Таленты ад роднай зямлi

Пошук персаналiй		Геаграфiчны пошук


Імя на беларускай мове:		Пруднікаў Павел Іванавіч
Гады жыцця, месца нараджэння:		(14.07.1911, в. Стары Дзедзін, Клiмавiцкі раён, Магiлёўская вобласць – 16.03. 2000, г. Мінск).
Творчая накіраванасць, тэматычны жанр:		Паэт, празаік, нарысiст.
Звесткі аб званнях, узнагародах:		Член Саюза пісьменнікаў Беларусі (1971). Заслужаны работнiк культуры Беларусi (1992), узнагароджаны прэміяй Федэрацыі прафсаюзаў Беларусі за кнігу "За калючым дротам" (1995).

Дадатковая інфармацыя (націсніце для паказу/скрывання)

Імя на рускай мове:		Прудников Павел Иванович
Псеўданімы:		П. Буравей, Паўлюк Буравей
Творчасць:		Павел Iванавiч Пруднiкаў – беларускі савецкі паэт, празаік. Нарадзіўся на Магілёўшчыне, працаваў шахцёрам у Данбасе, рабочым на будоўлях Беларусі, старэйшым рэдактарам часопіса "Служба быту Беларусі". Стрыечны брат паэта Алеся Пруднікава. Быў рэпрэсаваны, адбываў тэрмін у ГУЛАГах Далёкага Усходу і Поўначы. У 1945 г. атрымаў вызваленне. У 1956 г. рэабілітаваны. Першы верш "На вакацыi" надрукаваў у 1930 г. у газеце "Пiянер Беларусi". У 1932 г. выйшла першая кнiга яго вершаў "Песнi грузчыкаў" у суаўтарстве. Асноўны яе лейтматыў – услаўленне ўдарнай працы, працоўнага энтузiязму. Яго раннiм вершам уласцiва патэтыка заклiкаў, лозунгавасць. Пасля доўгага вымушанага перапынку зноў пачаў друкавацца ў 1959 г. Аўтар зборнiкаў паэзii "Час майго нараджэння", "Прысады", "Мая магiстраль", "Заасцер’е", "Заранка", "Познiя ягады". Працоўныя буднi савецкiх людзей, гераiчнае мiнулае краiны, трывога за мiр на зямлi – такiя асноўныя матывы вершаў П. Пруднiкава. Яны вызначаюцца традыцыйным рытмiка-iнтанацыйным ладам, напеўнасцю, у некаторых вершах адчуваецца ўплыў паэтыкi Я. Купалы. Значнае месца ў яго творчасцi заняла тэма сталiнскiх рэпрэсiй (паэма "Таймыр", напiсаная ў 1975-1987 гг., аповесцi "Яжовыя рукавiцы" (1989), "Пекла" (1991). Дарожны нарыс "Па знаёмых пякучых сцежках" напісаны пасля наведвання месцаў зняволення ў ваколіцах Улан-Удэ. Аўтар успамінаў пра Я. Коласа, З. Бядулю, А. Александровіча, А. Пруднікава, К. Грыневіча, нарысаў, публiцыстычных артыкулаў, рэцэнзій. На вершы П. Пруднiкава "Першамайская" i "У паходы" напiсаў песнi Ю.Семяняка.
Спіс асобна выдадзеных кніг і зборнікаў:		"Песні грузчыкаў" / у суаўтарстве з Я. Субачом (Мінск, 1932) "Час майго нараджэння" (Мінск,1968) "Прысады" (Мінск, 1979) "Мая магiстраль" (Мінск, 1981) "Заасцер’е" (Мінск, 1986) "Заранка" (Мінск, 1987) "Далёкае, але не забытае" (Мінск, 1988) "Познiя ягады" (Мінск, 1990) "Крынiцы" (Мінск, 1991) "За калючым дротам" (Мінск, 1993) "Пароша" (Мінск, 1996)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Аношкiн, I. Паэт складанага лёсу / Іван Аношкін // Магiлёўская праўда. – 1991. – 13 лiпеня. Базарэвiч, М. Ад родных нiў / М. Базарэвіч // Родная нiва. – 1996. – 27 лiпеня. Клімавіцкія краязнаўчыя чытанні : зборнік матэрыялаў. –Вып. 2. – Клімавічы, 2006. – С. 13. Кухараў, П. У творчай дарозе / П. Кухараў // Настаўніцкая газета. – 1991. – 13 лiпеня. Маракоў, Л. Праз сорак смерцяў / Л. Маракоў // ЛiМ. – 2000. – 28 красавiка. – С. 14-15. Марцiновiч, А. Вёрстамi любвi i нянавiсцi / А. Марціновіч // ЛiМ. – 1991. –19 лiпада. – С. 13. Марцiновiч, А. Ёсць гусiнае возера… / А. Марціновіч // Родная нiва. – 2001. – 15 верасня. – С. 2. Садоўская, Ю. А шлях пачынаўся з вёскi Стары Дзедзiн / Ю. Садоўская // Новае жыццё. – 1986. – 15 лiпеня. Сталяроў, I. Сёння беларускаму паэту Паўлу Пруднiкаву – 70 год / І. Сталяроў // Новае жыццё. – 1981. – 14 лiпеня. – С. 4. Сэрвач, Р. “Я стаміўся. Даруй мне, Радзіма…” / Раман Сэрвач // Літаратура і Мастацтва. — 2021. — № 28. — С. 8 : фота. Хадыка, К. Знікне з душ чалавечых граніт... / Кастусь Хадыка // Звязда. — 2021. — 17 ліпеня. — С. 8. Шведава, Л. Наш Павел Пруднікаў / Людміла Шведава // Родная ніва. – 2016. – 13 ліпеня. – С. 2.