Таленты ад роднай зямлi

Пошук персаналiй		Геаграфiчны пошук


Імя на беларускай мове:		Прыходзька Пётр Фёдаравіч
Гады жыцця, месца нараджэння:		(25.02.1920, в. Альшоў, Хоцімскі раён, Магілёўская вобласць – 30.11.2006, пахаваны ў Мінску).
Творчая накіраванасць, тэматычны жанр:		Паэт, перакладчык.
Звесткі аб званнях, узнагародах:		Член Саюза пісьменнікаў (1947). Лаўрэат Літаратурнай прэміі СП БССР імя А. Куляшова (1985) за зборнік "Парог памяці". Узнагароджаны двума ордэнамі Чырвонай Зоркі, двума ордэнамі Айчыннай вайны II ступені, медалямі.

Дадатковая інфармацыя (націсніце для паказу/скрывання)

Імя на рускай мове:		Приходько Пётр Фёдорович
Псеўданімы:
Творчасць:		Прыходзька Пётр Фёдаравіч – беларускі паэт і перакладчык, нарадзіўся на Хоцімшчыне ў сялянскай сям’і. У 1936 г. працаваў кіраўніком спраў Хоцімскага райкама камсамола. У гэтым жа годзе апублікаваў у хоцімскай раённай газеце "Калгасная звязда" свой першы верш. У рэспубліканскім друку дэбютаваў у 1937 г. вершам "Першы раз я пайду выбіраць" у газеце "Чырвоная змена". Пасля заканчэння Магілёўскай газетнай партыйнай школы (1938) – адказны сакратар Хоцімскай раённай газеты "Калгасная звязда". У 1939 г., пасля заканчэння Хоцімскай сярэдняй школы, паступіў у Камуністычны інстытут журналістыкі імя С.М. Кірава ў Мінску. Удзельнік Вялікай Айчыннай вайны. У пасляваенны час, з 1947 г., працаваў у акруговай газеце "Во славу Родины", іншых ваенных газетах. У першым зборніку вершаў і паэм "Голас сэрца" (1947 і ў наступных зборніках паэзіі — "Ранак над Эльбай", "Салдаты міру", "Цёплы каравай", "Калінавыя зоры", "Плацдарм", "Вішнёвы агонь" і інш., паэт зноў і зноў вяртаецца да перажытага на вайне. У 1956 г. скончыў Вышэйшыя літаратурныя курсы ў Маскве. Працаваў у часопісе "Беларусь" (1953-1954), газетах "Звязда" (1956-1957), "Літаратура і мастацтва" (1957-1961), на Мінскай студыі дакументальных фільмаў (1961-1966), у выдавецтвах "Беларусь" (1967-1972) і "Мастацкая літаратура" (1972-1980). Паэзія П. Прыходзька вельмі асабістая; ёй характэрна натуральнасць і шчырасць праяўлення пачуццяў, публіцыстычная страснасць, эмацыянальнасць, даверлівасць выказвання, хоць і не пазбаўлена яна некаторага налёту дэкларацыйнасці. Дзецям адрасаваны зборнікі: "Сустрэча з маленствам" (1967), "Сын камунара" (1973), "Каляка-маляка" (1981). Паводле народнага падання аб паходжанні назвы мястэчка Хоцімск стварыў паэму "Дар князёўны". Родным мясцінам прысвяціў паэму "3олак над Бесяддзю", многія іншыя творы. Займаўся перакладамі твораў паэтаў народаў СССР.
Спіс асобна выдадзеных кніг і зборнікаў:		"Голас сэрца" (Мінск, 1947) "Салдаты міру" (Мінск, 1951) "Ранак над Эльбай" (Мінск, 1952) "Пасля развітання" (Мінск, 1958) "Цёплы каравай" (Мінск, 1960) "Вішнёвы агонь" (Мінск, 1963) "Сонца раней узышло" (Мінск, 1967) "Сустрэча з маленствам" (Мінск, 1967) "Калінавыя зоры" (Мінск, 1969) "Прызнанне" (Мінск, 1970) "Не здадзеныя вышыні" (Мінск, 1972) "Сын камунара" (Мінск, 1973) "На пераправе" (Мінск, 1974) "Лірыка" (Мінск, 1975) "Свіцязанка" (Мінск, 1976) "Плацдарм" (Мінск, 1978) "Лісты з паходаў" (Мінск, 1980) "Каляка-маляка" (Мінск, 1981) "Вячэрняя праверка" (Мінск, 1982) "Парог памяці" (Мінск, 1983) "Пасля развітання" (Мінск, 1984) "Каляровыя халады" (Мінск, 1984) "Апаленыя вёрсты" (Мінск, 1986) "Сцяблінка" (Мінск, 1986) "Водгулле грому" (Мінск, 1989) "Споведзь любові" (Мінск, 1990) "Па слядах маланкі" (Мінск, 1991) "Дзе начуе вецер?" (Мінск, 1998) "Дар князёўны" (Горкі, 2001) "Позняя восень" (Мінск, 2001) "Бярозавы лісток" (Мінск, 2004) "Любоў без ростані" (Мінск, 2005) "На хвалях часу" (Мінск, 2005) "Нам не сняцца пантэоны..." (Мінск, 2005) "Скарбы Бесядзі" (Мінск, 2005)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Андрэеў, К. Я служыў свайму роднаму люду / К. Андрэеў, А. Яромін // Шлях Кастрычніка. – 2007. – 24 студзеня. – С. 3. Беларуская энцыклапедыя : у 18 т. – Мінск, 1996. – Т. 13. – С. 85. Беларускія пісьменнікі : бібліяграфічны слоўнік : у 6 т. – Мінск, 1992. – Т. 5. – С. 63-64. Республика Беларусь : энциклопедия : в 7 т. – Минск, 2008. – Т. 6. – С. 275-276. Ласоўскі, М. Шчырая песня салдата з вескі Альшоў [Тэкст] : да 75-годдзя П. Ф. Прыходзькі / М. Ласоўскі // Шлях Кастрычніка. – 1995. – 7 сакавіка. – С. 4. Раманенка, Л. "Больш не хачу быць на вайне!" / Л. Раманенка // Літаратура і мастацтва. – 2005. – 25 лютага. – С. 15. Раманенка, Л. Дарунак хацім’i / Л. Раманенка // Культура. – 2001. – 29 снежня. – 4 студзеня. – С. 10. Раманенка, Л. Зямля ў нас такая... / Л. Раманенка // Літаратура і мастацтва. – 2003. – 18 красавіка. – С. 15. Шніп, В. Голас сэрца Айчыннай пачуты [Тэкст] : да 90-годдзя з дня нараджэння П. Ф. Прыходзькі / В. Шніп // Шлях Кастрычніка. – 2010. – 26 лютага. – С. 1.