Таленты ад роднай зямлi

Пошук персаналiй		Геаграфiчны пошук


Імя на беларускай мове:		Яцкоў Мікалай Адамавіч
Гады жыцця, месца нараджэння:		(22.05.1959, г. Магілёў)
Творчая накіраванасць, тэматычны жанр:		Паэт, публіцыст, перакладчык, кампазітар-песеннік
Звесткі аб званнях, узнагародах:		Старшыня Магілёўскага абласнога аддзялення Саюза беларускіх пісьменнікаў, грамадскі дзеяч

Дадатковая інфармацыя (націсніце для паказу/скрывання)

Імя на рускай мове:		Яцков Николай Адамович
Псеўданімы:		Адам Доман, Панас Прусак
Творчасць:		Мікалай Адамавіч Яцкоў нарадзіўся ў г. Магілёве. З 1981 г. працуе дырэктарам Брылёўскага сельскага Дома культуры Магілёўскага раёна. Свае творы друкаваў у мясцовых, рэспубліканскіх і замежных перыядычных выданнях: "За камуністычную працу", "Прыдняпроўская ніва", "Магілёўская праўда", "Веснік Магілёва", "Зямля і людзі", "Чырвоная змена", "Літаратура і мастацтва", "Ніва" (Польшча), у часопісах "Маладосць", "Полымя", "Вожык", у калектыўных зборніках "Дняпроўскія хвалі" (Магілёў, 1993), "Матчына слова", "Тутэйшы шляхціч", у хрэстаматыі для старэйшых класаў "Сэрцам роднага слова краніся" (Мінск, 1998). Як публіцыст друкаваўся у газетах: "Прыдняпроўская ніва", "Магілёўская праўда", "Магілёўскія ведамасці", "Знамя юности", "Чырвоная змена", "Літаратура і мастацтва", у часопісах: "Коммунист Белоруссии", "Беларуская думка", "Киномеханик" (Масква), "Встреча" (Масква), "Клуб" (Масква). З мая 2006 г. у вёсцы Брылі Магілёўскага раёна стаў выходзіць бюлетэнь "Брылёўскі летапіс". Сваё выданне Мікалай Яцкоў пазіцыяніруе як інфармацыйна-грамадскі бюлетэнь. "Брылеўскі вернік" – другое выданне, якое пачало выдавацца у Брылях са студзеня 2010 г. Дамінуючая накіраванасць выдання – рэлігійная.Трэцяе выданне, якое выдаецца з мая 2012 г. у вёсцы Брылі Магілёўскага раёна – інфармацыйны бюлетэнь "Дняпроўская строма", дзе змяшчаюцца матэрыялы пра дзейнасць Магілёўскага абласнога аддзялення Саюза беларускіх пісьменнікаў, старшынёй якога з’яўляецца Мікола Яцкоў. Мікалай Яцкоў актыўна выступае як кампазітар-песеннік. З’яўляецца аўтарам песенных зборнікаў "На вайсковыя матывы. Песні на ваяцкі лад" (у сааўтарстве з Янкам Купалам), "Родныя вобразы" (у сааўтарстве з Якубам Коласам), "Гронка бэзу" (у сааўтарстве з Тамашом Ляшонкам), "Знічка" (у сааўтарстве з Іванам Карэндам) і інш. Песні Міколы Яцкова друкаваліся ў шматлікіх выданнях, у аўтарскіх зборніках Васіля Карпечанкі "Толькі з табою", Генадзя Рыкоўскага "Лісце клёнаў залатое" і "Звёздная россып", Віктара Сухарава "Ненаписанная картина", Івана Цітаўца "Ёсць любоў у мяне", Сяргея Панізніка "Дабравест", Надзеі Салодкай "Апошняя квадра". Выпусціў кампакт-дыскі: "Пуцяводная ніць" (на вершы Станіслава Валодзькі), "Успомніце хоць раз" (на вершы Р. Барадуліна), "Мае сны без цябе пустыя" і "Непрычалены човен" (на вершы Э. Акуліна) і інш. Песні М. Яцкова ўвайшлі ў рэпэртуар народнага артыста Беларусі Мікалая Скорыкава, заслужаных артыстаў Рэспублікі Беларусь