Таленты ад роднай зямлi

Пошук персаналiй		Геаграфiчны пошук


Імя на беларускай мове:		Кантылёў Яўген Якаўлевіч
Гады жыцця, месца нараджэння:		(02.04.1938, в. Елькаўшчына, Круглянскі раён, Магілёўская вобласць – 2008).
Творчая накіраванасць, тэматычны жанр:		Празаік.
Звесткі аб званнях, узнагародах:		Член Саюза пісьменнікаў Беларусі

Дадатковая інфармацыя (націсніце для паказу/скрывання)

Імя на рускай мове:		Контылев Евгений Яковлевич
Псеўданімы:
Творчасць:		Нарадзіўся ў сям’і настаўніка. У гады вайны жыў разам з маці ў в. Ляхаўшчына Мінскага раёна (былога — Заслаўскага). Скончыў Масюкоўскую сямігодку, Мінскі лесатэхнічны тэхнікум, факультэт журналістыкі Белдзяржуніверсітэта (1969 г.). З 1956 г. працаваў на Мінскім заводзе аўтаматычных ліній, эксперыментальным заводзе Акадэміі навук, у цэнтральным тэхналагічным інстытуце, Беларускай Савецкай Энцыклапедыі. Працаваў у інстытуце Тэхнічнай кібернэтыкі АНБ на пасадзе вядучага канструктара. У гэтай установе надрукаваў два дзесяткі навуковых артыкулаў, выдаў у суаўтарстве навукова-папулярную брашуру "Инженер осваивает ЭВМ", манаграфію "Деятельность инженера-оператора в системе автоматизированного проектирования", абараніў дысертацыю па псіхалогіі працы і інжынернай псіхалогіі. Працаваў старшым навуковым супрацоўнікам Навукова-даследчага інстытута працы Міністэрства працы РБ. З 1987 г. распачаў літаратурную дзейнасць з публікацый апавяданняў у часопісах "Маладосць", "Полымя". Выступаў з карэспандэнцыямі і нарысамі ў рэспубліканскім друку. Падрыхтаваў да друку кнігу "Распячатка чорнай скрынкі", якую выдаў у выдавецтве "Мастацкая літаратура", часопісны варыянт аповесці быў надрукаваны ў "Маладосці".
Спіс асобна выдадзеных кніг і зборнікаў:		"Распячатка чорнай скрынкі" (Мінск, 1999)
Звесткі пра публікацыі ў зборніках, перыядычных выданнях:		Аўтар нарысаў і апавяданняў у перыядычным друку
Крыніцы інфармацыі:		Памяць : гісторыка-дакументальная хроніка Круглянскага раёна. — Мінск : БелЭн, 1996. — С. 506. Прынятыя ў Саюз пісьменнікаў Беларусі : [Кантылёў Яўген Якаўлевіч, празаік з в. Елькаўшчына Круглянскага раёна] // Літаратура і мастацтва. — 2008. — 22 лютага. — С. 3.