Таленты ад роднай зямлi

Пошук персаналiй		Геаграфiчны пошук


Імя на беларускай мове:		Скарынкін Іван Яфімавіч
Гады жыцця, месца нараджэння:		(26.11.1919, в.Тратнае, Клімавіцкі раён, Магiлёўская вобласць – ??.??.??).
Творчая накіраванасць, тэматычны жанр:		Паэт, празаік.
Звесткі аб званнях, узнагародах:		Член Саюза пісьменнікаў СССР (1985). Узнагароджаны ордэнамі Чырвонай Зоркi, Айчыннай вайны II ступенi, медалямi.

Дадатковая інфармацыя (націсніце для паказу/скрывання)

Імя на рускай мове:		Скоринкин Иван Ефимович
Псеўданімы:
Творчасць:		Іван Яфімавіч Скарынкін – паэт, празаік, член Саюза пісьменнікаў СССР з 1985 г. Нарадзіўся на Магілёўшчыне, працаваў літсупрацоўнікам дывізійнай газеты "Красный кавалерист", спецкарэспандэнтам газеты "Знамя победы" (Паўначная група войск), начальнікам аддзела газеты Беларускай ваеннай акругі "Во славу Родины", старшым рэдактарам выдавецтва "Беларусь". Выступаў у друку з мастацкімі творамі з 1950 г. (газета "Во славу Родины"). Аўтар кніг нарысаў "Завещано отцами", "О чем шумят сосны", аповесці "Право вести в бой", дакументальных аповесцей "Крепче стали", "Тугие ветры", "В дымке полигонной", "Резерв комбата". Асноўная тэматыка творчасці – мужнасць і гераізм у гады Вялікай Айчыннай вайны, мірныя будні савецкіх воінаў. У сваiх творах ён з зайздросным пастаянствам звяртаўся да мiнулага i сучаснага Савецкай Армii, апяваў яе ратныя подзвiгi, раскрываў праблемы мiрных будняў вайскоўцаў. Ведаючы армейскую рэчаiснасць, прафесiянальна здолеў стварыць цiкавыя вобразы радавых воiнаў, афiцэраў, у тым лiку i свайго земляка – генерала армii I. I. Гусакоўскага.
Спіс асобна выдадзеных кніг і зборнікаў:		"Завещано отцами" (Минск, 1974) "Крепче стали" (Минск, 1978) "О чем шумят сосны" (Москва, 1980) "Право вести в бой" (Минск, 1980) "В дымке полигонной" (Минск, 1983) "Тугие ветры" (Москва, 1983) "Резерв комбата" (Минск, 1988)
Звесткі пра публікацыі ў зборніках, перыядычных выданнях:		Аўтар літаратурных артыкулаў у перыядычным друку
Крыніцы інфармацыі:		Беларускія пісьменнікі : біябібліяграфічны слоўнік : у 6 т. – Мінск, 1995. – Т. 5. – С. 357. Глуздов, Н. В попутчиках – муза и музыка / Николай Глуздов // Родная ніва. – 2014. – 8 чэрвеня. – С. 3. Лапо, I. М. Героі кніг – людзі вайны / Іван Лапо // Родная ніва. – 1994. – 10 снежня. – С. 2. Минченко, М. Юбилей нашего земляка / М. Минченко // Родная нiва. – 1999. – 27 лiстапада. – С. 2. Памяць : гiсторыка-дакументальная хроніка Клімавіцкага раёна / [галоўны рэдактар У. І. Лемяшонак]. – Мінск,1995. – С. 630. Энцыклапедыя літаратуры і мастацтва Беларусі : у 5 т. – Мінск, 1987. – Т. 5. – С. 18. Эверс, Д. Ваенны карэспандэнт / Дар’я Эверс // Родная ніва. – 2014. – 26 лістапада. – С. 2.