Таленты ад роднай зямлi

Пошук персаналiй		Геаграфiчны пошук


Імя на беларускай мове:		Мінкін Алег Гаўрылавіч
Гады жыцця, месца нараджэння:		(31.03.1952, в. Чарняўка, Хоцімскі раён, Магілёўская вобласць).
Творчая накіраванасць, тэматычны жанр:		Паэт, перакладчык.
Звесткі аб званнях, узнагародах:		Член Саюза беларускіх пісьменнікаў (1988), член Саюза пісьменнікаў Літвы (1991), лаўрэат літаратурнай прэміі Таварыства вольных літаратараў "Гліняны Вялес" за кнігу вершаў "Пенаты" (2007).

Дадатковая інфармацыя (націсніце для паказу/скрывання)

Імя на рускай мове:		Минкин Олег Гаврилович
Псеўданімы:
Творчасць:		Мінкін Алег Гаўрылавіч – беларускі паэт, перакладчык. Нарадзіўся на Хоцімшчыне. Вучыўся ў Хоцімскай васьмігадовай школе-інтэрнаце. Дзесяты клас скончыў у Бабруйскай школе-інтэрнаце № 1. У 1969 г. паступіў у Маскоўскі энергетычны інстытут. Пасля двухгадоў вучобы перавёўся на факультэт электрыфікацыі Маскоўскага інстытута інжынераў сельскагаспадарчай вытворчасці (1971-1975 гг.). Атрымаў спецыяльнасць інжынера-электрыка, накіраваны майстрам ва Улан-Удэ, у тэхкалону № 56. Працаваў электрамантажнікам, майстрам па будаўніцтве электрападстанцый. 3 Бураціі вярнуўся на Беларусь. 3 1977 г. працаваў інжынерам ў сістэме "Галоўтранснафта", у тым ліку начальнікам брыгады на поўначы Цюменскай вобласці (г. Наябрск); з 1981 г. – інжынерам у Брэсце. 3 1991 г. жыве і працуе ў Вільнюсе. 3 1998 г. – рэдактар газеты беларусаў Літвы "Рунь". Друкуецца з 1980 г. Першы зборнік вершаў "Сурма" выйшаў у 1985 г. Тады ж у зборніку п’ес "Крынічка" надрукавана яго п’еса-казка "Як Лыска ваўком быў". Паэзія А. Мінкіна вызначаецца адметнай паэтычнай пластыкай, сталым поглядам на свет з яго складанымі праблемамі. Гэта паэт-наватар, але яго "наватарства глыбока схавана ў нацыянальнае, традыцыйнае" (Д. Бічэль-Загнетава). Пераклаў вершы Ц. Норвіда, Б. Лесьмяна, Л. Стафа, П. Грабоўскага.
Спіс асобна выдадзеных кніг і зборнікаў:		"Сурма" (Мінск, 1985) "Расколіна" (Мінск, 1991) "За месяцам месяц" (Мінск, 1994) "Праўдзівая гісторыя Краіны Хлудаў"(Мінск, 1994) "Як Лыска ваўком быў" (1985) "Пэнаты" (Мінск, 2007)
Звесткі пра публікацыі ў зборніках, перыядычных выданнях:
Крыніцы інфармацыі:		Беларуская энцыклапедыя : у 18 т. – Мінск, 1996. – Т. 10. – С. 389. Беларускі фальклор : энцыклапедыя : у 2 т. – Мінск, 2006. – Т. 2. – С. 147-148. Беларускія пісьменнікі : бібліяграфічны слоўнік : у 6 т. – Мінск, 1992. – Т. 4. – С. 306-307. Ласоўскі, М. Вобразы мінуўшчыны [Тэкст] : аб маладым паэце-земляку Алегу Мінкіну / М. Ласоўскі // Шлях Кастрычніка. – 1986. – 31 ліпеня. – С. 4. Левановіч, Л. Алег Мінкін : [аб творчасці пісьменніка, ураджэнца в. Чарняўка Хоцімскага раёна] / Леанід Галубовіч // Галубовіч, Л. М. Сыс і кулуары : літ.-крыт. эсэ / Л. М. Галубовіч. - Мiнск, 2010. — С. 110—116. ЛеГАЛ Кулуары : творчасць паэта Алега Мінкіна, урадж. в. Чарняўка Хоцім. р-на / ЛеГАЛ // ЛіМ. - 2008. - 4 студзеня. - С. 16. Мінкін Алег Гаўрылавіч : в. Чарняўка Хоцімскага раёна, паэт, перакладчык / рэдкал. Г. П. Пашкоў і інш. // Беларускі фальклор. - 2006. - С. 147-148. Мудроў, В. Дзень рыбака / Вінцэсь Мудроў // Дзеяслоў. - 2012. — № 1. — С. 283—288. Тарасава, Т. МІнкін Алег Гаўрылавіч : [паэт, драматург, сябар Саюза беларускіх пісьменнікаў, ураджэнец в. Чарняўка Хоцімскага раёна Магілёўскай вобласці] / Тамара Тарасава // Сузор’е беларускага памежжа : беларусы і народжанныя ў Беларусі ў суседніх краінах : энцыклапедычны даведнік / старшыня рэд. калегіі А. Мальдзіс. - Мінск, 2014. — С. 339 : фота.