Таленты ад роднай зямлi

Пошук персаналiй		Геаграфiчны пошук


Імя на беларускай мове:		Магдалёў Дзмітрый Пятровіч
Гады жыцця, месца нараджэння:		(02.02.1951, в. Жаролы, Слаўгарадскі раён, Магілёўская вобласць).
Творчая накіраванасць, тэматычны жанр:		Паэт
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Могдалёв Дмитрий Петрович
Псеўданімы:
Творчасць:		Магдалёў Дзмітрый Пятровіч нарадзіўся 2 лютага 1951 г. у вёсцы Жаролы Слаўгарадскага раёна. Скончыў Жарольскую пачатковую школу, Кулікоўскую васьмігодку і Слаўгарадскую СШ № 2. У 1968 г. паступіў у Пінскі гідрамеліярацыйны тэхнікум, пасля першага курса вучобы – служба ў радах Савецкай Арміі. Пасля заканчэння тэхнікума працаваў на розных участках работы, завочна скончыў гідрамеліярацыйны факультэт Горацкай сельскагаспадарчай акадэміі. Зараджэнне яго паэтычнай творчасці адбылося яшчэ ў дзяцінстве, дзякуючы той прыроднай прыгажосці і тым шчырым, добразычлівым людзям, якія жылі побач у родных Жаролах. Д. Магдалёў пачаў друкавацца ў 1980 г. у Краснапольскай раённай газеце "Чырвоны сцяг". Яго вершы з’явіліся і на старонках газет "Магілёўскія ведамасці", "Магілёўская праўда", "Ленінскае слова" і інш. Тэматыка яго вершаў вельмі разнастайная: родны край, родная прырода, каханне, сяброўства. У вершах аб вайне паэт разважае аб каштоўнасці чалавечага жыцця, выступае супраць злых намераў парушыць мір на зямлі. Пасля аварыі на Чарнобыльскай АЭС паэту прыйшлося пакінуць родныя мясціны і пераехаць на Кругляншчыну, якая стала яго другой Радзімай. У 1996 г. на свет з’явіўся зборнік вершаў круглянскіх паэтаў "Друцкія зарніцы", адным з суаўтараў якога быў і Дзмітрый Магдалёў. Прайшло не так шмат часу, і выйшла ў свет асабістая кніга вершаў "Зямля мая – журба мая, маё каханне…" У вершах "Чарнобыль – апошні ўрок", "Чарнобыльскі след", "Да20-годдзя Чарнобыльскай бяды" гучаць чарнобыльскія матывы. На верш "Зямлякам-чарнобыльцам" А. Бараноўскім была напісана песня, якую часта выконваюць самадзейныя артысты. У 2009 г. выйшаў зборнік "Я прочту, что на сердце написано", у які ўвашлі як новыя вершы, так і вершы з папярэдніх зборнікаў "Зямля мая, журба мая, маё каханне" і "Осенний первый привет".
Спіс асобна выдадзеных кніг і зборнікаў:		"Зямля мая – журба мая, маё каханне" (Магілёў, 1997) "Осенний первый привет" (Магілёў, 2007) "Я прочту, что на сердце написано" (Волгодонск, 2009)
Звесткі пра публікацыі ў зборніках, перыядычных выданнях:
Крыніцы інфармацыі:		Дзмітрый Магдалёў : [аўтабіяграфія] // Зямля мая – журба мая, маё каханне… : вершы / Дзмітрый Магдалёў. — Магілёў : Магілёўская абласная друкарня, 1997. — С. 3—6. Зямля мая – журба мая, маё каханне… : [біяграфія і творчасць Д. Магдалёва] // Ленінскае слова. — 1997. — 28 мая. — С. 3. Об авторе : [автобиография] // Я прочту, что на сердце написано / Дмитрий Могдалёв. — Волгодонск, 2009. — С. 3—6.