Таленты ад роднай зямлi

Пошук персаналiй		Геаграфiчны пошук


Імя на беларускай мове:		Карпечанка Васіль Васільевіч
Гады жыцця, месца нараджэння:		(7.01.1925, в. Будзішча, Чачэрскі раён, Гомельская вобласць – 30.08.2005).
Творчая накіраванасць, тэматычны жанр:		Паэт, празаік, перакладчык, публіцыст.
Звесткі аб званнях, узнагародах:		Узнагароджаны ордэнамі Славы ІІІ ступені, Айчыннай вайны І ступені, медалём "За отвагу", "За победу над Германией в Великой Отечественной войне 1941-1945 гг." і іншымі.

Дадатковая інфармацыя (націсніце для паказу/скрывання)

Імя на рускай мове:		Карпеченко Василий Васильевич
Псеўданімы:
Творчасць:		Васіль Васільевіч Карпечанка – беларускі паэт, перакладчык, публіцыст, удзельнік Вялікай Айчыннай вайны. Друкавацца пачаў з 1953 г. Першы паэтычны зборнік "Сонейка ўзышло" выйшаў у 1961 г., які склалі вершы для дзяцей. Натхнёны педагагічнай дзейнасцю на паэтычную творчасць Васіль Карпечанка выдаў зборнікі дзіцячых вершаў "Крылаты будзільнік" (1998), "Залатыя промні" (1999) і інш. Многія вершы ўключаны ў школьныя падручнікі для малодшых класаў "Верасок", "Кніжка-малышка", "Ад вясны да вясны"(падручнікі"Роднае слова", "Беларуская мова", "Буквар"). За гады літаратурнай творчасці Васіль Карпечанка напісаў шмат вершаў i апавяданняў, арыентаваных на дарослага чытача, якія ўключаны ў зборнікі "Я родам з Будзішча" (1994), "Споведзь збалелай душы" (1994), "Вярхом на ўрагане" (1996), "Боль" (1998), "Назаўсёды" (2002).
Спіс асобна выдадзеных кніг і зборнікаў:		"Сонейка ўзышло" (Мінск, 1961) "Сандалікі-скакалікі" (Магілёў, 1994) "Споведзь збалелай душы" (Магілёў, 1994) "Я родам з Будзішча" (Магілёў, 1994) "Вярхом на ўрагане" (Магілёў, 1996) "Загадкі ў калядкі" (Магілёў, 1997) "Боль" (Магілёў, 1998) "Крылаты будзільнік" (Магілёў, 1998) "Толькі з табою" (Магілёў, 1998) "Залатыя промні" (Магілёў, 1999) "Назаўсёды" (Мінск, 2002) "Уздоўж стромы…" (Мінск, 2007)
Звесткі пра публікацыі ў зборніках, перыядычных выданнях:		Аўтар літаратурных і літаратурна-крытычных артыкулаў у перыядычным друку.
Крыніцы інфармацыі:		Карпечанка Васіль Васільевіч // Беларуская энцыклапедыя: у 18 т. Т. 8 : Канто-Кулі / рэдкал.: Г. П. Пашкоў і інш. – Мінск : БелЭН, 1999. – С. 95. Васіль Карпечанка // Беларускія пісьменнікі (1917-1990) : даведнік /склад. А. К. Гардзіцкі ; нав. рэд. А. Л. Верабей. – Мінск : Мастацкая літаратура, 1994. – C. 265.