Таленты ад роднай зямлi

Пошук персаналiй		Геаграфiчны пошук


Імя на беларускай мове:		Пісьмянкоў Алесь Уладзіміравіч
Гады жыцця, месца нараджэння:		(25.02.1957, в. Бялынкавічы, Касцюковіцкі раён, Магілёўская вобласць – 23.04.2004).
Творчая накіраванасць, тэматычны жанр:		Паэт, эсэіст.
Звесткі аб званнях, узнагародах:		Член СП Беларусі (1984), лаурэат прэміі Ленінскага камсамола Беларусі (1988), лаўрэат Літаратурнай прэміі імя А. Куляшова (1998), лаўрэат прэміі "Залаты апостраф" (2004, пасмяротна).

Дадатковая інфармацыя (націсніце для паказу/скрывання)

Імя на рускай мове:		Письменков Александр Владимирович
Псеўданімы:		Алесь
Творчасць:		Алесь Уладзіміравіч Пісьмянкоў – беларускі паэт, эсэіст. Нарадзіўся ў вёсцы Бялынкавічы, вучыўся ў Бялынкавіцкай сярэдняй школе. Асаблівы ўплыў на Алеся аказаў настаўнік мовы і літаратуры А. Нікіценка, які ў час вучобы ў Смаленску неаднойчы сустракаўся з А. Твардоўскім і М. Ісакоўскім. А. Пісьмянкоў пачаў пісаць вершы яшчэ ў школе. Першы верш надрукаваны ў 1972 г. у касцюковіцкай раённай газеце "Сцяг камунізму". У абласным і рэспубліканскім друку выступае з 1974 г. Пасля школы, у 1974-1975 гг. працаваў карэспандэнтам касцюковіцкай раённай газеты "Сцяг камунізму". Тады ж асабіста пазнаёміўся з А. Пысіным, які прыязджаў на сустрэчу з членамі раённага літаб’яднання.У 1975 г. паступіў на беларускае аддзяленне філалагічнага факультэта БДУ, якое скончыў у 1980 г. Член Саюза пісьменнікаў Беларусі з 1984 г. У 1990 г. абраны сакратаром Саюза. Працуе ў часопісе "Полымя" намеснікам галоўнага рэдактара, галоўным рэдактарам "ЛіМ" (1999-2002). У 2002 г. перайшоў у рэдакцыю часопіса "Вожык" (2002-2004). Яго вершам характэрна рамантычная ўзнёсласць, імкненне лірычнага героя да дабрыні, добразычлівае стаўленне да чалавека. Адначасова паэт поўны непрымірымасці да чэрствасці, абыякавасці, душэўнай глухаты. Пісаў казкі для дзяцей: "Заўзятары" (1993), "Ласуны- веселуны" 1997). У 2012 г. выйшаў зборнік выбраных твораў "Не знікай". Імя А. Пісьмянкова прысвоена Касцюковіцкай дзіцячай бібліятэцы.
Спіс асобна выдадзеных кніг і зборнікаў:		"Белы камень" (Мінск, 1983) "Чытаю зоры" (Мінск, 1988) "Планіда" (Мінск, 1994) "Журавель над студняй" (Мінск, 1998) "Я не памру, пакуль люблю" (Мінск, 2000) "Думаць вершы" (Мінск, 2005) "Не знікай" (Мінск, 2012)
Звесткі пра публікацыі ў зборніках, перыядычных выданнях:
Крыніцы інфармацыі:		Беларускія пісьменнікі : біябібліяграфічны слоўнік : у 6 т. – Мінск, 1995. – Т. 5. – С. 27–28. Беларускія пісьменнікі (1917-1990) : даведнік. – Мінск : Мастацкая літаратура,1994. – С. 435–436. Беларуская энцыклапедыя: у 18 т. – Мінск, 2001. – Т. 12. – С. 390. Бельскі, А. Галасы і вобразы : літаратурна-крытычныя артыкулы / Алесь Бельскі. – Мінск : Литература и Искусство, 2008 – С. 144–157. "Да неба звернуты мой голас..." : успаміны сяброў пра Алеся Пісьмянкова / уклад. Н.Я. Гальпяровіч, А.М. Зэкаў. — Мінск: Выдавец Зміцер Колас, 2018. — 100 с. Памяць : Касцюковіцкі раён : гісторыка-дакументальныя хронікі гарадоў і раёнаў Беларусі. – Мінск, 2000. – С. 420. Пісьменнікі Магілёўшчыны : біяграфічны паказальнік. – Магілёў. – 1993. – С. 178.