Таленты ад роднай зямлi

Пошук персаналiй		Геаграфiчны пошук


Імя на беларускай мове:		Кудравец Анатоль Паўлавіч
Гады жыцця, месца нараджэння:		(01.01.1936, в. Аколіца, Клічаўскі раён, Магілёўская вобласць – 08.05.2014)
Творчая накіраванасць, тэматычны жанр:		Празаік, перакладчык.
Звесткі аб званнях, узнагародах:		Член СП Беларусі з 1969 г. Лаўрэат Дзяржаўнай прэміі Беларусі імя Я. Коласа (1986, за раман "Сачыненне на вольную тэму"). Узнагароджаны ордэнам Дружбы народаў, Ганаровымі Граматамі Вярхоўнага Савета БССР.

Дадатковая інфармацыя (націсніце для паказу/скрывання)

Імя на рускай мове:		Кудравец Анатолий Павлович
Псеўданімы:
Творчасць:		Кудравец Анатоль Паўлавіч – беларускі пісьменнік, перакладчык. У 1951 г. скончыў сямігодку ў в. Коўбча, у 1955 г. – Слуцкае педвучылішча. Працаваў настаўнікам у Віркаўскай сямігадовай школе. У 1958 г. паступіў на аддзяленне журналістыкі БДУ. Будучы студэнтам, працаваў у рэдакцыі "Калгаснай праўды" (1962-1963). Скончыўшы ўніверсітэт (1963), працаваў рэдактарам літаратурна-драматычных перадач Беларускага радыё (1963–1965), літсупрацоўнікам газеты "Літаратура і мастацтва" (1965–1966), рэдактарам, старшым рэдактарам выдавецтва "Беларусь" (1966–1970), адказным сакратаром часопіса "Маладосць" (1970–1972). У 1972-1974 гг. – галоўны рэдактар выдавецтва "Мастацкая літаратура". З 1978 г. працаваў галоўным рэдактарам часопіса "Нёман". Упершыню ў друку з’явіўся ў 1960 г. цыклам кароткіх апавяданняў пра жыццё калгаснай вёскі. Першая кніга апавяданняў "На зялёнай дарозе" выйшла ў 1968 г. Потым кнігі "Раданіца" (1971), "Дзень перад святам" (1978), "Зімы і вёсны" (1976), "На балоце скрыпелі драчы" (1979), "За чужымі далямі" (1981), "Выбранае у двух тамах" (1987), "Смерць нацыяналіста" (1992) і іншыя. У 1975 г. выйшаў раман "Сачыненне на вольную тэму". За эсэ "Я Прыпяці выток і вусце... " у 2000 г. прызнаны лаўрэатам прэміі "ЛіМа" кампаніі "ВКТ – ОЙЛ". На кінастудыі "Беларусьфільм" экранізавана яго аповесць "Раданіца" і апавяданне "Халады ў пачатку вясны". А. Кудравец выступаў як перакладчык. У яго перакладах выйшлі кнігі Дж. Свіфта "Падарожжы Гулівера" (1974), У. Іванава "Сібірскія апавяданні" (1975), А. Нурпеісава "Змрок" (1978) і "Нягоды" (1981), А. Тамсаарэ "Аповесці" (1980), У. Караленкі "Апошні прамень" (1984), аповесць К. Сіманава "Дні і ночы", асобныя творы рускіх і ўкраінскіх пісьменнікаў. Творы А. Кудраўца выходзілі асобнымі выданнямі на рускай, латышскай, эстонскай, нямецкай, балгарскай мовах, перакладаліся на азербайджанскую, узбекскую, украінскую, чувашскую і іншыя мовы. У 1979 г. ў складзе дэлегацыі Беларускай ССР прымаў удзел у рабоце 34-й сесіі Генеральнай Асамблеі ААН. Узнагароджаны ордэнам Дружбы народаў, Ганаровымі Граматамі Вярхоўнага Савета БССР.
