Таленты ад роднай зямлi

Пошук персаналiй		Геаграфiчны пошук


Імя на беларускай мове:		Чыгрынаў Іван Гаўрылавіч
Гады жыцця, месца нараджэння:		(21.12.1934, в. Вялікі Бор, Касцюковіцкі раён, Магілёўская вобласць –05.01.1996. Мінск, пахаваны ў Мінску на Усходніх Могілках).
Творчая накіраванасць, тэматычны жанр:		Празаік, перакладчык, драматург, публіцыст.
Звесткі аб званнях, узнагародах:		Народны пісьменнік Беларусі (1994). Лаўрэат Дзяржаўнай прэміі Беларусі (1974), Літаратурнай прэміі імя А. Фадзеева (1979). Член СП Беларусі з 1964 г. Ганаровы грамадзянін г. Касцюковічы (1992).

Дадатковая інфармацыя (націсніце для паказу/скрывання)

Імя на рускай мове:		Чигринов Иван Гаврилович
Псеўданімы:
Творчасць:		Іван Гаўрылавіч Чыгрынаў нарадзіўся на Магілёўшчыне, з вызваленнем у 1943 г. усходняй Магілёўшчыны пайшоў у 2-і клас Вялікаборскай сямігодкі. У 1949 г. перайшоў у Саматэвіцкую СШ, дзе ў 20-я гады вучыліся многія беларускія паэты. Спрабаваў пісаць вершы, якія друкаваліся ў касцюковіцкай раённай газеце "Сталінскі прызыў", шматтыражцы "Беларускі універсітэт", "Магілёўскай праўдзе", "Чырвонай змене", часопісе "Полымя", але паэтам не стаў. У 1952-1957 гг. вучыўся на аддзяленні журналістыкі філфака БДУ. Пісаў нарысы, змяшчаў іх у раённым, абласным і рэспубліканскім друку. Пасля заканчэння ўніверсітэта (1957) працаваў рэдактарам аддзела публіцыстыкі і нарыса часопіса "Полымя" (1962-1975). У 1975 г. І. Чыгрынаў абраны членам праўлення, намеснікам старшыні праўлення СП Беларусі, у 1976-1986 гг. быў сакратаром СП Беларусі. У 1978 г. уваходзіў у склад дэлегацыі Беларусі, якая ўдзельнічала ў рабоце XXXIII сесіі Генеральнай Асамблеі ААН. З 1987 г. быў старшынёй праўлення Беларускага фонду культуры. З 1989 г. галоўны рэдактар часопіса "Спадчына". Выбраны дэпутатам Вярхоўнага Савета Беларусі 11-га склікання, узначальваў пастаянную камісію па нацыянальных пытаннях і міжнацыянальных адносінах. Адзін з аўтараў Закона аб мовах у Рэспубліцы Беларусь. У 1958 г. у газеце "Чырвоная змена" была апублікавана аповесць "Тайна одной экспедыцыі", але сапраўдным пачаткам літаратурнай творчасці пісьменнік лічыць 1961 г., калі ў "ЛіМе" было надрукавана яго апавяданне "Праз гады". Найбольш значным дасягненнем І. Чыгрынава з’яўляюцца яго раманы пра вайну: "Плач перапёлкі", "Апраўданне крыві", "Свае і чужынцы". У раманах грунтоўна адлюстравана атмасфера ваеннага часу, вясковы побыт на акупіраванай тэрыторыі, даследуюцца вытокі народнага гераізму, сцвярджаецца народны погляд на вайну. Аўтар рамана "Вяртанне да віны". Піша літаратурнакрытычныя артыкуры, стварае п’есы па ўласных раманах і апавяданнях. Напісаў арыгінальныя п’есы: "Следчая справа Вашчылы" (пра Крычаўскае паўстанне ў 18 стагоддзі), "Чалавек з мядзведжым тварам", "Звон – не малітва", "Толькі мёртвыя не вяртаюцца", "Хто вінаваты…", "Ігракі". Па раманах "Плач перапёлкі", "Апраўданне крыві", "Свае і чужынцы" рэжысёрам І. Дабралюбавым на кінастудыі "Беларусьфільм" створаны шматсерыйны тэлевізійны фільм "Плач перапёлкі". Па яго матывах У. Кандрусевічам напісана аднайменная сімфонія. Творы І. Чыгрынава перакладзены на многія мовы народаў свету. Імя І. Чыгрынава прысвоена цэнтральнай раённай бібліятэцы г. Касцюковічы.
