Таленты ад роднай зямлi

Пошук персаналiй		Геаграфiчны пошук


Імя на беларускай мове:		Левановіч Павел Антонавіч
Гады жыцця, месца нараджэння:		(03.11.1914, в. Мазалава, Мсціслаўскі раён, Магілёўская вобласць – 20.12.1943).
Творчая накіраванасць, тэматычны жанр:		Празаік, публіцыст.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Леванович Павел Антонович
Псеўданімы:
Творчасць:		Левановіч Павел Антонавіч нарадзіўся ў 1914 г. у в. Мазалава. Сярэднюю адукацыю атрымаў у Мсціславе ў так званай "бурдзілаўцы". Скончыў Беларускі дзяржаўны ўніверсітэт, геаграфічны факультэт. Першыя яго мастацкія творы з’явіліся ў друку ў 1934 г. Друкаваўся ў газетах "Чырвоная змена", "Звязда", "Літаратура і мастацтва", "Святло Кастрычніка", у часопісах "Полымя рэвалюцыі", "Іскры Ільіча". У апавяданні "На Сожы" малады празаік імкнуўся паказаць светапогляд, мысленне, моманты сталення новага чалавека. Найбольшы плён прынеслі яму апавяданні для дзяцей. У 1938 г. выйшаў з друку яго зборнік "Дружба". Пісьменнік паказаў сябе нядрэнным знаўцам дзіцячай псіхалогіі. Многія яго творы не страцілі пазнавальнага і выхаваўчага значэння і ў наш час. Часта выступаў П. Левановіч як публіцыст. Удзельнік вызвалення Заходняй Беларусі ў 1939 г. У перыяд Вялікай Айчыннай вайны змагаўся на фронце. Трапіў у палон, збег з Крычаўскага лагера ваеннапалонных, дапамагаў партызанам. З кастрычніка 1943 г. зноў на фронце ў радах Чырвонай арміі. Быў цяжка паранены, памёр у шпіталі ад ран. Яго імя ўвекавечана на мемарыяльнай дошцы, у назве вуліцы горада Мсціслава.
Спіс асобна выдадзеных кніг і зборнікаў:		"Дружба" (1938)
Звесткі пра публікацыі ў зборніках, перыядычных выданнях:		Аўтар крытычных артыкулаў у перыядычным друку
Крыніцы інфармацыі:		Беларускія пісьменнікі : біябібліяграфічны слоўнік : у 6 т. – Мінск, 1994. – Т. 3. – С. 25–26. Ішла вайна народная... : беларускія пісьменнікі ў Вялікай Айчыннай. – Мінск, 1991. – С. 401–404. Павел Левановіч : [беларускі пісьменнік, ураджэнец в. Мазалава Мсціслаўскага раёна] // Недаспяваныя песні : зборнік твораў паэтаў Беларусі, якія загінулі ў гады Вялікай Айчыннай вайны / уклад., аўт. прад. і біягр. давед. Алесь Бельскі. - Мінск, 2015. — С. 261. Пісьменнікі Магілёўшчыны : бібліяграфічны паказальнік. – Магілёў, 1993. – С. 145–146. Пісьменнікі Савецкай Беларусі. – Мінск, 1981. – С. 207. Сідарэнка, Л. Павел Левановіч — паэт і празаік : [ураджэнец в. Мазалава Мсціслаўскага раёна] / Л. Сідарэнка // Святло Кастрычніка (Мсціслаў). - 2017. — 25 кастрычніка. — С. 3 : фота. Энцыклапедыя літаратуры і мастацтва Беларусі : у 5 т. – Мінск, 1986. – Т. 3. – С. 211.