Таленты ад роднай зямлi

Пошук персаналiй		Геаграфiчны пошук


Імя на беларускай мове:		Васілеўская Галіна Ануфрыеўна
Гады жыцця, месца нараджэння:		(15.01.1927, г. Клічаў, Магілёўская вобласць – 06.10.2017).
Творчая накіраванасць, тэматычны жанр:		Пісьменніца.
Звесткі аб званнях, узнагародах:		Член Саюза пісьменнікаў Беларусі. Узнагароджана медалём, Ганаровай граматай Вярхоўнага Савета БССР.

Дадатковая інфармацыя (націсніце для паказу/скрывання)

Імя на рускай мове:		Василевская Галина Ануфриевна
Псеўданімы:
Творчасць:		Васілеўская Галіна Ануфрыеўна нарадзілася на Клічаўшчыне. У 1950 г. скончыла аддзяленне журналістыкі філалагічнага факультэта БДУ. Працавала радыёжурналістам з 1950 па 1953 гг., літаратурным супрацоўнікам часопіса "Сельская гаспадарка Беларусі" (1953-1959), рэдактарам аддзела часопіса "Работніца і сялянка" (1959-1977), рэдактарам аддзела нарыса (1977-1979), адказным сакратаром часопіса "Полымя" (1979-1982), дырэктарам бюро прапаганды мастацкай літаратуры (1982-1988). Літаратурнай працай пачала займацца з 1953 г. Першае апавяданне "Блакітныя канверты" апублікавала ў 1959 г. Аўтар твораў для дзяцей і юнацтва: дакументальна-мастацкая аповесць "Маланка ўначы" (1963), аповесць-хроніка "Бывай, Грушаўка!" (1978) – пра жыццё і ўдзел падлеткаў у барацьбе з нямецка-фашысцкімі захопнікамі ў акупіраваным фашыстамі Мінску. Інтэрнацыянальнай дружбе дзяцей прысвечана аповесць "Я еду на вярблюдзе" (1970). Аб жыцці беларуса Віталя Пятроўскага, самага юнага вынаходніка ў былым СССР, расказана ў аповесці "Крылы" (1987). Дзяцінству В. Харужай прысвечана аповесць "Што помніцца..." (1991). Творы пісьменніцы перакладаліся на рускую, армянскую, малдаўскую мовы. З 1988 г. персанальны пенсіянер. Узнагароджана медалём, Ганаровай граматай Вярхоўнага Савета БССР. У 2011 годзе прынята ў Саюз пісьменнікаў Беларусі.
Спіс асобна выдадзеных кніг і зборнікаў:		"Малюнак на снезе" (Мінск, 1969) "Я еду на верблюде" (Минск, 1974) "Юныя назаўсёды" (Мінск, 1983) "Бывай, Грушаўка!" (Мінск, 1984) "Маланка ўначы" (Мінск, 1985) "Выбранае: аповесці і апавяданні" (Мінск, 1986) "Крылы, альбо Адзін год з жыцця Віталя Пятроўскага" (Мінск, 1987) "Што помніцца..." (Мінск, 1991) "Белыя парасончыкі з таполі" (Мінск, 2013)
Звесткі пра публікацыі ў зборніках, перыядычных выданнях:		Аўтар літаратурных твораў
Крыніцы інфармацыі:		Васілеўская Галіна Ануфрыеўна : [біяграфія] // Беларуская энцыклапедыя : у 18 т. – Мінск, 1997. – Т. 4. – С. 23. Васілеўская Галіна : [біяграфія] // Беларускія пісьменнікі : біябібліяграфічны слоўнік. – Мінск, 1992. – Т. 1. – С. 526–521. Васілеўская Галіна Ануфрыеўна : [біяграфія] // Энцыклапедыя літаратуры і мастацтва Беларусі : у 5 т. – Мінск, 1984. – Т. 1. – С. 581. Васілеўская Галіна : [біяграфія] // Пісьменнікі Савецкай Беларусі : кароткі даведнік. – Мінск, 1981. – С. 67. Галіна Васілеўская : [біяграфія] // Памяць: гіст.-дакум. хроніка Клічаўскага раёна. – Мінск, 1995. – С. 435–436. Галіне Васілеўскай – 70 // Літаратура і мастацтва. – 1977. – 17 студзеня. – С. 12. Карпенка, М. Ад родных ніў : [пра рэдактара часопіса "Работніца і сялянка" Г. А. Васілеўскую] / М. Карпенка // Работніца і сялянка. – 1994. – № 8. – С. 5. Крупенька, Я. Творчы неспакой : [аб жыцці і творчасці Г. Васілеўскай] // Чырвоная змена. – 1977. – 15 студзеня. Талкачова, М. Каб слова свяціла, як зорка : [да 75-годдзя Г. Васілеўскай] / М. Талкачова // Сцяг Саветаў. – 2002. – 16 студзеня.