Нэлі Багуслаўскай, Надзеі Мікуліч, Леаніда Нікольскага. Іх выконваюць Уладзімір Ухцінскі, Збыслаў Белы, ансамбаль "Любо-Дорого", шматлікія калектывы мастацкай самадзейнасці. Песні таксама ўключаліся ў канцэртныя праграмы Дзяржаўнага аркестра эстраднай і сімфанічнай музыкі пад кіраўніцтвам Міхаіла Фінберга. У ліпені 2003 г. Мікалай Яцкоў прадставіў тры канцэртныя праграмы на вершы беларускіх паэтаў на міжнароднай сустрэчы "Беларускі Трыялог" у г. Крынкі (Польшча). Мікалай Яцкоў – аўтар музыкі афіцыйна зацверджанага "Гімну Магілёва" (у сааўтарстве з Аляксандрам Шлеянковым). М. Яцкоў не толькі піша вершы,складае музыку, але займаецца і фотаздымкам. Кожная публікацыя мае свае сюжэты.
Спіс асобна выдадзеных кніг і зборнікаў:		"Гронка бэзу" (Орша, 1997) "Кракаўскія сшыткі" (Брылі, 2005) "Міколавы прыпеўкі" (Брылі, 2005) "Хрышчацік" (Брылі, 2007) "Единственный друг" (Брылі, 2008) "Родина моя" (Брылі, 2008) "сустрэчы і памяць" (Брылі, 2008) "Вяртанне" (Брылі, 2009) "Забыць цябе…" (Брылі, 2009) "Птушка залатая" (Брылі, 2009) "Твае далоні" (Брылі, 2010) "Когда душе моей…" (Брылі, 2011) "В огромном городе моём…" (Брылі, 2012) "На вайсковыя матывы" (Брылі, 2012) "Кола года" (Брылі, 2013)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў у перыядычным друку.
Крыніцы інфармацыі:		Арцем’еў, В. Творчы вечар паэта і кампазітара [Тэкст]: [аб правядзенні творчага вечара, прысвечанага М.А.Яцкову – беларускаму паэту і самадзейнаму кампазітару ў гарадской дзіцячай бібліятэцы імя А. С. Пушкіна] / В. Арцем’еў // Веснік Магілёва. – 2005. – 3 жніўня. – С. 4. Льецца музыка ў душы [Тэкст]: творчы вечар паэта і кампазітара М. А. Яцкова з в. Брылі Магілёўскага раёна // Прыдняпроўская ніва. – 2002. – 12 чэрвеня. – С. 4. Магілёўская вобласць: літаратурныя мясціны Беларусі [Тэкст]: [аб пісьменніках Магілёўшчыны] // Маладосць. – 2009. – № 2. – С. 131. Паэт і кампазітар Мікалай Адамавіч Яцкоў [Тэкст]: [аб Міколе Яцкове] // Прыдняпроўская ніва. – 2002. – 23 кастрычніка. – С. 3. Терехов, А. К творчеству Николая Яцкова проявил интерес Владимир Ухтинский [Текст] /А. Терехов // Магілёўскія ведамасці. – 1996. – 9 студзеня. – С. 3. Тинякова, И. Встреча с поэтом и композитором [Текст]: [о заседании литературно-художественного клуба "Собеседник" в Центральной городской библиотеке им. К. Маркса] / И. Тинякова // Могилевские ведомости. – 2013. – 11 апреля. – С. 14. У Брылях жыве пісьменнік [Текст]: [аб М. Яцкове] // Веснік Магілёва. – 2007. – 25 мая. – С. 4. Церахаў, А. Песня прысвечана жанчыне [Тэкст]: [пра самадзейнага кампазітара М.Яцкова з в. Брылі] /А.Церахаў // Магілёўскія ведамасці. – 1998. – 10 сакавіка. – С. 8. Чабан, Н. І загучаць новыя песні [Тэкст]: [выхад у свет зборніка лірычных песень кампазітара М. Яцкова на словы І. Карэнды "Знічка"] /Н. Чабан // Прыдняпроўская ніва. – 2003. – 16 ліпеня. – С. 1. Яцкоў Мікола Адамавіч [Тэкст]: біяграфічныя звесткі // Дняпроўскія хвалі: Магілёўшчына літаратурная. – Магілёў, 1993. – С. 361.