Таленты ад роднай зямлi

Пошук персаналiй		Геаграфiчны пошук


Імя на беларускай мове:		Рубанаў Уладзіслаў Якаўлевіч
Гады жыцця, месца нараджэння:		(15.12.1952, в. Аляксандраўка-1, Слаўгарадскі раён, Магілёўская вобласць – 21.07.1994, пахаваны ў Мінску).
Творчая накіраванасць, тэматычны жанр:		Празаік
Звесткі аб званнях, узнагародах:		Член Саюза пісьменнікаў Беларусі (1982), лаўрэат літаратурнай прэміі Саюза пісьменнікаў Беларусі імя І. Мележа (1990).

Дадатковая інфармацыя (націсніце для паказу/скрывання)

Імя на рускай мове:		Рубанов Владислав Яковлевич
Псеўданімы:
Творчасць:		Уладзіслаў Якаўлевіч Рубанаў – празаік, член Саюза пісьменнікаў Беларусі. Нарадзіўся ў в. Аляксандраўка-1 Слаўгарадскага раёна ў сям’і настаўніка. Скончыў Аляксандраўскую васьмігодку, Слаўгарадскую СШ (1970), факультэт журналістыкі БДУ (1970-1975). У друку з 1972 г. З 1975 г. працаваў карэспандэнтам, адказным сакратаром старадарожскай раённай газеты "Поступ Кастрычніка", з 1978 г. – у аддзеле прозы часопіса "Полымя", з 1986 г. – загадчык рэдакцыі прозы выдавецтва "Мастацкая літаратура". Творчай працай У. Рубанаў пачаў займацца з 1976 г. Першая кніга апавяданняў і аповесцей "Вокны без фіранак" выйшла ў 1981 г. Потым "Пахі адталай зямлі" (1984), "Цёплы пух адуванчыкаў" (1987). За аповесць "Таямніца птушынага гнязда" У. Рубанаў атрымаў літаратурную прэмію Саюза пісьменнікаў Беларусі імя Івана Мележа ў 1990 г. Кніга "Светлы ручай любві" выйшла ў 1990 г., раман "Не аднойчы забіты" ў 1994 г. (Маладосць. 1994. — № 1-2). У сваіх творах У.Я. Рубанаў даследваў жыццё вёскі і горада, духоўны свет сучасніка, імкнуўся паказаць лепшыя традыцыі сялянскага побыту, сцвярджаў высокастаноўчыя рысы характару вяскоўцаў старэйшага пакалення: працавітасць, гаспадарлівасць, любоў і прыхільнасць да зямлі, прыроды. Пісьменнік адчуваў небяспеку духоўнага Чарнобыля ("Замах"), стварыў паэтычны вобраз Мінска ў аповесці "Каштаны". Творы празаіка перакладзены на рускую і ўкраінскую мовы.
Спіс асобна выдадзеных кніг і зборнікаў:		"Вокны без фіранак" (Мінск, 1981) "Пахі адталай зямлі" (Мінск, 1984) "Цёплы пух адуванчыкаў" (Мінск, 1987) "Таямніцы птушынага гнязда" (Мінск, 1989) "Светлы ручай любві" (Мінск, 1990) "Дзяўчына з начной кавярні" (Мінск, 1994) "Неаднойчы забіты" (Мінск, 1994) "Укус змяі" (Мінск, 2007)
Звесткі пра публікацыі ў зборніках, перыядычных выданнях:
Крыніцы інфармацыі:		Рубанов Владислав Яковлевич : [биографические сведения] // Республика Беларусь :энциклопедия : в 6 т. / редколлегия : Г. П. Пашков и др. — Минск : Беларуская Энцыклапедыя імя П. Броўкі, 2008. — Т. 6. Пейзаж – Снегирёв. — С. 517. Рубанаў Уладзіслаў Якаўлевіч : [біяграфічныя звесткі] // Беларуская энцыклапедыя : у 18 т. / рэдкалегія : Г. П. Пашкоў і інш. — Мінск : БелЭн, 2001. — Т. 13. Праміле – Рэлаксін. — С. 418. Рубанаў Уладзіслаў Якаўлевіч : [біяграфічныя звесткі] // Памяць : гісторыка-дакументальная хроніка Слаўгарадскага раёна. — Мінск : Белта, 1999. — С. 523. Рубанаў Уладзіслаў Якаўлевіч : [біяграфічныя звесткі] // Пісьменнікі Магілёўшчыны : бібліяграфічны паказальнік. — Магілёў, 1993. — С. 191—192. Рубанаў Уладзіслаў Якаўлевіч : [біяграфічныя звесткі] // Энцыклапедыя літаратуры і мастацтва Беларусі : у 5 т. Т. 4. Накцюрн – Скальскі / рэдкалегія : І. П. Шамякін і інш. — Мінск : БелСЭ, 1986. — С. 516.