Таленты ад роднай зямлi

Пошук персаналiй		Геаграфiчны пошук


Імя на беларускай мове:		Кузьмянкоў Уладзімір Іванавіч
Гады жыцця, месца нараджэння:		(27.06.1936 в. Устаннае, Слаўгарадскі раён, Магілёўская вобласць – 2000).
Творчая накіраванасць, тэматычны жанр:		Празаік, публіцыст.
Звесткі аб званнях, узнагародах:		Член Саюза пісьменнікаў Беларусі з 1974 г. Кандыдат гістарычных навук. Узнагароджаны медалём, Ганаровай граматай і Граматай Вярхоўнага Савета БССР.

Дадатковая інфармацыя (націсніце для паказу/скрывання)

Імя на рускай мове:		Кузменков Владимир Иванович
Псеўданімы:
Творчасць:		Кузьмянкоў Уладзімір Іванавіч – беларускі празаік, публіцыст. Нарадзіўся ў в. Устаннае Слаўгарадскага раёна ў сям’і калгаснікаў. Пасля заканчэння Рабавіцкай СШ у 1955 г. працаваў у калгасе. У верасні 1955 г. прызваны ў Савецкую Армію. Служыў у ваенна-паветраных войсках. Пасля звальнення ў запас працаваў рознарабочым на будаўніцтве Ніжнерасцянскай ГЭС, адказным сакратаром казлоўшчынскай раённай газеты "Сцяг перамогі". У 1958 г. паступіў на аддзяленне журналістыкі БДУ, затым працаваў літсупрацоўнікам, загадчыкам аддзела, адказным сакратаром у рэдакцыі газеты "Чырвоная змена". З 1971 г. – адказны сакратар часопіса "Политинформатор и агитатор", з 1974 г. – загадчык аддзела, адказны сакратар рэдакцыі газеты "Звязда", з 1980 г. – рэдактар "Настаўніцкай газеты", з 1987 г. – намеснік галоўнага рэдактара часопіса "Беларуская мова і літаратура ў школе". Са снежня 1987 г. – старшы навуковы супрацоўнік Мінскай ВПШ, з 1991 г. – галоўны рэдактар газеты "Медицинский вестник". Першы нарыс У. Кузьмянкова надрукаваны ў газеце "Звязда". На старонках рэспубліканскага друку першыя апавяданні ("Бацька" і "Мікіта-чалавек") былі надрукаваны ў 1966 г. У 1972 г. выйшла яго першая кніга апавяданняў "Ішла вясна", дзе паказана пасляваеннае дзяцінства, станаўленне маладога чалавека. Выступаў са шматлікімі артыкуламі і нарысамі, прысвечанымі жыццю і працы нашай моладзі. У сваіх творах аддае перавагу надзённай тэматыцы, у натуральнай і даверлівай манеры апавядання пра шчырасць юнацкага пачуцця, пра светлае ў чалавечай душы. Яго кніга "Услаўляючы дружбу народаў" прысвечана праблемам міжнацыянальных адносін, эканамічнага і культурнага супрацоўніцтва. Жыве ў Мінску.
Спіс асобна выдадзеных кніг і зборнікаў:		"Ішла вясна" (Мінск, 1972) "Услаўляючы дружбу народаў"
Звесткі пра публікацыі ў зборніках, перыядычных выданнях:		Аўтар літаратурных артыкулаў
Крыніцы інфармацыі:		Кузьмянкоў Уладзімір : [біяграфія і творчасць] / Беларускія пісьменнікі : біябібліяграфічны слоўнік : у 3 т. / пад рэд. А. В. Мальдзіса. — Мінск : Беларуская энцыклапедыя імя П. Броўкі, 1994. — Т. 3 : Івашын-Кучар — С. 447—448. Кузьмянкоў Уладзімір : [творчасць] // Маладосць. — 1970. — № 2. — С. 160. Кузьмянкоў Уладзімір Іванавіч : [біяграфія і творчасць] // Памяць : гісторыка-дакументальная хроніка Слаўгарадскага раёна. — Мінск : Белта, 1999. — С. 520—521. Кузьмянкоў Уладзімір Іванавіч :[біяграфія і творчасць] // Энцыклапедыя літаратуры і мастацтва Беларусі : у 5 т. / рэдкалегія : І. П. Шамякін і інш. — Мінск : БелСЭ, 1986. — Т. 3 : Карчма – Найгрыш. — С. 152. Кудлаеў, К. Сейбіт культуры : [творчасць У. Кузьмянкова] / К. Кудлаеў // Магілёўская праўда. — 1986. — 16 жніўня.