Таленты ад роднай зямлi

Пошук персаналiй		Геаграфiчны пошук


Імя на беларускай мове:		Дайнека Леанід Мартынавіч
Гады жыцця, месца нараджэння:		(28.01.1940, в. Дзмітраўка 2-я, Клічаўскі раён, Магілёўская вобласць – 21.08.2019).
Творчая накіраванасць, тэматычны жанр:		Лірык, навеліст, раманіст, публіцыст і крытык.
Звесткі аб званнях, узнагародах:		Узнагароджаны медалямі, літаратурнай прэміяй імя І. Мележа за раман "Меч князя Вячкі", літаратурнай прэміяй імя К. Каліноўскага за раманы "Меч князя Вячкі" і "След ваўкалака".

Дадатковая інфармацыя (націсніце для паказу/скрывання)

Імя на рускай мове:		Дайнеко Леонид Мартынович
Псеўданімы:
Творчасць:		Дайнека Леанід Мартынавіч – беларускі пісьменнік. Скончыў Дзмітраўскую сярэднюю школу. У 1957-1959 гг. вучыўся ў тэхнічным вучылішчы ў Ніжнім Тагіле. У 1959-1960 гг. працаваў на металургічным камбінаце, у трэсце "Уралспецбуд", з 1960 па 1963 гг. – служыў у Савецкай Арміі. Скончыўшы аддзяленне журналістыкі філалагічнага факультэта БДУ (1967), працаваў рэдактарам перадач для дзяцей і юнацтва на Віцебскай студыі тэлебачання. З 1971 г. – старшы рэдактар беларускага тэлебачання ў Мінску, у 1972-1989 гг. адказны сакратар часопіса "Маладосць". З 1989 г. – загадчык рэдакцыі паэзіі выдавецтва "Мастацкая літаратура". Друкавацца пачаў з 1961 года. Пісаў вершы, паэмы, выдаў паэтычныя зборнікі: "Галасы" (1960), "Бераг чакання" (1972), "Начныя тэлеграмы" (1974), "Мая вясна саракавая" (1979), "Вечнае імгненне" (1981), "Сняжынкі над агнём" (1988). Некаторыя вершы пакладзены на музыку П. Альхімовічам, А. Залётневым, Ю. Семянякам. З 1976 г. піша пераважна прозу. Першыя яго апавяданні змешчаны ў кнізе "Бацькава крыніца" (1976). Аўтар дылогій "Людзі і маланкі" (1978), "Запомнім сябе маладымі" (1984), рамана “Футбол на замініраваным полі” (1983).Чытачам больш вядомы як аўтар гістарычных раманаў: "Меч князя Вячкі" (1985), "След ваўкалака" (1988), "Жалезныя жалуды" (1993). Узнагароджаны медалямі.
Спіс асобна выдадзеных кніг і зборнікаў:		"Галасы" (Мінск, 1969) "Бераг чакання" (Мінск, 1972) "Начныя тэлеграмы" (Мінск, 1974) "Бацькава крыніца" (Мінск, 1976) "Людзі і маланкі" (Мінск, 1978) "Мая вясна саракавая" (Мінск, 1979) "Запомнім сябе маладымі" (Мінск, 1981) "Футбол на замініраваным полі" (Мінск, 1983) "Вечнае імгненне" (Мінск, 1985) "След ваўкалака" (Мінск, 1988) "Сняжынкі над агнём" (Мінск, 1988) "Меч князя Вячкі" (Мінск, 1990) "Жалезныя жалуды" (Мінск, 1993) "Чалавек з брыльянтавым сэрцам" (Мінск, 1994) "Бацькаўшчына" (Мінск, 2000) "Назаві сына Канстанцінам" (Мінск, 2007)
Звесткі пра публікацыі ў зборніках, перыядычных выданнях:		Аўтар вершаў, літаратурных твораў
Крыніцы інфармацыі:		Ад бацькавай крыніцы : [творчасць Л. Дайнекі] // Памяць : гіст.-дакум. хроніка Клічаўскага раёна. – Мінск, 1995. – С. 436–437. Адтуль, дзе вёрсты салаўіныя : Л. Дайнеку – 60 // Чырвоная змена. – 2000. – 29 студзеня. Варонка, Г. Леанід Дайнека: вандроўнік па жыцці і гісторыі / Ганна Варонка // Маладосць. - 2020. — № 1. — С. 76—85. Гардзей, В. Мець сэрца ў грудзях маладых : жыццё і творчасць Л. Дайнекі // Маладосць. – 2000. – № 1. – С. 231–233. Генька, М. "След ваўкалака" : [творчасць Л. Дайнекі] /М. Генька // Літаратура і мастацтва. – 2001. – 21 снежня. – С. 8. Грамадчанка, Т. "Хачу быць жытнім зернем я" : да 70-годдзя з дня нараджэння Л. Дайнекі / Таццяна Грамадчанка // Роднае слова. – 2010. – № 1. – С. 24–27. Дайнека Леанід : [біяграфія] // Беларускія пісьменнікі : біябібліяграфічны слоўнік. – Мінск, 1993. – Т. 2. – С. 312–315. Дайнека Леанід Мартынавіч : [біяграфія] // Беларуская энцыклапедыя : у 18 т.– Мінск, 1996. – Т. 6. – С. 11. Дайнека Леанід Мартынавіч : [біяграфія] // Энцыклапедыя літаратуры і мастацтва Беларусі : у 5 т. – Мінск, 1984. – Т. 2. – С. 258–259. Зямлі маёй зялёнае застолле : Л. Дайнеку – 60 // Белорусская нива. – 2000. – 28 января. Канаваленка, Н. Прасторава-часавая арганізацыя раманаў Леаніда Дайнекі / Настасся Канаваленка // Роднае слова. - 2018. — № 9. — С. 55—58. Каршукоў, Я. Юбілей : верш, прысвечаны Л. Дайнеку / Я. Каршукоў // Літаратура і мастацтва. – 2000. – 28 студзеня. – С. 7. Леанід Дайнека : [біяграфія] // Беларускія пісьменнікі (1917-1990) : даведнік. – Мінск, 1994. – С. 168. Леанід Дайнека : [біяграфія] // Памяць : гіст.-дакум. хроніка Клічаўскага раёна. – Мінск, 1995. – С. 436. Чарнякевіч, Ц. А крытык працуе з тэкстам : пра новы раман Л. Дайнекі "Назаві сына Канстанцінам" / Ц. Чарнякевіч // Літаратура і мастацтва. – 2009. – 20 сакавіка (№ 11). – C. 6. Шынкарэнка, В. У падарожжы праз імглу стагоддзяў : [пра гістарычныя раманы "Меч князя Вячкі", "След ваўкалака" і "Жалезныя жалуды" Л. Дайнекі] / В. Шынкарэнка // Полымя. – 2001. – № 1. – С. 282–292.