Таленты ад роднай зямлi

Пошук персаналiй		Геаграфiчны пошук


Імя на беларускай мове:		Шкірманкоў Фелікс Уладзіміравіч
Гады жыцця, месца нараджэння:		(27.05.1926, г. Слаўгарад, Магілёўская вобласць – 4.01.2021)
Творчая накіраванасць, тэматычны жанр:		Паэт, празаік, публіцыст.
Звесткі аб званнях, узнагародах:		Член Саюза пісьменнікаў Беларусі (2007). Узнагароджаны ордэнам Чырвонага Сцяга, двума ордэнамі Айчыннай вайны І ступені, медалямі "За адвагу", "Партызану Айчыннай вайны" І ступені, "За Перамогу над Германіяй".

Дадатковая інфармацыя (націсніце для паказу/скрывання)

Імя на рускай мове:		Шкирманков Феликс Владимирович
Псеўданімы:
Творчасць:		Фелікс Уладзіміравіч Шкірманкоў – паэт, празаік, публіцыст, член Саюза пісьменнікаў Беларусі (2007), удзельнік Вялікай Айчыннай вайны. Нарадзіўся ў Слаўгарадзе ў сям’і служачага. Скончыў у Магадане курсы тэхнікаў-геолагаў (1952), горны факультэт Усесаюзнага завочнага інстытута горада Масквы (1972). З 1951 г. працаваў геолагам, начальнікам геолагаразведачнай партыі на Калыме, паўвостраве Чукотка, узбярэжжы Ахоцкага мора (Расія). У 1979 г. вярнуўся на радзіму. У 1989 г. абраны старшынёй грамадскай камісіі па праблемах Чарнобыльскай катастрофы. Працаваў загадчыкам аддзела ў раённай газеце "Ленінскае слова" (1989—1990). У 1991—1995 гг. – старшыня Слаўгарадскага гарадскога Савета дэпутатаў. Друкавацца Ф.У. Шкірманкоў пачаў у часопісах "Полымя" і "Нёман", штотыднёвіку "Літаратура і мастацтва". У 1990 г. у выдавецтве "Юнацтва" выйшла кніжка апавяданняў для дзяцей "Кто обидел медведя?" (на рускай мове). У сакавіку 1995 г. да 50-годдзя Вялікай Перамогі ў выдавецтве "Беларусь" выйшла дакументальная аповесць "Выпрабаванне" аб баявой дзейнасці партызанскай брыгады імя Л.М. Даватара ў гады Вялікай Айчыннай вайны. У чэрвені 2004 г. у Магілёўскай абласной тыпаграфіі імя С. Собаля выйшла першая маленькая кніжачка вершаў для дзяцей малодшага школьнага ўзросту на беларускай мове "Незвычайны каляндар". Далей былі кнігі прозы і паэзіі. Усяго выдадзена дваццаць кніг. У сваіх творах Ф. У. Шкірманкоў не шукае нейкія надзвычай арыгінальныя, модныя зараз тэмы. У яго пільным паэтычным зроку заўсёды знаходзяцца самыя звычыйныя людзі – вяскоўцы, жыхары мястэчак, невялікіх беларускіх гарадоў. Суайчыннікаў ён паказвае ў сям’і, на працы, у краме і аптэцы, у вулічнай мітусні. З вялікай замілаванасцю піша аўтар пра беларускіх жанчын – бабуль, маці, сясцёр, каханых, якія сваёй непаўторнай прыгажосцю, неймавернай цярплівасцю, трываласцю, выключнай сардэчнасцю, душэўнасцю трымаюць на плыву само айчыннае жыццё, цягнуць нітачку нашага роду ў Вечнасць. У вершах Ф. У. Шкірманкова маецца грамадзянская, патрыятычная перакананасць, шчаслівы сплаў думкі і споведзі, спагадлівая душэўная цеплыня, вясёлыя інтанацыі, дабразычлівы гумар, а ў цэлым – ненавязлівы, надзвычай неабходны сёння нашаму грамадству гуманістычны і аптымістычны пафас.
Спіс асобна выдадзеных кніг і зборнікаў:		"Кто обидел медведя?" (Минск, 1990) "Выпрабаванне" (Мінск, 1995) "Незвычайны каляндар" (Магілёў, 2004) "Через годы, через расстояния…" (Могилев, 2005) "Існасць" (Мінск, 2006) "У костра своей осени…" (Минск, 2007) "Тропою мамонтов" (Минск, 2007) "С нами надежда и вера" (Минск, 2008) "Папараць-кветка" (Мінск, 2009) "Так вижу…" (Минск, 2009) "Пераэкзаменоўка на восень" (Мінск, 2009) "Захоўваць вечна" (Мінск, 2010) "Между двух океанов" (Минск, 2010), сумесна з Н. Н. Незнанавым "Дажынкі" (Мінск, 2011) "Ты рядом – значит я живу" (Минск, 2011) "Понемногу о многом" (Мінск, 2012) "Пад прысягай сумленню" (Мінск, 2012) "Тет-а-тет" (Минск, 2012) "Контрольный маршрут" (Минск, 2013) "Нацянькі" (Мінск, 2013) "Смотрю, Слушаю, размышляю… " (Минск, 2014) "Нашчадкам" (Минск, 2015) "Без макіяжу" (Мінск, 2015) "Я вам дарю" (Мінск, 2016) "Сяброўскі дуэт" (Мінск, 2017) "Ты осталась со мной…" (Минск, 2017) "Услышь меня" (Минск, 2017)
