Таленты ад роднай зямлi

Пошук персаналiй		Геаграфiчны пошук


Імя на беларускай мове:		Ракаў Віктар Афанасьевіч
Гады жыцця, месца нараджэння:		(22.01.1935 в. Целяшы, Слаўгарадскі раён, Магілёўская вобласць — 10.06.2000).
Творчая накіраванасць, тэматычны жанр:		Паэт
Звесткі аб званнях, узнагародах:		Член Саюза пісьменнікаў Беларусі з 1979 г. Узнагароджаны Граматай Вярхоўнага Савета БССР.

Дадатковая інфармацыя (націсніце для паказу/скрывання)

Імя на рускай мове:		Раков Виктор Афанасьевич
Псеўданімы:
Творчасць:		Ракаў Віктар Афанасьевіч нарадзіўся 22 студзеня 1935 г. у в. Целяшы Слаўгарадскага раёна ў сям’і калгаснікаў. Скончыў Целяшоўскую СШ (1953), фізіка-матэматычны факультэт Магілёўскага педінстытута (1958), Мінскую вышэйшую партыйную школу (1971). Настаўнічаў у Целяшоўскай (1958-1960), Рэчкаўскай (1960-1965) сярэдніх школах на Магілёўшчыне. Працаваў карэспандэнтам-арганізатарам Магілёўскага раённага радыёвяшчання (1965), загадчыкам сельскагаспадарчага аддзела шклоўскай раённай газеты "Ударны фронт" (1965-1969), літсупрацоўнікам газеты "Звязда" (1969-1975), рэдактарам аддзела публіцыстыкі часопіса "Полымя" (1975-1982). З 1982 г. – адказны сакратар часопіса "Полымя". Літаратурнай дзейнасцю пачаў займацца ў студэнцкія гады. Першы верш надрукаваў у газеце "Могилёвская правда" (1956). Паэзія В. Ракава прысвечана вёсцы, бацькоўскай зямлі, сялянскай працы (зборнікі "Вернасць", "Акно ў зялёны сад"). Піша пра пераемнасць пакаленняў ("Пазыўныя", "Песня і памяць", "І сноп, і птах, і я"), пра гераізм нашых людзей у гады Вялікай Айчыннай вайны, захапляецца прыгажосцю прыроды, кахання. Тэма любові да Радзімы, вернасці Магілёўшчыне, Прысожжу ("Жыць-палоць"). Пісаў таксама нарысы, крытычныя артыкулы, рэцэнзіі.
Спіс асобна выдадзеных кніг і зборнікаў:		"Вернасць" (Мінск, 1968) "Акно ў зялёны сад" (Мінск, 1972) "Пазыўныя" (Мінск, 1975) "Песня і памяць" (Мінск, 1979) "І сноп, і птах, і я…" (Мінск, 1983) "Жыць-палоць" (Мінск, 1995)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Гардзей, В. Голасам роднай зямлі : [творчасць В. Ракава] // Літаратура і мастацтва. — 1985. — 18 студзеня. — С. 13. Літаратары : [біяграфія і творчасць В. Ракава] // Памяць: гісторыка-дакументальная хроніка Слаўгарадскага раёна. — Мінск : Белта, 1999. — С. 522. Меджыдава, М. "Табе сэрца аддаць не магу..." : [да 80-годдзя з дня нараджэння пісьменніка-земляка Віктара Ракава, ураджэнца в. Целяшы Слаўгарадскага раёна] / М. Меджыдава // Прысожскі край (Слаўгарад). - 2015. — 30 студзеня. — С. 3: фота. Ракаў Віктар Афанасьевіч : [біяграфія і творчасць] // Беларуская энцыклапедыя : у 18 т. / гал. рэд. Г. П. Пашкоў. — Мінск, 2001. — Т. 13 : Праміле – Рэлаксін. — С. 279. Ракаў Віктар Афанасьевіч : [біяграфія і творчасць] // Беларускія пісьменнікі : бібліяграфічны слоўнік : у 6 т. / пад рэд. А. В. Мальдзіса. — Мінск : Беларуская энцыклапедыя імя Петруся Броўкі, 1995. — Т. 5 : Пестрак – Сяўрук. — С. 132. Ракаў Віктар Афанасьевіч // Энцыклапедыя літаратуры і мастацтва Беларусі : у 5 т. / рэд. кал.: І. П. Шамякін і інш. — Мінск : Беларуская энцыклапедыя П. Броўкі, 1986. — Т. 4 : Накцюрн – Скамскі. — С. 481.