Таленты ад роднай зямлi

Пошук персаналiй		Геаграфiчны пошук


Імя на беларускай мове:		Зазека Язэп Васільевіч
Гады жыцця, месца нараджэння:		(24.06.1907, в. Востраў, Клічаўскі раён, Магілёўская вобласць – 27.08.1977).
Творчая накіраванасць, тэматычны жанр:		Празаік, літаратуразнавец, фалькларыст.
Звесткі аб званнях, узнагародах:		Узнагароджаны Ганаровай граматай і Граматай Вярхоўнага Савета Беларусі, медалямі, польскім ордэнам "Крыж партызана".

Дадатковая інфармацыя (націсніце для паказу/скрывання)

Імя на рускай мове:		Зазека Язеп Васильевич
Псеўданімы:
Творчасць:		Зазека Язэп Васільевіч – беларускі пісьменнік, літаратуразнавец. Нарадзіўся ў в. Востраў Клічаўскага раёна. У 1920 г. скончыў царкоўнапрыходскую школу, у 1922 г. – школу сялянскай моладзі. Прайшоў ваенную падрыхтоўку ў часцях асобага прызначэння, прымаў удзел у ліквідацыі банд у Чэрвеньскім раёне. У 1932 г. Я. Зазека паступіў на літаратурны факультэт Вышэйшага педагагічнага інстытута, які скончыў у 1936 годзе. Вучыўся ў аспірантуры пры тым жа інстытуце. З 1940 г. намеснік дырэктара Беластоцкага педагагічнага інстытута. У перыяд Вялікай Айчыннай вайны ўдзельнік падпольнага і партызанскага руху, з красавіка 1943 – рэдактар газеты "Свіслацкая праўда" пры партызанскай брыгадзе імя Чапаева Беластоцкага злучэння. Пасля вызвалення Беларусі працаваў намеснікам дырэктара, дэканам Мінскага педагагічнага інстытута. З 1949 па 1952 загадваў кафедрай рускай літаратуры ў Адэскім педагагічным інстытуце. З 1952 па 1973 – дацэнт кафедры рускай літаратуры БДУ. Першае апавяданне "На стылёвых павуціннях" Я. Зазека апублікаваў у часопісе "Маладняк" у 1930 г. Першы зборнік апавяданняў "Рукою ворага" выйшаў у 1932 г. Аўтар кніг для дзяцей "Лясныя сябры" (1966), "Сонечны алень" (1969), "Трывожная ноч" (1972). Выступаў з артыкуламі ў перыядычным друку на літаратурныя і фальклорныя тэмы. Навуковыя інтарэсы яго былі звязаны пераважна з даследаваннем беларускага фальклору, у прыватнасці партызанскай паэзіі ваеннага перыяду, сувязі яе з прафесійнай літаратурай. Узнагароджаны Ганаровай граматай і Граматай Вярхоўнага Савета Беларусі, медалямі, польскім ордэнам "Крыж партызана".
Спіс асобна выдадзеных кніг і зборнікаў:		"Лясныя сябры" (Мінск, 1966) "Трывожная ноч" (Мінск, 1972) "Сонечны алень" (Мінск, 1987) "Удар пушчы" (Мінск, 1991) "Юрка вядзе маленькі" (Мінск, 1991)
Звесткі пра публікацыі ў зборніках, перыядычных выданнях:		Аўтар літаратурных твораў
Крыніцы інфармацыі:		Зазека Язэп : [біяграфія] // Беларускія пісьменнікі : бібліяграфічны слоўнік. – Мінск, 1993. – Т. 2. – С. 480–481. Зазека Язэп : [біяграфія] // Энцыклапедыя літаратуры і мастацтва Беларусі: у 5 т. – Мінск, 1985. – Т. 2. – С. 475. Палаціна, Б. 80 гадоў з дня нараджэння Я. Зазекі / Б. Палаціна // Полымя. – 1987. – № 6. – С. 224. Ткачоў, П. Шчодрай душы чалавек / П. Ткачоў // Беларусь. – 1978. – № 6 – С. 33. Шушкевіч, С. Усё жыццё – змаганне / С. Шушкевіч // Літаратура і мастацтва. – 1977. – 24 чэрвеня. – С. 11. Язэп Зазека : [біяграфія] // Пісьменнікі Магілёўшчыны : бібліяграфічны паказальнік. – Магілёў, 1993. – С. 81–82. Язэп Зазека : [біяграфія] // Памяць : гіст.-дакум. хроніка Клічаўскага раёна. – Мінск, 1995. – С. 437–438. Язэп Зазека : [біяграфія] // Пісьменнікі Савецкай Беларусі : кароткі даведнік. – Мінск, 1981. – С. 138.