Таленты ад роднай зямлi

Пошук персаналiй		Геаграфiчны пошук


Імя на беларускай мове:		Кобец-Філімонава Алена Рыгораўна
Гады жыцця, месца нараджэння:		(13.10.1932, г. п. Круглае, Магілёўская вобласць — 15 чэрвеня 2013, Мінск).
Творчая накіраванасць, тэматычны жанр:		Празаік.
Звесткі аб званнях, узнагародах:		Член Саюза пісьменнікаў Беларусі (1965)

Дадатковая інфармацыя (націсніце для паказу/скрывання)

Імя на рускай мове:		Кобец-Филимонова Елена Григорьевна
Псеўданімы:
Творчасць:		Дачка пачынальніка беларускай савецкай драматургіі Рыгора Кобеца. Да школьнага ўзросту жыла ў сваякоў у г. п. Круглае і г. Бялынічы. Пасля вызвалення Беларусі жыла ў Мінску. У 1952 г.скончыла школу-дзесяцігодку імя Л. Александроўскай. З 1953 г. працавала выкладчыцай музыкі дзіцячага фартэпіяннага гуртка ў Доме афіцэраў. У 1954-1955 гг. займалася ў музычным вучылішчы пры кансерваторыі імя Рымскага-Корсакава (г. Ленінград). Працавала выкладчыцай музычнай школы г. Выбарга Ленінградскай вобласці, потым у Краявым Доме настаўніка. У 1956-1957 гг. працавала ў дзіцячай музычнай школе ў Стаўрапалі. З 1958-1964 гг. выкладала музыку ў Цэнтральнай дзіцячай музычнай школе г. Мінска. У 1964—1966 гг. у сувязі з камандзіроўкай мужа жыла ў Грэцыі, вучылася ў Афінскай кансерваторыі, брала платныя ўрокі. У 1969 г. скончыла аддзяленне Беларускай дзяржкансерваторыі імя Луначарскага па класу фартэпіяна, у 1971 г. — Вышэйшыя літаратурныя курсы пры літаратурным інстытуце імя М. Горкага. Працавала рэдактарам кінастудыі "Беларусьфільм", рэдактарам выдавецтва "Юнацтва" (1981-1983 гг.). Друкавацца пачала з 1959 г. У часопісе "Вясёлка" была надрукавана казка "Песня больш не хлусіць". У 1971 г. у часопісе "Беларусь" быў змешчаны артыкул А.Р. Кобец-Філімонавай "На рыбаковым возеры" аб жыхары в. Паўлова Круглянскага раёна М.А. Рыбакове. У 1973 г. у Маскве выйшла першая аповесць А. Кобец-Філімонавай "Жаваранкі над Хатынню", пабудаваная на дакументальнай аснове. У 1973 г. разам з будаўнічым атрадам ПТВ чыгуначнікаў была на камсамольскай будоўлі ў адным з саўгасаў краіны, у выніку з’явілася аповесць "Блакітны экспрэс". У 1978 г. ездзіла ў творчую камандзіроўку ў Забайкалле і напісала мастацкі твор пра будаўнікоў БАМа "Агні за перавалам". У 1973 г. па сцэнарыю А. Кобец-Філімонавай пастаўлены мультфільм "Вася Буслік і яго сябры" ("Беларусьфільм"). Яна аўтар драматычных твораў (п’есу "Блакітны экспрэс" паставіў Мінскі Тэатр юнага гледача), складальнік (у суаўтарстве) зборніка беларускай паэзіі "Земля с лазурными очами", аўтар нарысаў пра Грэцыю "У каралеўстве… але не казачным", мастацкіх перакладаў з грэчаскай паэзіі ("Макронісас" Я. Рыцаса), вершаў, якія адрасаваны пераважна дзяцям. Творы пісьменніцы ўключаны ў зборнікі "Кніжка-малышка", "Вяснянка", "Верасок", "Сказки белорусских писателей", "Песенки-чудесенки", аўтарскі зборнік В. Сярых "Певунок". Творы перакладаліся на замежныя мовы. З’яўлялася Прэзідэнтам асацыяцыі ахвяр палітычных рэпрэсій, садзейнічала выданню ўспамінаў ахвяр ГУЛАГа. У апошнія гады пісьменніца шмат зрабіла для ўзнаўлення памяці пра бацьку — драматурга Рыгора Кобеца. Як вынік — выданне "Выбраных твораў" аўтара сцэнарыяў легендарных фільмаў 1930-х гадоў.
Спіс асобна выдадзеных кніг і зборнікаў:		"Казка пра месяц" (Мінск, 1963) "Читайка и гуляйка" (Минск, 1963) "Семь художников" (Минск, 1965) "В королевстве… но не сказочном : очерки о Греции" (Минск, 1969) "Сказки старого Янниса" (Минск, 1969) "Лесной барабан" (Москва, 1970) "Залаты ручнік" ( Мінск, 1972) "Стой, машинист!" (Москва, 1976) "Жаваранкі над Хатынню" (Мінск, 1977) "Блакітны экспрэс" ( Мінск, 1981) "Агні за перавалам" (Мінск, 1985) "Вянок дзівосаў" (Мінск, 1986) "Агні за перавалам" (Мінск, 1987) "Шлях да малітвы" (Мінск, 2004) "Распятая Хатынь" (Минск, 2005) "Калі ўцякала сонца : творчасць Рыгора Кобеца, яго жыццё і пакуты" (Мінск, 2006) "Карэльскія Курапаты 1937—1938" (Мінск, 2007)
Звесткі пра публікацыі ў зборніках, перыядычных выданнях:		Аўтар вершаў, казак у перыядычным друку
Крыніцы інфармацыі:		Беларуская дзіцячая літаратура : хрэстаматыя. — Мінск, 1996. — С. 315. Беларуская энцыклапедыя : у 18 т. — Мінск : БелЭн, 1999. — Т. 8. — С. 368. Беларускія пісьменнікі : біябібліяграфічны слоўнік : у 6 т. — Мінск : БелЭн., 1994. — Т. 3. — С. 292—294. Беларускія пісьменнікі (1917—1990) : даведнік. — Мінск : Мастацкая літаратура, 1994. — С. 288—289. Данькова, В. З калыскі над Друццю / В. Данькова // Сельскае жыццё. – 2001. — 20 кастрычніка. З калыскі над Друццю : [альбом] / Круглянская дзіцячая бібліятэка. – Круглае, 2001. — 70 с. : іл. Кобец—Філімонава, А. На беразе Друці / Алена Кобец—Філімонава // Сельскае жыццё. — 2001. — 24 кастрычніка ; 27 кастрычніка. Паўлаў, У. З калыскі над Друццю : [пра нашу зямлячку—пісьменніцу Алена Рыгораўна Кобец—Філімонаву] / У. Паўлаў // Сельскае жыццё. — 1999. — 13 кастрычніка. Пісьменнікі Савецкай Беларусі : кароткі даведнік. — Мінск, 1981. — С. 177. Хадыка, К. Сонца нараджаецца з праўдай… / Кастусь Хадыка // Літаратура і мастацтва. — 2013. — 28 чэрвеня. Энцыклапедыя літаратуры і мастацтва Беларусі : у 5 т. – Мн., 1986. — Т. 3. — С. 86—87.