Таленты ад роднай зямлi

Пошук персаналiй		Геаграфiчны пошук


Імя на беларускай мове:		Кушняроў Міхась Парфёнавіч
Гады жыцця, месца нараджэння:		(12.01.1935, в. Казіміраўка, Круглянскі раён, Магілёўская вобласць — 18.10.1999, пахаваны ў в. Казіміраўка).
Творчая накіраванасць, тэматычны жанр:		Паэт.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Кушнеров Михаил Парфёнович
Псеўданімы:
Творчасць:		Ён належаў да пакалення, маленства якога апалена вайной. Выбух снарада скалечыў хлопца: ён застаўся без вока. У 1949 г. закончыў 7 класаў Круглянскай СШ, у 1953 г. – вячэрнюю школу рабочай моладзі, у 1958 г. – Гродзенскі сельскагаспадарчы інстытут. Накіраваны быў на працу ў калгас "1 мая" Магілёўскага раёна. З 1964 г. працаваў заатэхнікам у гаспадарках раёна. Пайшоў на пенсію па стане здароўя. Пачаткам літаратурнай дзейнасці можна лічыць 1958 г., калі быў напісаны першы верш паэта, прысвечаны Цяцерынскай ГЭС і электрафікацыі роднай вёскі. Вершы друкаваліся ў часопісах: "Вожык", "Маладосць"; газетах "Магілёўская праўда", "ЛІМ", "Сельскае жыццё"; літаратурных зборніках: "Дзень паэзіі", "Галасы Прыдняпроўя", "Друцкія зарніцы", "Гімн жыццю". Усё сваё жыццё Міхаіл Парфёнавіч з’яўляўся актыўным прапагандыстам роднай беларускай мовы. Асноўныя напрамкі яго паэзіі — ваенная, пейзажная і грамадзянская лірыка. Творы паэта самабытныя, яскравыя, вобразныя.
Спіс асобна выдадзеных кніг і зборнікаў:		"Друцкія напевы" (Мінск, 2010)
Звесткі пра публікацыі ў зборніках, перыядычных выданнях:		Аўтар вершаў у сборніках і перыядычным друку
Крыніцы інфармацыі:		Вадап’ян, М. "Ты каханка найпершая, мая мілая Друць…": [да 70-годдзя з дня нараджэння паэта земляка Міхася Кушнярова] / М. Вадап’ян // Сельскае жыццё. — 2003. — 19 сакавіка. Вадап’ян, С. Міхасю Кушнярову прысвячаецца / С. Вадап’ян // Сельскае жыццё. — 2000. — 23 лютага. Гімн жыццю : вершы паэтаў Кругляншчыны / укладальнік З. Мілешчанка. — Мінск : Белфранс, 2003. — С. 5. Друцкія зарніцы : (Літаратурная Кругляншчына) : [зборнік]. — Круглае, 1996. — С. 44. "Друцкія напевы" : [пад такой назвай выйшаў з друку зборнік вершаў Міхася Кушнярова] // Сельскае жыццё. — 2010. — 16 кастрычніка. Кушняроў Міхась Парфёнавіч : [альбом] / Міхейкаўская бібліятэка. – Міхейкава, 1999. — 14 с. : іл. Цішуроў, У. Жывая, неспакойная, хвалюючая : [дзесяць гадоў таму пайшоў з жыцця паэт Міхась Кушняроў] / У. Цішуроў // Сельскае жыццё. — 2009. — 17 кастрычніка. Цішуроў, У. Залатое слова паэзіі Міхася Кушнярова / У. Цішуроў // Сельскае жыццё. — 2000. — 26 жніўня. Цішуроў, У. "У жыцці мне патрэбна нямнога" : [пра паэта Міхася Кушнярова і яго кнігу "Друцкія напевы"] / У. Цішуроў // Сельскае жыццё.— 2010.— 23 кастрычніка.