Спіс асобна выдадзеных кніг і зборнікаў:		"Птушкі ляцяць на волю" (Мінск, 1965) "Самы шчаслівы чалавек" (Мінск, 1967) "Плач перапёлкі" (Мінск, 1972) "Ішоў на вайну чалавек" (Мінск, 1973) "Апраўданне крыві" (Мінск, 1977) "Новае ў жыцці, новае ў літаратуры" (Мінск, 1983) "Ці бываюць у выраі ластаўкі?" (Мінск, 1983) "Свае і чужыя" (Мінск, 1984) "Дзівак з Ганчарнай вуліцы" (Мінск, 1986) "Следчая справа Вашчылы" (Мінск, 1988) "Чалавек з мядзвежым тварам" (Мінск, 1988) "Звон – не малітва" (Мінск, 1988) "Толькі мёртвыя не вяртаюцца" (Мінск, 1989) "Ігракі" (Мінск, 1989) "Вяртанне да віны" (Мінск, 1992) "Прымак" (Мінск, 1994) "Не ўсе мы згінем" (Мінск, 1996)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		80 гадоў з дня нараджэння Івана Чыгрынава : [народнага пісьменніка Беларусі з вёскі Вялікі Бор Касцюковіцкага раёна] // Наша слова. – 2014. — 17 снежня. — С. 1. Азаранка, Н. Івану Чыгрынаву : верш / Наталля Азаранка // Літаратура і мастацтва. – 2016. — 30 красавіка. — С. 15. Азаранка, Н. Трывожыць вецер вокны старой хаты... ; Аляксандру Бардоўскаму ; Івану Чыгрынаву : вершы / Наталля Азаранка // Літаратура і мастацтва. – 2016. — 20 мая. — С. 8. Балуева, Л. М. Жыццё і творчасць І Чыгрынава. Апавяданне "Дзівак з Ганчарнай вуліцы" : крыжаванка ; склала Л. М. Балуева // Беларуская мова і літаратура. – 2019. — № 12. — С. 60. Беларускія пісьменнікі : біябібліяграфічны слоўнік : у 6 т. – Мінск, 1995. – Т. 6. – С. 297–302. Беларускія пісьменнікі (1917-1990) : даведнік. – Мінск, 1994. – С. 587–588. Гілеп, У. Чыгрынаўскія чытанні прайшлі ў Мар’інай Горцы / Уладзімір Гілеп // Краязнаўчая газета. – 2016. — № 1(студзень). — С. 2. Гурэвіч, Э. С. Пафас гераізму : Сучасная савецкая проза аб Вялікай Айчыннай вайне / Э. С. Гурэвіч. – Мінск, 1979. – С. 8, 43, 52, 54, 57, 85, 119, 161, 162, 171, 173 – 175, 198. Ермаковіч, К. Фарміраванне паняцця "сям’я як каштоўнасць" пры вывучэнні твораў Івана Чыгрынава : [урок беларускай літаратуры (ХI клас)] / Кацярына Ермаковіч // Роднае слова. – 2016. — № 2. — С. 53—55. Каваленка, Л. Жывыя карані творчасці : [пра Івана Чыгрынава, народнага пісьменніка Беларусі, ураджэнца в. Вялікі Бор Касцюковіцкага раёна] / Лілія Каваленка // Голас Касцюкоўшчыны. – 2014. — 20 снежня. — С. 13. Калініна, Т. Іванава вайна : [супрацоўнікі аддзела беларускай і краязнаўчай літаратуры Магілёўскай абласной бібліятэкі правялі тэматычны вечар "Вайна ў лёсе і творах Івана Чыгрынава", прысвечаны 80-годдзю з дня нараджэння народнага пісьменніка, ураджэнца в. Вялікі Бор Касцюковіцкага раёна] / Тамара Калініна // Літаратура і мастацтва. – 2015. — 30 студзеня — С. 14. Коршунава, Т. Вернасць праўдзе : [пра мерапрыемствы Касцюковіцкай цэнтральнай бібліятэкі імя І. Чыгрынава прысвечаныя да 80-гадовага юбілею Івана Чыгрынава, ураджэнца в. Вялікі Бор Касцюковіцкага раёна] / Тамара Коршунава // Літаратура і мастацтва. – 2015. — 30 студзеня — С. 14. Круталевіч, Т. Побач з Чыгрынавым / Тамара Круталевіч // Літаратура і мастацтва. – 2020. — 21 лютага. — С. 5. Ладуцька, К. Два дзесяцігоддзі з Іванам Чыгрынавым : [пра беларускага пісьменніка, ураджэнца в. Вялікі Бор Касцюковіцкага раёна] / Кастусь Ладуцька // Літаратура і мастацтва. – 2017. — 10 сакавіка. — С. 11. Мы – беларусы. – Мінск, 2003. – С. 124. Прохарава, А. Н. Напісанне водгуку на мастацкі твор : [водгук на твор "Ішоў на вайну чалавек" Івана Чыгрынава, беларускага пісьменніка, ураджэнца в. Вялікі Бор Касцюковіцкага раёна] / А. Н. Прохарава // Беларуская мова і літаратура. – 2016. — № 8. — С. 25—26. Чыгрынаў, І. Г. Выбраныя творы / Іван Чыгрынаў. – Мінск, 2008. – С. 5–18. Шамякина, Т. Мастер белорусской прозы : [Иван Чигринов, писатель, уроженец Костюковичского р-на] / Татьяна Шамякина // Белая Вежа. – 2015. — № 2. — С. 35—42. Шаршнёва, Т. М. Фразеалагізмы з функцыяй узуальнага характару ў раманах І. Чыгрынава : [празаіка з в. Вялікі Бор Касцюк. р-на] / Т. М. Шаршнёва, І. М. Ячмянёва // Куляшоўскія чытанні : материалы Междунар. науч.-практ. конф. 26-27 апреля 2012 г. – Могилев, 2012. — С. 321—323. Шэмянкова, Н. Івану Чыгрынаву — 85 год!!! / Наталля Шэмянкова // Наша слова. – 2020. — 8 студзеня. — С. 5.