Таленты ад роднай зямлi

Пошук персаналiй		Геаграфiчны пошук


Імя на беларускай мове:		Батракова Наталля Мікалаеўна
Гады жыцця, месца нараджэння:		(18.05.1964, п.г.т. Бялынічы, Магілёўская вобласць).
Творчая накіраванасць, тэматычны жанр:		Пісьменніца, паэтэса.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Батракова Наталья Николаевна
Псеўданімы:
Творчасць:		Наталля Мікалаеўна Батракова – сучасная беларуская пісьменніца, паэтэса. Нарадзілася ў Бялынічах, скончыла СШ № 2 і Гомельскі БДУ інжынераў транспарту. Піша прозу і вершы на рускай мове. Працавала на розных пасадах у сістэме Беларускай чыгункі, вядучым спецыялістам страхавой кампаніі "ТАСК", намеснікам дырэктара сумеснага прадпрыемства "Белпрамтэхімпэкс", кіраўніком прадстаўніцтва транспартнай кампаніі "Hansa Grand". Любоў да друкаванага слова ўзнікла яшчэ ў раннім дзяцінстве. Пісаць Наталля пачала ў 16 – спачатку складала вершы, потым прыйшла чарга сур’ёзнай прозы. Яе кнігі – раманы-дылогіі "Территория души" і "Площадь согласия" – сталі сапраўднымі бэстсэлерамі на беларускім кніжным рынку. Удала пабудаваны сюжэт, тонкі псіхалагізм і пранікненне ва ўнутраны свет герояў не толькі ўтрымліваюць чытацкую цікавасць на працягу ўсяго апавядання, не толькі дазваляюць чытачам пагасціць на тэрыторыі пачуццяў, але і нанова асэнсаваць такія звыклыя паняцці, як каханне, сяброўства, сямейныя каштоўнасці, адказнасць за свае ўчынкі... Апошні раман "Миг бесконечности", які Наталля Батракова прэзентавала на XIX Мінскай Міжнароднай выставе-кірмашу, стаў самай прадаваемай мастацкай кнігай Беларусі ў 2012 г. У ім пісьменніца апавядае аб сямейных каштоўнасцях, прафесійнай этыцы, аб тым, што за ўсе нашы справы і ўчынкі прыходзіцца спаўна адказваць. Па выніках прафесійнага конкурсу "Брэнд года – 2012", які праводзіўся ў Беларусі (25 студзеня 2013 г.), Наталля Батракова стала брэнд-персонай 2012 г. у намінацыі "Культура". Першай кнігай аўтара стаў зборнік вершаў "Состояния души", які пабачыў свет у 2000 г., затым зборнік "Сто сорок жизненных мгновений" (2004). Наталля Мікалаеўна падтрымлівае творчыя сувязі з былым аднакласнікам, музыкантам і кампазітарам Юрасем Несцярэнка, выконвае песні на ўласныя вершы. Адна з іх – "Подарите себе роман". Пісьменніца з задавальненнем сустракаецца з прыхільнікамі свайго таленту, адгукаецца на любыя прапановы аб правядзенні творчых сустрэч або прэзентацый.
Спіс асобна выдадзеных кніг і зборнікаў:		"Состояния души" (Мінск, 2000) "Территория души. Книга 1" (Мінск, 2001) "Территория души. Книга 2" (Мінск, 2001) "Сто сорок жизненных мгновений" (Мінск, 2004) "Площадь согласия. Книга 1" (Мінск, 2005) "Площадь согласия. Книга 2" (Мінск, 2005) "Я играю не по правилам…" (Мінск, 2009) "Миг бесконечности" (Мінск, 2012) "Экстрасистолы любви" (Мінск, 2014) Площадь Согласия. Кн. 1 (2014) Возвращение любви. Кн. 2 (2015) Миг бесконечности. Сага о любви. Книга 1 (2015) Миг бесконечности. Книга 2. Волшебный свет любви (2016) Миг бесконечности 2. Бесконечность любви, бесконечность печали. Книга первая (2016) "Территория души. Книга 1" (2018) "Территория души. Книга 2" (2018) Миг бесконечности 2. Бесконечность любви, бесконечность печали. Книга вторая (2019)
Звесткі пра публікацыі ў зборніках, перыядычных выданнях:
Крыніцы інфармацыі:		Бялыніччына : краязнаўчы энцыклапедычны даведнік / уклад. М. Карпечанка. – Мінск : Выдавец Віктар Хурсік, 2011. – С. 20. Гаврилюк, Л. Наталья Батракова: "Я люблю сильных людей" / Л. Гаврилюк // Аргументы и факты в Белоруссии. – 2005. – 13 апреля. – № 15. Грибайлова, Е. Презентация романа землячки : [В Белыничах состоялась презентация новой книги "Миг бесконечности" с участием автора Натальи Батраковой] / Елена Грибайлова // Могилёвские ведомости. – 2012. – 13 ноября. – С. 7. Клімаў, А. Тэрыторыя Батраковай : [Наталля Батракова на Бялыніцкай зямлі] / Алег Клімаў // Культура. — 2017. — 22 красавіка. — С. 1, 10. Кривец, Н. На новый роман Батраковой ажиотажный спрос: [О романе белорусской писательницы "Миг бесконечности"] / Наталия Кривец // Комсомольская правда. – 2012. – 11 февраля. – С. 5. Кривец, Н. Писательница Наталья Батракова: "Научите мужа разговаривать с вами – и будет счастье!" : [Интервью с Натальей Батраковой] / Наталия Кривец // Комсомольская правда. – 2010. – 3 марта. Паўлючэнка, В. Наталля Батракова : у адпачынак – з чамаданам кніг : [Аб ролі кнігі ў жыцці зямлячкі] / Вольга Паўлючэнка // Літаратура і мастацтва. – 2011. – 8 красавіка. – № 14. – С. 1. Пепеляев, В. Наталья Батракова в предчувствии хеппи-энда / В. Пепеляев // Беларусь сегодня. – 2007. – 19 июля. – №45. Попко, О. Счастье – это любовь, а любовь – это двое: [О романах Н. Батраковой "Территория души" и "Площадь согласия"] / Ольга Попко // Нёман. – 2012. – № 3. – С. 175–176. Цалавальнікава, С. Паэт, празаік і бізнес-лэдзі : [Прайшла прэзентацыя новай кнігі Наталлі Батраковай "Миг бесконечности"] / Святлана Цалавальнікава // Зара над Друццю. – 2012. – 3 лістапада. – С. 1.