Таленты ад роднай зямлi

Пошук персаналiй		Геаграфiчны пошук


Імя на беларускай мове:		Бурносаў Васіль Емяльянавіч
Гады жыцця, месца нараджэння:		(18.08.1914, в. Зелянькова, Круглянскі раён, Магілёўская вобласць — 19.07.1984, Мінск, пахаваны на Паўночных могілках).
Творчая накіраванасць, тэматычны жанр:		Крытык, літаратуразнаўца, перакладчык.
Звесткі аб званнях, узнагародах:		Узнагароджаны ордэнам Чырвонай Зоркі, медалямі.

Дадатковая інфармацыя (націсніце для паказу/скрывання)

Імя на рускай мове:		Бурносов Василий Емельянович
Псеўданімы:
Творчасць:		З сялянскай сям’і. Працаваў калгаснікам, потым брыгадзірам, старшынёй калгаса (1933-1934 гг.), пазней – токарам на аўтарамонтным заводзе ў Магілёве. У 1936 г. дэбютаваў у друку. Выступаў з артыкуламі па метадалагічных пытаннях крытыкі і літаратуразнаўства, адстойваў прынцыпы партыйнасці і народнасці літаратуры, заклікаў да праўдзівасці і паўнаты вобразнага адлюстравання жыцця, арыентаваў пісьменнікаў на засваенне і крытычнае выкарыстанне класічных літаратурных традыцый. У 1939 г. скончыў Мінскі Камуністычны інстытут журналістыкі. Член КПСС з 1940 г. Працаваў рэдактарам Дзяржаўнага выдавецтва БССР. У час Вялікай Айчыннай вайны ўдзельнічаў у абароне Масквы, ваяваў у 1-й Гомельскай партызанскай брыгадзе. Працаваў рэдактарам газеты "Смерць акупантам". Выступаў у падпольным друку як журналіст і паэт. З 1942 г. працаваў інструктарам ЦК ВЛКСМ, з 1943 г. – намеснікам рэдактара газеты "Чырвоная змена". У 1944-1947 гг. – карэспандэнт газеты "Правда" па Беларускай ССР. Літаратурна-крытычную дзейнасць В. Бурносаў пачаў у 1947 г. У газетах "Звязда", "Літаратура і мастацтва", "Советская Белоруссия", часопісах "Камуніст Беларусі", "Полымя", "Беларусь", "Народная асвета" змяшчаў рэцензіі на кнігі крытыкаў і літаратуразнаўцаў. Склаў зборнік мастацкіх твораў беларускіх пісьменнікаў пра Беларусь "Наша рэспубліка", апублікаваў шэраг артыкулаў пра творчасць рускіх і беларускіх пісьменнікаў – Л. Талстога, М. Гогаля, М. Горкага, Я. Купалы, П. Броўкі, М. Лынькова, А. Куляшова і іншых. Разам з М. Пацёмкіным зрабіў літаратурны запіс успамінаў С.Г. Жуніна, якія склалі кнігу "От Днепра до Буга", прысвечаную баявому шляху 8-й партызанскай брыгады. З 1947 г. загадваў рэдакцыяй мастацкай літаратуры Дзяржаўнага выдавецтва БССР, аддзелам крытыкі ў часопісе "Полымя", працаваў намеснікам рэдактара часопіса "Камуніст Беларусі", адказным сакратаром газеты "Літаратура і мастацтва". Быў супрацоўнікам Інстытута мастацтвазнаўства, этнаграфіі і фальклору АН БССР, галоўным рэдактарам выдавецтва БДУ, старшым рэдактарам выдавецтва "Мастацкая літаратура". З 1951 г. – Член Саюза пісьменнікаў СССР.
Спіс асобна выдадзеных кніг і зборнікаў:		"Між нас жыве Ленін" (Минск, 1958) "Жыве між нас геній" (Мінск, 1969) "Наша рэспубліка" (Мінск, 1970)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Беларускія пісьменнікі : біябібліяграфічны слоўнік : у 6 т. — Мінск : БелЭн, 1992. — Т. 1. — С. 405—408. Беларускія пісьменнікі (1917—1990) : даведнік. — Мінск, 1994. — С. 73—74. В. Бурносову — 60 // Літаратура і мастацтва. — 1974. — 16 жніўня. — С. 11. Васіль Бурносаў : некралог // Літаратура і мастацтва. — 1984. — 27 ліпеня. Ішла вайна народная... : беларускія пісьменнікі ў Вялікай Айчыннай. — Мінск, 1991. — С. 89—90. Куляшоў, Ф. І. Пішыце пра беларускую прозу : [лісты літаратуразнаўцу Ф. І. Куляшову аб Д. Палітыцы, В. Бурносава, Р. Бярозкіна] // Літаратура і мастацтва. — 1988. — 17 чэрвеня. — С. 7. Курбан, Л. Знаёмцеся з творчасцю В. Бурносава / Л. Курбан // Сельскае жыццё. — 2000. — 21 чэрвеня. Курбан, Л. Хлопец з вёскі Зелянькова / Л. Курбан // Сельскае жыццё. — 2000. — 22 сакавіка. Памяць : гісторыка-дакументальная хроніка Круглянскага раёна. — Мінск : Беларуская энцыклапедыя, 1996. — С. 504. Пісьменнікі Магілёўшчыны : бібліяграфічны паказальнік. — Магілёў, 1993. — С. 22—23. Пісьменнікі Савецкай Беларусі : кароткі біяграфічны даведнік. — Мінск, 1959. — С. 86—87. Пісьменнікі Савецкай Беларусі : кароткі даведнік / склад. А. Гардзіцкі. — Мінск, 1981. — С. 47.