Спіс асобна выдадзеных кніг і зборнікаў:		"На зялёнай дарозе" (Мінск, 1968) "Дзень перад святам" (Мінск, 1975) "Зімы і вёсны" (Мінск, 1976) "На балоце скрыпелі драчы" (Мінск, 1979) "За чужымі далямі" (Мінск, 1981) "По дороге домой" (Минск, 1985) "От весны до весны" (Минск, 1986) "Выбраныя творы: У 2–х т." (Мінск, 1987) "Познія яблыкі", (Мінск, 1999)
Звесткі пра публікацыі ў зборніках, перыядычных выданнях:		Аўтар літаратурных твораў
Крыніцы інфармацыі:		Анатоль Кудравец : [біяграфія] // Беларуская энцыклапедыя : у 18 т. – Мінск, 1999. – Т. 8. – С. 557. Кудравец А. П. : [біяграфія] // Беларускія пісьменнікі : бібліяграфічны слоўнік. – Мінск, 1994. – Т. 3. – С. 437–440. Кудравец А. П. : [біяграфія] // Энцыклапедыя літаратуры і мастацтва Беларусі : у 5 т. – Мінск, 1986. – Т. 3. – С. 148. Кудравец А. П. : [біяграфія] // Беларускія пісьменнікі (1917–1990) : даведнік. – Мінск, 1994. – С. 305–306. Анатоль Кудравец : [біяграфія] // Пісьменнікі Магілёўшчыны : бібліяграфічны паказальнік. – Магілёў, 1993. – С. 125–128. Анатоль Кудравец : [біяграфія] // Памяць : гіст.-дакум. хроніка Клічаўскага раёна. – Мінск, 1995. – С. 438–439. Андраюк, С. "Жыць чалавекам сярод людзей" [творчасць А. Кудраўца] / С. Андраюк // Андраюк С. Жыць чалавекам. – Мінск, 1983. – С. 175–184. Андраюк, С. На зялёнай дарозе жыцця : [да 50-годдзя А. Кудраўца] / С. Андраюк // Звязда. – 1986. – 1 студзеня. Бечык, В. Святло жыцця : [творчасць А. Кудраўца] / В. Бечык // Бечык В. Прад высокаю красою… – Мінск, 1984. – С. 151–160. Бугаёў, Д. Паўнакроўнасць жыцця : літаратурны партрэт. А. Кудраўца / Дзмітрый Бугаёў // Роднае слова. – 1996. – № 1. – С. 25–38. Гніламёдаў, А. Ісці да сябе самога : [пра мастацкі фільм "Раданіца"] / А. Гніламёдаў // Літаратура і мастацтва. – 1984. – 15 чэрвеня. – С. 12. Жук, А. Аб стратах і надзеях : роздум над апавяданнем А. Кудраўца "Пахахуцікі" / А. Жук // Літаратура і мастацтва. – 1988. – 2 снежня. – С. 6–7. Жук, А. На парозе дабраты : жыццё і творчасць А. Кудраўца : да 60-годдзя з дня нараджэння / А. Жук // Маладосць. – 1995. – № 12. – С. 230–243. Жураўлёў, В. Суд памяці – не падкупны : аб жыцці і творчасці А. Кудраўца : да 60-годдзя з дня нараджэння / В. Жураўлёў // Полымя. – 1995. – № 12. – С. 244–277. Иващенко, В. А. Приглашение к творчеству : творчество А. Кудравца / В. А. Иващенко // Иващенко В. А. Круги надежды и добра. – Минск, 1983. – С. 149. Івашчанка, В. Чалавечнасць героя : [у творчасці А. Кудраўца] / В. Івашчанка // Маладосць. – 1977. – № 10. – С. 169–177. Каваленка, В. У далечы жыццёвых гарызонтаў : [аб творчасці А. Кудраўца] // Каваленка В. А. Веліч праўды. – Мінск, 1989. – С. 171–208. Казько, В. Сачыненне на тэму : [аб прозе А. Кудраўца] / В. Казько // Маладосць. – 1986. – № 1. – С. 155–160. Карамазаў, В. Ад ліпкі, вярбы і бярозкі : [да 50-годдзя з дня нараджэння А. Кудраўца] / В. Карамазаў // Полымя. – 1986. – № 1. – С. 188–195. Клімуць, Я. Сіла таленту – у прозе вобразаў : [да 50-годдзя з дня нараджэння А. Кудраўца] / Я. Клімуць // Магілёўская праўда. – 1986. – 4 студзеня.