Таленты ад роднай зямлi

Пошук персаналiй		Геаграфiчны пошук


Імя на беларускай мове:		Карпечанка Міхась Аляксеевіч
Гады жыцця, месца нараджэння:		(14.11.1959, в. Болін, Краснапольскі раён, Магілёўская вобласць – 13.04.2021).
Творчая накіраванасць, тэматычны жанр:		Пісьменнік, журналіст, краязнаўца.
Звесткі аб званнях, узнагародах:		Адзін з заснавальнікаў і кіраўнікоў (1987 – 2006) ГА "Бялыніцкае краязнаўчае таварыства", грамадскай ініцыятывы "Асацыяцыя краязнаўцаў малых мястэчак Магілёўшчыны" (2005). Лаўрэат спецыяльнай прэміі Бялыніцкага райвыканкама імя В. К. Бялыніцкага-Бірулі, прэміі Магілёўскага аблвыканкама "Чалавек года – 2010".

Дадатковая інфармацыя (націсніце для паказу/скрывання)

Імя на рускай мове:		Карпеченко Михаил Алексеевич
Псеўданімы:
Творчасць:		Міхась Аляксеевіч Карпечанка – беларускі пісьменнік, журналіст, краязнаўца. Нарадзіўся на Магілёўшчыне. Скончыў Наваельнінскую сярэднюю школу, Барысаўскае ГПТВ № 62 будаўнікоў, філалагічны факультэт Белдзяржуніверсітэта. Працаваў на будоўлях Маладзечна і Мінска, у рэдакцыях Чэрыкаўскай і Бялыніцкай раённых газет, рэдактарам раённай газеты "Зара над Друццю". Першую заметку надрукаваў у Краснапольскай райгазеце "Чырвоны сцяг" (1980). З гэтага ж часу пачаў стала і мэтанакіравана займацца краязнаўствам. На старонках газет змясціў некалькі дзясяткаў артыкулаў, прысвечаных гісторыі Краснапольскага, Чэрыкаўскага, Бялыніцкага раёнаў. Асабліва цікавіцца дарэвалюцыйнай гісторыяй. Піша вершы, займаецца літаратурнай крытыкай, даследуе псіхалагічны стан чалавека, які патрапіў у найскладанейшыя жыццёвыя сітуацыі. Адзін з аўтараў калектыўнага зборніка паэзіі членаў універсітэцкага літаб’яднання "Вусны" (1985), даведніка "Бялыніцкі мастацкі музей імя В. К. Бялыніцкага-Бірулі" (1990), які з’яўляецца своеасаблівай візітнай карткай не толькі музея, але і ўсяго Бялыніцкага раёна, зборніка твораў літаратараў Прыдруцкага краю "Праменьчык сонца ў душы маёй" (2005), абласнога альманаха "Прыдняпроўе : Магілёўшчына літаратурная". У 2011 г. Міхась Карпечанка стаў укладальнікам і аўтарам праекта "Бялыніччына : краязнаўчы энцыклапедычны даведнік ", над якім калектыў журналістаў працаваў больш за тры гады, па драбніцах збіраючы звесткі аб гісторыі і сучасным жыцці краю і яго выдатных людзях. У 1995 г. выходзіць кніга Міхася Карпечанкі "Згукі мінуўшчыны" з падзагалоўкам "Бялыніцкі раён у пытаннях і адказах". Гэта вынік яго нястомнай працы як журналіста, як краязнаўца, а яшчэ, як вельмі нераўнадушнага і адказнага за нашу гісторыю і спадчыну чалавека. І сведчаннем гэтага стаў выхад у свет дзвюх кніг: краязнаўчага нарыса "Галоўчын" (1998) і храналогіі Бялыніцкага раёна "Вочы гісторыі" (2002). Міхась Карпечанка з’яўляецца аўтарам кніг "Дачка волі" (2001), "На скрыжаванні болю і надзеі" (2006), "Повязь пакаленняў" (2007), "Уздоўж стромы" (2007), "Іржа" (2009). Праявіў сябе не толькі як аўтар прозы і паэзіі, але і як драматург.
Спіс асобна выдадзеных кніг і зборнікаў:		"Бялыніцкі мастацкі музей імя В. К. Бялыніцкага-Бірулі" (Мінск, 1990) "Згукі мінуўшчыны" (Бялынічы, 1995) "Галоўчын" (Мінск, 1998) "Дачка волі" (2001) "Вочы гісторыі" (Бялынічы, 2002) "На скрыжаванні болю і надзеі" (2006) "Повязь пакаленняў" (2007) "Уздоўж стромы" (Мінск, 2007) "Іржа" (Мінск, 2009) "Імёны ў кантэксце эпох: Асобы Бялыніччыны" (Мінск, 2018) "Імёны ў кантэксце эпох" (2020)
Звесткі пра публікацыі ў зборніках, перыядычных выданнях:		Аўтар літаратурных артыкулаў у перыядычным друку
Крыніцы інфармацыі:		Бялыніччына : краязнаўчы энцыклапедычны даведнік / уклад. М. Карпечанка. – Мінск : Выдавец Віктар Хурсік, 2011. – С. 70. Берлеж, М Праслаўляючы родны куток : [аб кнізе М. Карпечанкі "Імёны ў кантэксце эпох: Асобы Бялыніччыны"] / Мікола Берлеж // Зара над Друццю. - 2018. — 13 чэрвеня. — С. 2. – (Год малой радзімы). Высокае неба айчыны // Зара над Друццю. – 2011. – 20 ліпеня. – С. 6. Дзеравяшка, В. Камяні, паданні, рэчаіснасць / Васіль Дзеравяшка // Зара над Друццю. – 2007. – 29 жніўня. – С. 5. Кунцэвіч, А. Пісьменніку М. Карпечанку – прэмія імя В. К. Бялыніцкага-Бірулі / Андрэй Кунцэвіч //Зара над Друццю. – 2005. – 26 ліпеня. – С. 1. Міхась Карпечанка – пісьменнік, лаўрэат спецыяльнай прэміі райвыканкама імя В.К. Бялыніцкага-Бірулі // Зара над Друццю. – 2005. – 31 снежня. Міхась Карпечанка : святочныя інтэрв’ю : [Аб кнізе "На скрыжаванні болю і надзеі"] // Зара над Друццю. – 2005. – 31 снежня. – С. 4.