёўшчына літаратурная : [паэзія, проза, нарысы, эсэ]. – Магілёў, 2009. – C. 529–534. Іваноў, В. Без мінулага няма будучыні / В. Іваноў // Магілёўскія ведамасці. – 2013. – 16 мая. – С. 11. Іваноў, В. Без мінулага няма будучыні / В. Іваноў // Веснік Магілёва. – 2013. – 2 мая. – С. 6. Іваноў, В. "Мова родная – беларуская" / В. Іваноў // Магiлёўскiя ведамасцi. – 2014. – 11 марта. – C. 16. Іваноў, В. Сучаснае і вечнае слова Пысіна / В. Іваноў // Веснік Магілёва. – 2013. – 24 июля. – С. 6. Ивлев, Н. Творческий вечер Виктора Артемьева / Н. Ивлев // Веснік Магілёва. – 2011. – 29 июня. – С. 3. Искров, Л. Белорус с распахнутым сердцем/ Л. Искров // Веснік Магілёва. – 2012. – 21 марта. – С. 5. Пехтерев, И. Летописец родного края / И. Пехтерев // Вечерний Могилев. – 2008. – 26 марта. – С. 14. Пехтерев, И. Молодой старик / И. Пехтерев // Вечерний Могилев. – 2012. – 21 марта. – С. 10. Пехцераў, І. Нястомны літаратар / Іван Пехцераў // Магiлёўскiя ведамасцi. – 2012. – 31 марта. – С. 4. Тры нівы Віктара Іванавіча Арцем’ева : біябібліяграфічны паказальнік / УК "Магілёўская абласная бібліятэка імя У. І. Леніна" ; Інфармацыйна-даведачны аддзел ; [складальнік А. М. Харэвіч ; рэдактар Ю. Л. Падабед ; адказны за выпуск В. А. Чумакова]. — Магілёў : Магілёўская абласная бібліятэка імя У.І. Леніна, 2019. — 98 с. "Успаміны Міхася Ласоўскага" // Магілёўскія ведамасці. – 2013. – 22 кастрычніка. – С. 13.