Звесткі пра публікацыі ў зборніках, перыядычных выданнях:
Крыніцы інфармацыі:		Аксинина, А. Фронтовик, геолог, поэт : [биография Ф. В. Шкирманкова] / Анастасия Аксинина, Татьяна Скользаева // Магілёўскія ведамасці. — 2010. — 8 мая. — С. 9. Байвер, Б. … И уроки жизни : [тёплые слова о творчестве Ф. В. Шкирманкова] / Б. Байвер // Прысожскі край. — 2013. — 6 снежня. — С. 4. Выдатныя юбілеі і такія ж выдатныя юбіляры : метадычныя рэкамендацыі да юбілеяў пісьменнікаў-землякоў / Слаўгарадская бібліятэчная сетка, Цэнтральная раённая бібліятэка, Аддзел бібліятэчнага маркетынгу ; [складальнік Н. Ф. Куратава]. — Слаўгарад, 2001. — 20 с. Гарадзецкая, Д. Цікавая сустрэча : [аб вечары-сустрэчы з Ф. У. Шкірманковым на базе Слаўгарадскага прафесійнага ліцэя № 3] / Д. Гарадзецкая // Прысожскі край. — 2006. — С. 2. Езерская, В. І у горы, і у радасці – разам : [пра сям’ю пісьменніка-земляка Ф. У. Шкірманкова] / В. Езерская // Ленінскае слова. — 1999. — 29 верасня. — С. 2. Езерская, В. "Нет, не стереть из памяти годам…" : [выход сборника Ф. В. Шкирманкова "Через годы, через расстояния…"] / В. Езерская // Ленінскае слова. — 2005. — 14 верасня. — С. 3. Гимн есть! : [произведение "Слаўся, Слаўгарад!" Феликса Шкирманкова стало официальным гимном города Славгорода Могилевской области по итогам районного конкурса] // Прысожскі край. — 2016. — 25 лістапада. — С. 1. Законнікаў, С. Шукальнік ісціны : [уступнае слова да кнігі Ф. У. Шкірманкова "Існасць"] / Сяргей Законнікаў // Існасць : вершы / Ф. У. Шкірманкоў. — Мінск : Чатыры чвэрці, 2006. — С. 3—6. Колеснёва, И. Н. Земляк презентовал сборник : [презентация книги Ф. В. Шкирманкова "Ты рядом – значит я живу"] / И. Н. Колеснёва // Прысожскі край. — 2012. — 17 лютага. — С. 5. Кудлаеў, К. Бацькаў дар : [аб лёсе У. І. Шкірманкова і яго сына Фелікса] // Зямля і людзі. —1993. — 15 студзеня. — С. 6. Лихачева, Л. В библиотеку не только за книгой… : [на базе детской библиотеки г. Славгорода, прошло литературное знакомство "Зямля мая, журба мая, маё каханне" посвященное писателям-землякам: Д. П. Могдалеву, Ф. В. Шкирманкову, В. И. Кузменкову юбилярам года ] / Любовь Лихачева // Прысожскі край. — 2016. — 11 лістапада. — С. 9. Нямцова, А. "Дар ад бога мілагучны…" : [аб мерапрыемстве, якое прайшло у цэнтральнай бібліятэцы, прымеркаванае юбілею паэта-земляка Ф. У. Шкірманкова] / Аксана Нямцова // Прысожскі край. — 2016. — 27 мая. — С. 8. Проніна, В. У творчым арсенале папаўненне : [выхад новай кнігі Ф. У. Шкірманкова "Понемногу о многом"] / В. Проніна // Прысожскі край. — 2012. — 3 лютага. — С. 9. Творчага гарэння і надалей : [да 80-годдзя Ф. У. Шкірманкова] // Ленінскае слова. — 2006. — 27 мая. — С. 2. Уладзімірава, В. Дарога працягам у 65 год : [аб цырымоніі вянчання сям’і Шкірманковых] / В. Уладзімірава // Прысожскі край. — 2014. — 1 жніўня. — С. 3. Уладзімірава, В. "Так вижу…" : [выхад зборніка вершаў Ф. У. Шкірманкова] / В. Уладзімірава // Прысожскі край. — 2009. — 5 снежня. — С. 3. Шкірманкоў Фелікс Уладзіміравіч : [біяграфія] // Памяць : гісторыка-дакументальная хроніка Слаўгарадскага раёна. — Мінск : Белта, 1999. — С. 526. Шкірманкоў Фелікс Уладзіміравіч : [біяграфія] // Пісьменнікі Магілёўшчыны : бібліяграфічны паказальнік. — Магілёў, 1993. — С. 239—240. Шчаслівы лёс пісьменніка : [біяграфія Ф. У. Шкірманкова] // Ленінскае слова. — 1996. — 25 мая. — С. 2. Юбілеі : [біяграфія і падборка вершаў да 75-годдзя Ф. У. Шкірманкова] // Ленінскае слова. — 2001. — 26 мая. — С. 2. Я – за радыкальныя меры : [Ф. Шкірманкоў аб сабе] // Ленінскае слова. — 1990. — 25 студзеня. — С. 2.