Таленты ад роднай зямлi

Пошук персаналiй		Геаграфiчны пошук


Імя на беларускай мове:		Сяднёў Масей Ларывонавіч
Гады жыцця, месца нараджэння:		(19.08.(01.09) 1913, в. Мокрае, Клімавіцкі павет Магілёўская вобласць – 05.02.2001, пахаваны на Беларускіх могілках Саўт-Рывера, штат Нью-Джэрсі, ЗША).
Творчая накіраванасць, тэматычны жанр:		Паэт, празаік, публіцыст.
Звесткі аб званнях, узнагародах:		Адзін з найбольш актыўных і таленавітых прадстаўнікоў беларускага літаратурнага замежжа, быў прадстаўлены на Нобелеўскую прэмію (1989).

Дадатковая інфармацыя (націсніце для паказу/скрывання)

Імя на рускай мове:		Седнев Моисей Ларионович
Псеўданімы:		Масей
Творчасць:		Сяднёў Масей Ларывонавіч нарадзіўся на Магілёўшчыне. Літаратурны лёс, як і лёсы многіх рэпрэсіраваных беларускіх пісьменнікаў-эмігрантаў, пачынаўся ў 30-я гг., калі ён, студэнт Мінскага педінстытута, друкуе свае вершы. Яны былі заўважаны літаратурнай грамадскасцю, што акрыліла маладога творцу. Аднак 22-гадовага паэта, выпускніка педінстытута, у ліку 12 найбольш здольных студэнтаў арыштавалі ў кастрычніку 1936 г., абвінавацілі ў нацдэмаўшчыне і ў распаўсюджванні "ўпадніцкіх твораў Язэпа Пушчы і "Матчынага дару" Алеся Гаруна". Прывезены ў Мінск у 1941 г., атрымаў магчымасць збегчы. Вярнуўшыся ў Мокрае, Масей працаваў на бацькавай гаспадарцы. У 1944 г. вымушаны эміграваць, апасаючыся за сваё жыццё. Жыў напачатку ў Польшчы, Германіі. З 1951 г. жыў у ЗША. Але ўсе перыпетыі лёсу не вытруцілі пачуцця любові да Бацькаўшчыны, ёй прысвяціў паэт сваю творчасць. Вялікую каштоўнасць мае турэмная паэзія М. Сяднёва. У ягонай памяці захаваліся ўсе вершы, складзеныя падчас знаходжання ў турме, канцлагерах, пры пераездзе праз Байкал, на пераправе ў Ахоцкім моры, у жудасных умовах Калымы. Яны ўвайшлі потым у кнігу "Патушаныя зоры". Лірыка гэтага часу напоўнена горкім смуткам і трагізмам. Найбольш плённымі былі для Сяднёва 80-я гады, калі ён пераехаў на пастаяннае пражыванне ў Глен-Коў. Тут напісаны і выдадзены паэтычныя зборнікі: "Ачышчэнне агнём", "А часу больш, чым вечнасць", раман "Раман Корзюк". У Глен-Коў напісана "Масеева кніга", куды ўвайшлі іранічныя біблейскія вершы, артыкулы, публіцыстыка, перапіска Сяднёва з беларускімі пісьменнікамі. Гэтаму перыяду папярэднічалі гады фізічнай працы на фабрыцы (1952-1960), выкладчыцкая работа ва ўніверсітэце Індыяны (1960-1967), дзе М. Сяднёў, навучаючы студэнтаў рускай мове і літаратуры, адначасова вучыўся сам, атрымаў "Дыплом Універсітэту Індыяна" і ступень магістра гуманітарных навук па славянскай літаратуры і філалогіі. У 1967 г. амерыканскія ўлады прапавалі яму работу на радыёстанцыі "Свабода" ў Мюнхене, дзе ён працаваў да 1983 г., узначальваў беларускую рэдакцыю. Яго імя ўпісана ў Брытанскую і Польскую энцыклапедыі, а Кнігі славутага беларускага паэта выдаваліся ў Германіі і ЗША, перакладаліся на англійскую, польскую, рускую, украінскую мовы. Здымаецца паўвекавая забарона з яго кніг на Бацькаўшчыне: яны ўведзены ў адкрыты фонд Беларускай нацыянальная бібліятэкі.
Спіс асобна выдадзеных кніг і зборнікаў:		"Цень Янкі Купалы" (Ватэнштэт, 1947) "У акіяне ночы" (Мюнхен, 1947) "Спадзяванні" (Рэгенсбург, 1947) "Ля ціхай брамы" (Нью-Ёрк,1955) "Ачышчэнне агнём" (Нью-Ёрк, 1985) "Ачышчэнне агнём" (Нью-Ёрк,1985) "Раман Корзюк" (Нью-Ёрк, Мюнхен, 1985) "I той дзень надышоў" (Нью-Ёрк, 1987) "А часу больш, чым вечнасць" (Нью-Ёрк, 1989) "Патушаныя зоры" (Мінск, 1992) "Масеева кніга" (Мінск, 1994)
Звесткі пра публікацыі ў зборніках, перыядычных выданнях:
Крыніцы інфармацыі:		Багданава, Г. Партрэт паэта ў новым асяроддзi : Яшчэ адзiн вечар з Масеем Сяднёвым / Г. Багданава // Крынiца. – 1997. – № 3. – С. 23. Беларускiя пiсьменнiкi : бiябiблiяграфічныслоўнік : у 6 т. – Мінск, 1995. – Т. 5. – С. 467–469. Бураўкiн, Г. Параскiдала доля нас / Г. Бураўкін // Полымя. – 1990. – № 11. – С. 107–108. Верасень, М. Не эмiгрант – пiсьменнiк… / М. Верасень // Ратуша. – 1992. – № 20. – С. 8. Вярнулася песня з-за акiяна // ЛiМ. – 1992. – 12 чэрвеня. – С. 7. Кудравец, А. Возвращение: [ О судьбе М. Седнева] /А. Кудравец // Нёман. – 1991. – № 11. – С. 6–7. Масей Сяднёў // ЛiМ. – 2001. – 9 лютага. – С. 15. Марцiновiч, А. "А часу больш, чым вечнасць" : [ Лёс i творчасць М. Сяднёва ] / А. Марціновіч // Роднае слова. – 1993. – № 3. – С. 31–37. Пiсьменнiкi Магiлёўшчыны : бiблiяграфічны паказальнiк. – Магiлёў, 1993. – С. 209–211. Тварановiч, Г. Духоўная паэзiя Масея Сяднёва / Г. Тварановіч // Крынiца. – 1997. – № 3. – С. 30. Цi стане наш суайчыннiк Нобелеўскiм лаўрэатам? : [ М. Сяднёў] // Рэспублiка. – 1992. – 29 жніўня. – С. 14.