Таленты ад роднай зямлi

Пошук персаналiй		Геаграфiчны пошук


Імя на беларускай мове:		Фамін Уладзімір Аўрамавіч
Гады жыцця, месца нараджэння:		(20.05.1935, в. Старынка, Мсціслаўскі раён, Магілёўская вобласць – 14.10.1994).
Творчая накіраванасць, тэматычны жанр:		Паэт, празаік, філосаф, кандыдат філасофскіх навук.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Фомин Владимир Аврамович
Псеўданімы:
Творчасць:		Фамін Уладзімір Аўрамавіч – беларускі філосаф, паэт, кандыдат філасофскіх навук. Закончыў Мсціслаўскае педагагічнае вучылішча (1953), аддзяленне журналістыкі Мінскай вышэйшай партыйнай школы (1964), аспірантуру Мінскага дзяржаўнага педагагічнага інстытута імя А.М. Горкага. Працаваў у рэдакцыях Быхаўскай і Шклоўскай раённых газет, загадчыкам аддзела прапаганды і агітацыі Ленінскага райкама партыі г. Мінска. Выкладаў у Мінскім інстытуце культуры, у 1980 г. – дэкан бібліятэчнага факультэта. Друкаваўся ў часопісах "Маладосць", у газетах "Літаратура і мастацтва", "Чырвоная змена". У 1972 г. выдаў зборнік вершаў "Падслухаў сэрца". У. Фамін спрабаваў свае сілы ў жанры паэмы. Напісаў цікавы твор "Балада пра жалезны батальён", у аснову якога пакладзена гераічнае змаганне міліцэйскага батальёна пад камандаваннем капітана К. Уладзімірава пад Магілёвам у ліпені 1941 г. з фашыстамі. Амаль усе байцы і камандзір загінулі, але памяць пра іх подзвіг жыве ў сэрцы народа. Актыўна працаваў у галіне сатыры. У 1982 г. выйшаў яго сатырычны зборнік "Калі ласка, – на святло!" Паэт накіроўваў трапныя стрэлы ў бок бюракратаў, абібокаў, дармаедаў, прайдзісветаў, выпівох, балбатуноў. Сатырай прасякнуты вершы "Падмочаны", "Запрацаваліся", "Хадора-кантралёр". Асабліва ўдалыя карацелькі "Сумленны", "Сінхронныя думкі". Не абышоў сваёй увагай У. Фамін і прозу. Пісаў сатырычныя апавяданні, фельетоны, у якіх змагаўся з рознымі заганнымі з’явамі нашага жыцця. На словы У. Фаміна кампазітар Б. Віташнеў злажыў песню "Беларусь" ("Глядзішся ў блакітныя азёры"). Паэт часта выступаў па радыё з навуковымі паведамленнямі, з вершамі. Жыццё яго трагічна абарвалася 14 кастрычніка 1994 г.
Спіс асобна выдадзеных кніг і зборнікаў:		"Падслухаў сэрца" (Мінск, 1972) "Калі ласка, – на святло" (Мінск, 1982)
Звесткі пра публікацыі ў зборніках, перыядычных выданнях:
Крыніцы інфармацыі:		Пісьменнікі Магілёўшчыны : бібліяграфічны паказальнік / склад. Н. А. Новікава, А. А. Катлёнак. – Магілёў, 1993. – С. 220–221. Юрчанка, Г. Паэзіяй захоплены, навукай апантаны : Творчасць паэта У.А.Фаміна, ураджэнца в.Старынка // Святло Кастрычніка(Мсціслаў). – 1997.- 21 мая.