Таленты ад роднай зямлi

Пошук персаналiй		Геаграфiчны пошук


Імя на беларускай мове:		Цішуроў Уладзімір Карпавіч
Гады жыцця, месца нараджэння:		(24.01.1956, в. Навапруддзе, Круглянскі раён, Магілёўская вобласць).
Творчая накіраванасць, тэматычны жанр:		Паэт, празаік.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Тишуров Владимир Карпович
Псеўданімы:		Уладзіміраў Ц., Цімур У., Ладысь Барабанаў, Вычур
Творчасць:		Служыў у Савецкай Арміі, вучыўся ў Маскоўскім абласным педінстытуце імя Н.К. Крупскай. Скончыў Магілёўскі ўніверсітэт імя А.А. Куляшова. Працаваў настаўнікам фізкультуры ў школе, культработнікам, аўтарам-выканаўцам песен у Мінскім абласным музычным таварыстве. Прадпрымальнік. Уладзімір Цішуроў найбольш вядомы як арыгінальны і непасрэдны празаік. Яго героі, як правіла, дзікаватыя вяскоўцы, якія шмат чаго ведаюць, і абавязкова кожны носіць у сабе нешта незвычайна важнае, святое, без чаго на грэшнай Зямлі чалавеку ўвогуле не пражыць… Цішуроў — паэт трошку інакшы, але не настолькі, каб у нечым адставаць ад сябе — празаіка. Дыяпазон яго лірычных стасункаў даволі сваеасаблівы і шматпланавы — гэта нібы дзённікавыя накіды, акварэлі душы ў спыненым імгненні. Вершы і проза друкаваліся ў рэспубліканскіх выданнях, у калектыўных зборніках: "Лагодны промень раніцы", "Друцкія зарніцы"; газетах: "Магілёўская праўда", "Літаратура і мастацтва", "Сельскае жыццё"; часопісах: "Маладосць", "Першацвет". Быў старшынёй літаб’яднання "Світанак" пры раённай газеце "Сельскае жыццё". У 2010 г. выдаў кнігу вершаў паэта-земляка Міхася Кушнярова (1935-1999) "Друцкія напевы". Піша на беларускай мове. Жыве ў в. Навапруддзе.
Спіс асобна выдадзеных кніг і зборнікаў:		"Першая струна" (Мінск, 1996) "Маўчана" (Мінск, 2001) "Бэйс" (Мінск, 2003) "Выслухай вецер" (Мінск, 2004) "Над" (Мінск, 2007) "Ганарар" (Мінск, 2009) "Пад зоркай Су…" (Мінск, 2009) "Студэнцкае каханне" (Смаленск, 2011) "Радасць жыцця" (Смаленск, 2012) "Лі" (Смаленск, 2014) "Мілы граф" (Смаленск, 2015) "На заробках" (Смаленск, 2016) "Надзея на радасць" (Смаленск, 2018)
Звесткі пра публікацыі ў зборніках, перыядычных выданнях:		Аўтар вершаў, замалёвак, казак, навел і апавяданняў у перыядычным друку і зборніках
Крыніцы інфармацыі:		Друцкія зарніцы : (Літаратурная Кругляншчына). — Круглае, 1996. — С. 55. Кунцэвіч, У. "Першая струна" на паліцах бібліятэк / У. Кунцэвіч // Сельскае жыццё. — 1997. — 14 сакавіка. Марціновіч, А. Няхай пачуецца далёка / А. Марціновіч // Чырвоная змена. — 1997. — 16 красавіка. Паўлаў, А. Жыве дзівак на Кругляншчыне / А. Паўлаў // Зямля і людзі. – 1992. — 5 сакавіка. Паўлаў, А. "Маўчана" / А. Паўлаў // Сельскае жыццё. — 2002. — 19 студзеня. Паўлаў, А. "Мы ганьбім спакой і ўтулле" : [размова з Уладзімірам Цішуровым] / А. Паўлаў // Сельскае жыццё. — 1992. — 25 студзеня. Сонца ў сэрцы // Сельскае жыццё. — 2002. — 23 кастрычніка.