Таленты ад роднай зямлi

Пошук персаналiй		Геаграфiчны пошук


Імя на беларускай мове:		Русецкі Аляксей Сцяпанавіч
Гады жыцця, месца нараджэння:		(04.12.1912, сяло Студзянец, Касцюковіцкі раён, Магілёўская вобласць – ??.??.2000).
Творчая накіраванасць, тэматычны жанр:		Паэт, перакладчык.
Звесткі аб званнях, узнагародах:		Заслужаны работнік культуры Беларусі (1983). За кнігу вершаў "Крокі сэрца" прысуджана Літаратурная прэмія імя Аркадзя Куляшова (1981), узнагароджаны двума ордэнамі Айчыннай вайны II ступені, ордэнам Чырвонай Зоркі, медалямі.

Дадатковая інфармацыя (націсніце для паказу/скрывання)

Імя на рускай мове:		Бурделев Алексей Степанович
Псеўданімы:		Русецкі
Творчасць:		Аляксей Сцяпанавіч Русецкі нарадзіўся ў сяле Студзянец Касцюковіцкага раёна. Скончыў Маскоўскі зааветэрынарны інстытут (1935), служыў у Чырвонай Арміі. З 1936 г. працаваў ва ўпраўленні саўгасаў у Мінусінску, у бактэрыялагічных лабараторыях Масквы і Мінска. У час Вялікай Айчыннай вайны ўдзельнічаў у баях на Калінінскім, Заходнім, 3-м Прыбалтыйскім франтах. Прымаў удзел у разгроме імперыялістычнай Японіі. У 1947 г. дэмабілізаваны. Працаваў літкансультантам СП БССР (1947-1952, 1960-1967), загадчыкам аддзела публіцыстыкі часопіса "Беларусь" (1952-1960), намеснікам галоўнага рэдактара часопіса "Полымя" (1967-1973), старшым рэдактарам рэдакцыі часопіса "Беларусь" (1973-1980). Член СП СССР з 1947 г. З першымі вершамі выступіў у друку ў 1934 г. Створанае А. Русецкім – каштоўная і эстэтычна значная старонка беларускай паэзіі, якая ў наш час узнялася да шырокіх агульнаеўрапейскіх даляглядаў, закрануўшы свет чалавечай асобы і істотныя аспекты агульначалавечай сацыяльнафіласофскай, інтэлектуальнай праблематыкі.
Спіс асобна выдадзеных кніг і зборнікаў:		"У заўтрашні свет" (Мінск, 1951) "Святло акон тваіх" (Мінск, 1959) "Усход і захад" (Мінск, 1962) "Яго вялікасць" (Мінск, 1965) "Служба святла" (Мінск, 1967) "Вершы і паэма" (Мінск, 1969) "Зямля гаворыць зорам"(Мінск, 1971) "Два колеры жыцця" (Мінск, 1973) "Позірк" (Мінск, 1977) "Паэмы" (Мінск, 1979) "Крокі сэрца" (Мінск, 1980) "Хвала жыццю" (Мінск, 1987)
Звесткі пра публікацыі ў зборніках, перыядычных выданнях:
Крыніцы інфармацыі:		100 гадоў з дня нараджэння Аляксея Русецкага : [пісьменніка, урадж. в. Студзянец Касцюковицкага раёна] // Наша слова. - 2012. — 12 снежня. — С. 1. Беларуская энцыклапедыя : у 18 т. – Мінск, 2001. – Т. 13. – С. 456. Беларускія пісьменнікі (1917-1990) : даведнік. – Мінск : Мастацкая літаратура,1994. – С. 468–469. Дробышава, Н. Адчулі слова прыгажосць : [вечарына паэзіі, прысвеч. 100-годдзю паэта А. Русецкага і сустрэча з паэтам М. Леўчанкам у Касцюк. краяз. музеі] / Наталля Дробышава // Могилевская правда. - 2013. — 4 января. — С. 14. Карнялюк, К. Крокі яго сэрца / Канстанцін Карнялюк // ЛіМ. – 2008. – 15 лютага. – С. 14. Петрусевіч, І. "Былі мне любы ўсіх дарог вятры" : [да 100-годдзя паэта-земляка Аляксея Русецкага] / Ірына Петрусевіч // Голас Касцюкоўшчыны. - 2012. — 29 снежня. — С. 5. Пяцьдзесят чатыры дарогі : аўтабіяграфіі беларускіх пісьменнікаў – Мінск : Мастацкая літаратура, 1963. – С. 427–434. Русецкі, А. С. На зломе лёсу : Вершы, паэма / Аляксей Русецкі ; Маст. М.Казлоў. - Мн. : Маст. літ., 1995. - 143 с.