Таленты ад роднай зямлi

Пошук персаналiй		Геаграфiчны пошук


Імя на беларускай мове:		Дзеравянка Аляксандр Міхайлавіч
Гады жыцця, месца нараджэння:		(??.??.1937, в. Шчыток, Круглянскі раён, Магілёўская вобласць).
Творчая накіраванасць, тэматычны жанр:		Празаік.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Деревянко Александр Михайлович
Псеўданімы:
Творчасць:		Закончыў Шапялевіцкую сярэднюю школу, Буйнічскае вучылішча механізацыі і электрафікацыі сельскай гаспадаркі. Працаваў на будоўлі. Завочна атрымаў вышэйшую адукацыю ў Беларускім дзяржаўным універсітэце. Працаваў у шматтыражцы, потым — у органах унутраных спраў. Атрымаў званне маёра міліцыі. Працаваў вядучым спецыялістам рэдакцыйнага персаналу газеты "Звязда". У 1997 г. выйшаў зборнік яго апавяданняў, нарысаў, замалёвак "І сонца ўзыходзіла весялей". Героі твораў Аляксандра Дзеравянкі — людзі з рэальнага жыцця. Тут яму не давялося нічога ні выдумляць, ні дадаваць. Пра адных аўтар расказвае з цеплынёй і сімпатыяй, іншым выносіць свой грамадзянскі суровы вердыкт. І можна не сумнявацца, што гэтыя сімпатыі і антыпатыі падзеліць з аўтарам кожны, хто прачытае гэтую кніжку. Друкаваўся ў газеце "Сельскае жыццё". У 2013 г. выйшла кніга "Шчыток. Вайна: акупацыя вачамі дзіцяці". Гэта ўспаміны аб вайне не ў маштабах краіны, а ў межах адной асобнай вёскі – вёскі Шчыток Круглянскага раёна, якія аўтар паказвае праз уражанні дзіцяці ад дзеянняў партызан і фашыстаў. Жыве ў г. Мінску.
Спіс асобна выдадзеных кніг і зборнікаў:		"І сонца ўзыходзіла весялей" (Мінск, 1997) "Шчыток. Вайна: акупацыя вачамі дзіцяці" (Мінск, 2013)
Звесткі пра публікацыі ў зборніках, перыядычных выданнях:		Аўтар апавяданняў, замалёвак, нарысаў у перыядычным друку
Крыніцы інфармацыі:		Вадап’ян, С. Памяць сэрца : [пісьменнік-земляк Аляксандр Дзеравянка даслаў ў раённую бібліятэку сваю новую кнігу "Шчыток. Вайна: акупацыя вачамі дзіцяці"] / С. Вадап’ян // Сельскае жыццё. — 2013. — 2 ліпеня. — (Новая кніга пра вайну). Карлюкевіч, А. Святло Аляксандра Дзеравянкі / А. Карлюкевіч // Книга и мы. — 1997. — № 44 (21—27 ноября). — С. 7. Карлюкевіч, А. Святло Аляксандра Дзеравянкі : [выйшла ў свет кніга ўраджэнца Кругляншчыны А. Дзеравянкі] / А. Карлюкевіч // Сельскае жыццё. — 1997. — 29 кастрычніка.