Таленты ад роднай зямлi

Пошук персаналiй		Геаграфiчны пошук


Імя на беларускай мове:		Бяляцкі Віктар Іванавіч
Гады жыцця, месца нараджэння:		(25.4.1954, в. Філатава, Круглянскі раён, Магілёўская вобласць).
Творчая накіраванасць, тэматычны жанр:		Паэт.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Беляцкий Виктор Иванович
Псеўданімы:
Творчасць:		Скончыў Жыліцкі саўгас-тэхнікум, Магілёўскае культурна-асветніцкае вучылішча. Вучыўся ў Магілёўскім педагагічным інстытуце імя А. Куляшова на факультэце беларускай мовы і літаратуры. Працаваў на розных пасадах. З 1982 г. – старшы піянерважаты ў школе. У 1996 г. скончыў Беларускі ўніверсітэт культуры. Зараз працуе ў раённым Доме культуры метадыстам па рабоце з дзецьмі і моладдзю. Першы верш "Друць" быў надрукаваны ў 1977 г. у раённай газеце "Сельскае жыццё". Друкаваўся ў часопісах "Маладосць", "Беларусь", газетах "Літаратура і мастацтва", "Магілёўская праўда". Некаторыя яго вершы змешчаны ў калектыўным зборніку "Друцкія зарніцы", які выйшаў у 1996 г. Таксама друкаваўся ў зборніку "Гімн жыццю". У 1987 г. па лініі абласнога саюза пісьменнікаў быў удзельнікам нарады "Дружба народаў – дружба літаратур". У асноўным вершы піша на беларускай мове. Галоўныя тэмы яго творчасці — тэма Радзімы, любові да матулі і блізкіх людзей, да роднай Кругляншчыны, асэнсаванне свайго месца ў жыцці. А яшчэ — незагойны боль аб тых, хто загінуў на франтах Вялікай Айчыннай вайны. Прывабліваюць сваім лірызмам паэтычныя радкі, у якіх апісваецца прыгажосць роднай прыроды, светлыя пачуцці кахання і сяброўства. Жыве ў г.п. Круглае.
Спіс асобна выдадзеных кніг і зборнікаў:		"Белы маладзік" (Магілёў, 2003) "Белы маладзік" (Мінск, 2013)
Звесткі пра публікацыі ў зборніках, перыядычных выданнях:		Аўтар вершаў у зборніках і перыядычным друку
Крыніцы інфармацыі:		Белы маладзік : зборнік вершаў / Віктар Іванавіч Бяляцкі. — Магілёў, 2003. — С. 2. Белы маладзік : зборнік вершаў / Віктар Бяляцкі. — Мінск : Кнігазбор, 2013. — С. 2. Гімн жыццю : вершы паэтаў Кругляншчыны / укладальнік З. Мілешчанка. — Мінск : Белфранс, 2003. — С. 28. Друцкія зарніцы : (Літаратурная Кругляншчына) : [зборнік]. — Круглае, 1996. — С. 6. Лістратава, А. "Вытокі мае, я пры вас застаюся" : [пра сустрэчу вучняў старшых класаў з мясцовым паэтам Віктарам Бяляцкім, прысвечаную 50-годдзю паэта] / А. Лістратава // Сельскае жыццё. — 2004. — 19 мая. Поэтический дневник Виктора Беляцкого : Деревушка ; Поберегите, женщины, себя ; Фрегат любви ; Родина ; Котёнок ; Родина ; Цветок ; Я полюбил ; Уводит на камни дорога ; Когда ошибочны дерзанья : [биография и стихи] / Виктор Беляцкий // Сельскае жыццё. — 2013. — 3 красавіка.