Таленты ад роднай зямлi

Пошук персаналiй		Геаграфiчны пошук


Імя на беларускай мове:		Шашалевіч Андрэй Антонавіч (Андрэй Мрый)
Гады жыцця, месца нараджэння:		(1893 в. Палуж, Краснапольскі раён, Магілёўская вобласць – 08.10.1943).
Творчая накіраванасць, тэматычны жанр:		Пісьменнік.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Шашалевич Андрей Антонович
Псеўданімы:		Андрэй Мрый
Творчасць:		Літаратурную дзейнасць Андрэй Мрый пачынаў з газетных нататак, прысвечаных розным падзеям і здарэнням з добра знаёмага яму вясковага жыцця. Займаўся тэатральнай самадзейнасцю, краязнаўчай працай. Актыўна супрацоўнічаў з часопісам "Наш край". Першы раз А. Мрыя арыштавалі ў 1934 г. Ён спаўна зведаў тры гады лагернага жыця: два гады знаходзіўся ў адміністрацыйнай высылцы ў Валагодскай вобласці, працаваў у леспрамгасе, а затым у 1938 г. яму дазволілі забраць сям’ю, з якой жыў у Мурманскай вобласці. У 1940 г. ён быў у другі раз арыштаваны Мурманскім НКУС. На гэты раз, нягледзечы на беспадстаўныя абвінавачванні, Маскоўская спецыяльная калегія за "удзел у антысавецкіх арганізацыях" прыгаварыла яго да 5 гадоў пазбаўлення волі. Усё створанае ў высылцы – раман "Жывы дом", аповесці, навелы – было канфіскавана па суду. Выпушчаны з лагера Андрэй Мрый не даехаў некалькі станцый дадому і памёр 8 кастрычніка 1943 г. Рэабілітаваны 6.01.1961 г. Творчасць А. Мрыя і для нашага часу застаецца з’явай жывой і актуальнай, аб чым сведчыць факт публікацыі яго твораў у часопісах "Полымя", "Маладосць","Беларусь", выданне рамана ў Маскве на рускай мове. Раман "Запіскі Самсона Самасуя" з’яўляецца вяршынным дасягненнем усёй савецкай сатырычнай прозы. Адметнасць яго – і ў абагульняючым размаху сатырычных карцін, і ў выбары самога аб’екта сатырычнага высмейвання, і ў разнастайнасці спалучэння сродкаў сатырычнай абмалёўкі персанажаў, сатырычных фарсаў, і ў глыбіні мастацкага спасціжэння сучаснага яму жыцця. Пры жыцці творы А. Мрыя асобнай кнігай не выдаваліся.
Спіс асобна выдадзеных кніг і зборнікаў:		"Творы" (Мінск, 1993) "Запіскі Самсона Самасуя" (2008)
Звесткі пра публікацыі ў зборніках, перыядычных выданнях:
Крыніцы інфармацыі:		Беларуская энцыклапедыя : у 18 т. – Мінск, 2000. – Т. 10. – С. 535. Беларускія пісьменнікі : бібліяграфічны слоўнік у 6 т. – Мінск, 1994. – Т. 4. – С. 334-335. Бугаёў, Дз. Дасягнутае і страчанае : жанрава-стылёвыя тэндэнцыі ў развіцці беларускай літаратуры 20 стагоддзя / Дз. Бугаёў // Полымя. – 1993. – № 12. – С. 229-248. З верай у духоўнае адраджэнне / Л. Лабаноўскі // Землякі : гісторыя Краснапольшчыны ў асобах. – Мазыр, 2004. – С. 205-209. Казлоў, А. Станаўленне А. Мрыя як сатырыка-раманіста / А. Казлоў // Роднае слова. – 2001. – № 9. – С. 11-12. Лабаноўскі, Л. В. Краснаполле : Тэатр і час / Л. Лабаноўскі. – 2 выд., перапрац. i дап. – Краснаполле, 2002. – 184 с., іл. Лабаноўскі, Л. Землякі : гісторыя Краснапольшчыны ў асобах / Л. Лабаноўскі. – Мазыр, 2004. – С. 205-209. Лецка, Я. Празорлівасць мастака / Лецка, Я // Полымя. – 1990. – № 5. – С. 228-239. Маракоў, Л. Вядомы пад псеўданімам А. Мрый : Лёс пісьменніка / Л. Маракоў // Роднае слова. – 2001. – №9. – С. 97-102. Назараў, В. Андрэй Мрый – збіральнік лексікі і фальклору / Валерый Назараў // Роднае слова. – 2013. – № 8. – С. 31-33. Назараў, В. Мрый – публіцыст / Валерый Назараў // Маладосць. – 2013. – № 8. – С. 106-111. Назараў, В. Андрэй Мрый : вобраз савецкай улады / Валерый Назараў // Роднае слова. – 2013. – № 10. – С. 7-10. Памяць : гісторыка-дакументальная хроніка Краснапольскага раёна / Л. Лабаноўскі. – Мiнск, 2001. – С. 492-493. Прушынская, Н. Новыя звесткі да біяграфіі пісьменніка А. Мрыя (Андрэя Шашалевіча) / Н. Прушынская // Кантакты і дыялогі. – 2001. – № 11. – С. 5-9. Прушынская, Н. Вяртанне з ссылкі / Наталля Прушынская // Звязда. – 2013. – № 153. – 17 жніўня. – С. 4. Прушинская, Н. Андрей Мрый на Севере в ссылке / Наталья Прушинская // Неман. – 2013. – № 8. – С. 162-166. Республика Беларусь : энциклопедия : в 6 т. – Минск, 2008. – Т. 5. – С. 241. Энцыклапедыя лiтаратуры i мастацтва Беларусi : у 5 т. – Мiнск, 1987. – Т 3. – С. 672-673.